Litanga 48:16 - KITABU KITAKATIFU

¹⁶ Ingelosi wa mbonnya kuntwulidza ku budamano bwosi, a gasidze avayai; na lieta lyange litalirwe kuvo, na lieta lya vaguga vange Abrahamu na Isaka; navo va viruke, nokukula kuva avanyingi mu lirova.

Litanga 48:16 ပူးပေါင်းရင်းမြစ်များ

Litanga 22:11

Na ingelosi wa Yahova ya mu langa kutwula migulu na a vola, Abrahamu, Abrahamu: naye ya bugira yo, Mbeye hano.

Litanga 22:15

Kandi ingelosi wa Yahova ya langa Abrahamu hali kaviri kutwula migulu,

Litanga 32:28

Na ya mu volera, Lieta lilyo si li la langwa kandi Yakobo, navutswa li la langwa Israeli: kigira u gerani na Nyasaye na avandu, na u guuti.

Litanga 46:3

Naye ya vola, Inze mbeye Nyasaye, Nyasaye wa dada wowo: u ta tia kusulunguta Egepeti mba; kigira yeyo nda ku kola kuva ihiri inene:

Litanga 48:5

Na kalunu avana vovo avayai vaviri, avivulwa ku ive mu kivala kya Egepeti lwa inze nkikiri kuduka ku ive mu Egepeti, va veye vange; Efiraim na Manase, kuli Rubeni na Simeoni, va la va vange.

Litanga 49:22

Yosefa a veye lusya lwelyama, Lusya lwelyama lu veye himbi nekisenukiru; Tsisya tsitsye tsi landa ku lidigi.

2 Samweli 4:9

Na Daudi ya tivulira Rekahu na Baana amwavo wewe, avana va Rimon Mubeerothu, na a va volera, Kuli Yahova a veye mwoyo, wa honnya mwoyo gwange mu kivi kyosi,

1 Avami 1:29

Ma mwami yisuha, na a vola, Kuli Yahova a veye mwoyo, uyu wa honnya mwoyo gwange ku kivi kyosi,

2 Kyetsinyinga 7:14

ni i va avandu vange, ava langwa ku li eta lyange kuvo, vegehidze avene, nokusaala, nokwenya mmoni mwange, nokwirana kutwula ku tsinzira tsyavo tsindamano tsyosi; hene yaho nda hulira hano miguhl, nokusameha ubwoni bwavo, nokuhonnya kivala kyavo.

Zaburi 121:7

Yahova a la ku linda ku bubi bwosi; A la linda mwoyo gugwo.

Zaburi 34:2

Mwoyo gwange gu ligingira mu Yahova: Avahoma va la hulira yaga nokuva nesango.

Zaburi 34:22

Yahova a tungiranga myoyo gyavatumekiri veve; Na kali mulala kuvo avivisanga muye si a la kalagirwa mba.

Zaburi 34:7

Ingelosi ya Yahova a kumbiridzanga yavo ava mu tidzanga, Na a va hedzanga ubwiyangu.

Zaburi 34:8

Mu tsatsame, mu lole Yahova a veye mulahi: A veye nobugasu wevisanga muye.

Kutwula 1:7

Na avana va Israeli va li nolwivulu ligali, ni va medeka munonono, nokuduka kuva vanyingi ligali, nokunyola tsingulu tsinyingi ligali; navo vizula kivala.

Isaya 47:4

Umu tungiri wetu, Yahova wa mahe ni lieta lilye, Mutakatifu wa Israeli.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Jeremia 14:9

Kigira ki ive u veye kuli mundu wa timuka enkolo, kuli mundu wetsingulu u ta nyala kuhonnya? Navutswa ive, O Yahova, u veye hagati hetu, na kwinye ku langangwa ku lieta lilyo; u ta ku leka mba.

Jeremia 15:21

Na nda honnya ive kutwula mmukono gwavadamano, na nda tungira ive kutwula mmukono gwa uyu u tihidzanga.

Amosi 9:12

va duke kuvugula avatigala va Edom, na vetsihiri vosi ava langwa ku lieta lyange, Yahova u kolanga inkuva yiyi, a volanga.

Malaki 3:1

Henza, ntuma mutumwa wange naye a la lungikidza inzira mbir; wange: na Yahova wa mwenyanga, a ladza ku litempeli lilye nonoho; nomutumwa welilagana, wa mwenyanga, henza, yadzanga, Yahova wa mahe a vola.

Livalidza 1:46

kali vosi va validzwa va li tsielfu tsimia tsitano na indala, na tsielfu tsivaka, na tsimia tsitano na avandu makumi gatano.

Matayo 6:13

U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

Yohana 17:15

Si nku saava u va twulidze mu lirova, navutswa u va linde ku mudamano.

Vikolwa 15:17

Avandu ava tigaye va duke kwenva Mwami, Kandi Tsihiri tsyosi tsyelieta lyange li talirwa kuvo

Varumi 8:23

Navutswa si ga li yaga geng'ine, navutswa kwinye kandi ava ku veye nobuhya bwa Roho, kali kwinye ku kenyanga avene, ku lindirira libugirirwa kuva avana, nalyo nobuhonnyi bwemibiri gyetu.

1 Vakorintho 10:4

kandi vosi va nwa kyokunwa kilala kya roho: kigira va nwa ku lwanda lwa roho lwa va londa: nolwanda yilwo lwa li Kristo.

1 Vakorintho 10:9

Kandi ku ta geridza Mwami kuli avalala kuvo va mu geridza, ni viitwa netsinzoka.

Kwidzulitsa 28:10

Navandu vosi velirova va la lola ndi, ive u langwa ku lieta lya Yahova, na va la ku tia.

Kwidzulitsa 33:17

Watanga-kwivulwa ku likula lilye ubukumi bu veye bwibwe; Netsinziga tsyayo tsi veye kuli tsinziga tsyembogo: A la mina avetsihiri tsyosi natsyo, kuduka ku kiheri kyelirova: Navo va veye tsielfu likumi tsya Efiraim, Navo va veye tsielfu tsya Manase.

2 Timoteo 4:18

Mwami ya mbonnya mu miyinzi gyosi midamano, nokuninda kuduka mu bwami bwibwe bwomigulu: wo bukumi bu veye kuye mihiga nemihiga. Amini.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 11:21

Ku lisuuvira Yakobo, lwa iya kudzanga, ya gasidza avana va Yosefa sa mulala; na a sigama lwa yidira ku impimbo yeye.

Joshua 17:17

Na Joshua ya volera avenyumba ya Yosefa, kali Efiraim na Manase, na a vola, Ive u veye ihiri inene, na u veye nobunyali bunyingi; si u li nyola kidieli kilala vutswa: