Litanga 47:12 - KITABU KITAKATIFU

¹² Na Yosefa ya lageridza dada wewe, na avamwavo veve, na vosi avenyumba ya dada wewe, vyokulia kuli liva lyetsihiri tsyavo.

Litanga 47:12 ပူးပေါင်းရင်းမြစ်များ

Litanga 45:10

na u la menya mu kivala kya Goshen, na u la va himbi na inze, ive, na avana vovo, na avana vavana vovo, na magondi gogo na tsing'ombe tsyitsyo, na vyosi vya u veye navyo:

Litanga 45:11

na inze nda ku lihidza yo; kigira gyi tigaye mihiga gyitano gyenzala; gase ive u la damba, ive, nenyumba yoyo yosi, na vyosi vya u veye nakyo.

Litanga 45:7

Na Nyasaye ya nzimiriridza imbiri wenyu kumuhonyira avelitigala mu lirova, nokumuhonya mu ve mwoyo nelihonywa linene.

Litanga 47:1

Kunangwa Yosefa yingira na a volera Farao, na a vola, Dada wange na avamwavo vange, na vyayo vyavo, na imitugu gyavo, na vyosi vya va veye navyo, vadzi kutwula mu kivala kya Kanani; na henza, va veye mu kivala kya Goshen.

Litanga 47:21

Kandi ku avandu avene, ya vadikidza mu madala kutwula ku lwako lwoluvega yilu, kuduka ku lwako lwoluvega yilwo lwa Egepeti.

Litanga 47:24

Na inyinga yeligesa, mu la ha Farao kidieli kyevitano, na vidieli vine vi la va venyu avene, vi ve vyobugutsa bwemilimi, na vyokulia vyenyu, na vya avetsinyumba tsyenyu, na vya avana venyu.

Litanga 50:21

Kunangwa kalunu mu ta tia mba: inze nda mu lageridza, mwinye na avana venyu. Naye ya leminya myoyo gyavo, nokuvolerana navo nobuhokya.

Kutwula 20:12

Widzominye dada wowo na mama wowo, madiku gogo ga ve manyingi mu kivala kya Yahova Nyasaye wowo a ku ha.

Isaya 22:24

Navo va la sunga kuye ubukumi bwosi bwenyumba ya dada wewe, lwivulo nekisukululwi, viju vikekeke sa kilala, kutwula ku viju vyevikombe kuduka ku viju vyevikopo vyosi.

1 Vatesalonike 2:7

Navutswa kwa loleka kuva avahooma ku mwinye, kuli muleri a dendanga avana veve mwene:

1 Timoteo 4:8

kigira ku lyenalidza ku mubiri li konya hakekeke; navutswa litibwa lya Nyasaye li konyanga ku vindu vyosi, kigira li veye nelisuuviridza lyelivamwoyo lya kalunu, na yili lidzanga.

1 Timoteo 5:4

Navutswa ku vosi mukunzakali u veye navana kinga avisukulu, va tange kweyegidza litibwa lya Nyasaye ku venyumba vavo, nokugwuha avivuli vavo: kigira yili li yanzeka imbiri wa Nyasaye.

1 Timoteo 5:8

Navutswa ku vosi mundu na a ta linda aveve, ligali yava avenyumba yeye, u mali kwambakana lisuuvira, kandi u veye mudamano kuvita u ta suuvira.

Ruth 4:15

Naye a la va ku ive wirannya liva mwoyo, nowokuhenza ubukeere bubwo; kigira navizala wowo, u ku yanzanga, wa duka ive kuvita avana vayai vatano na navaviri, u mwivuye.