Litanga 46:34 - KITABU KITAKATIFU

³⁴ Mwinye mu la vola, Avatumekiri vovo va veye avatugi vemitugu kutwula bwana bwoke bwetu kuduka lero, kwinye, na avadada vetu: mu duke kumenya mu kivala kya Goshen; kigira avayi vosi va veye livihiriridza ku Avaegepeti.

Litanga 46:34 ပူးပေါင်းရင်းမြစ်များ

Litanga 13:7

Kandi ha li nehhing'ana hagati ha avayi, avayanga mitugu gya Abram na gya Loti: na Vakani na Vaperizi va li mu kivala inyinga yeyo.

Litanga 13:8

Na Abram ya volera Loti, Nku goonyanga, li ta va ho lihing'ana hagati hange nive, na hagati ha avayi vange na vovo; kigira ku veye amwavo na amwavo.

Litanga 26:20

Na avayi va Gerari va lembana na avayi va Isaka, ni va vola, Amadzi yaga ni getu: na ya gulika kidaho zana Eseku; kigira va hangalidzana naye.

Litanga 30:35

Naye ku lidiku yilyo ya twulidza tsikole tsinkalanye, na tsisanzali, na tsimbuli tsinkali tsyosi tsimbalabale na tsisanzali, na tsyosi tsi veye na lilavu ku mbiri, na magondi gosi amamwamu, na a gyi vika mu makono ga avana veve;

Litanga 34:5

Kunangwa Yakobo ya hulira uyu yononya Dina mukana wewe; na avayai veve va li mu kyayiru halala nemitugu: na Yakobo ya kiring'ana kuduka lwa vadza.

Litanga 37:12

Kunangwa avamwavo veve va tsia kwaya kyayo kya dada wavo ha Shekem.

Litanga 37:2

Na yivi ni visukululwi vya Yakobo. Josefa, lwa ya li nemihiga likumi na gyitano na gyiviri, ya li mwayi wekyayo halala navamwavo veve; na ya li muyai halala na avana va Bilha, na halala na avana va Zilpa, avakali va dada wewe: na Yosefa ya letera dada wavo makuvagavomadamano.

Litanga 43:32

Na va mu vikira vivye yeng'ine, na vya yavo veng'ine, na vya Vaegepeti, ava lia halala naye, veng'ine: kigira Avaegepeti si va nyala kulia halala na Vahebraina; kigira nu mugyiru ku Vaegepeti.

Litanga 45:10

na u la menya mu kivala kya Goshen, na u la va himbi na inze, ive, na avana vovo, na avana vavana vovo, na magondi gogo na tsing'ombe tsyitsyo, na vyosi vya u veye navyo:

Litanga 45:18

na mu vugule dada wenyu na avetsinyumba tsyenyu, mudze ku inze: na nda mu ha ubulahi bwekivala kya Egepeti, na mwinye mu la lia vyobunolu bwekivala.

Litanga 46:32

Na avandu yavo va veye avayi vemitugu, kigira va veye avatugi vemitugu; navo va leti vyayo vya magondi, ne tsing'ombe, na vyosi vya va veye navyo.

Litanga 47:11

Na Yosefa ya vika dada wewe na avamwavo veve, na a va ha miyandu gyemilimi mu kivala kya Egepeti, mu kivala kya li kilahi ligali, mu kivala kya Ramesese, kuli Farao ya laga.

Litanga 47:3

Na Farao ya teva avamwavo veve, Miyinzi gyenyu gyi veye ki? Navo va volera Farao, Avatumekiri vovo va veye avatugi vemitugu, kwinye, na avadada vetu.

Litanga 47:4

Navo va volera Farao, Ku udzi kuva avamenya mu kivala; kigira si ha veye nobwayiru i bwevyayo vyavatumekiri vovo; kigira inzala i veye yekihalatu mu kivala kya Kanani; kunangwa, ku goonya ive, u he avatumekiri vovo munwa, va menye mu kivala kya Goshen.

Litanga 47:6

kivala kya Egepeti ki veye imbiri wowo; u vike dada wowo na avamwavo vovo, va menye mu kivala kilahi kuvita; va menye mu kivala kya Goshen: kandi nu u manya hagati havo avandu avanyala, u va vike kwameha imitugu gyange.

Kutwula 8:22

Kandi ku lidiku yilyo ndavukanya kivala kya Goshen, ha avandu vange va menya, maduuma getsingi tsi vule kuva mu; ive u duke kumanya inze mbeye Yahova hagati helirova.

Kutwula 8:26

Na Musa ya vola, Si ga ku dukira kukola ndiyo; kigira ku la lombera Yahova Nyasaye wetu isadaka yekivihiri kya Avaegepeti imbiri wetsimoni tsyavo: henza, ku la lomba isadaka yekivihiri kya Avaegepeti imbiri wetsimoni tsyavo, navo si va la ku lasa magina?