Litanga 46:3 - KITABU KITAKATIFU

³ Naye ya vola, Inze mbeye Nyasaye, Nyasaye wa dada wowo: u ta tia kusulunguta Egepeti mba; kigira yeyo nda ku kola kuva ihiri inene:

Litanga 46:3 ပူးပေါင်းရင်းမြစ်များ

Litanga 12:2

na nda kola Ive u ve ihiri inene, na nda ku gasidza, na nda kola lieta lilyo li ve linenena ive u ve ubugasu:

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

Litanga 15:13

Na ya volera Abram, U manye ligali visukurulwi vivyo vi la va avamenya mu kivala ki ta li kyavo, na va la va tumekira; navo va la va dambidza mihiga tsimia tsine;

Litanga 17:1

Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.

Litanga 18:18

Kigira Abrahamu ligali a la duka kuva ihiri inene neyetsingulu, na tsihiri tsyosi tsyelirova tsi la gasidzirwa muye?

Litanga 22:17

mu ligasidza nda ku gasidza, nomu limeda nda meda kisukululwi kikyo vi ve kuli tsing'ereng'ani tsyomigulu, kandi kuli umuyeke gwoluginga lwenyanza; kandi kisukululwi ki lameha ku kiribwa kyavasigu vakyo;

Litanga 35:11

Na Nyasaye ya mu volera, Inze mbeye Nyasaye Wanyala Vyosi: u ve nolwivulu lunyingi, nokumedeka; ihiri nobunyingi bwetsihiri tsi la twula ku ive, kandi avami va la twula ku inda yoyo;

Litanga 47:27

Na Avaisraeli va menva mu kivala kya Egepeti, mu kivala kya Goshen; navo venyolera mu miyandu, navo va li nolwivulu, ni va medeka ligali.

Litanga 48:16

Ingelosi wa mbonnya kuntwulidza ku budamano bwosi, a gasidze avayai; na lieta lyange litalirwe kuvo, na lieta lya vaguga vange Abrahamu na Isaka; navo va viruke, nokukula kuva avanyingi mu lirova.

Litanga 48:19

Na dada wewe ya sula, na a vola, Mmanya, mwana wange, mmanya; uyu kandi a la gwa ihiri, kandi a la va munene: navutswa amwavo wewe muke a la va munene kuvita uyu, na kisukululwi kikye ki la gwa ubunyingi bwetsihiri.

Kutwula 1:12

Navutswa kuli va meda lidambidza kuvo, na ndiyo kandi va kira kumedeka, nokulanda. Na va vihirirwa kigira avana va Israeli

Kutwula 14:13

Na Musa ya volera avandu, Mu ta tia mba, mu singire, na mu lole ubuhonyi bwa Yahova, bwa a li kolera mwinye lero: kigira Avaegepeti va mu lolanga lero, si mu la va lola kandi mihiga nemihiga.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Jeremia 40:9

Na Gedalia mwana wa Ahikam mwana wa Shafan ya visuhira yavo na vandu vavo, kuvola, Mu ta tia kutumekira Vakalidei mba: mu menye mu kivala, mu tumekire mwami wa Babuloni, na ndiyo bu la va bulahi ku mwinye.

Vikolwa 27:24

na a vola U ta tia, Paulo; ga ku dukira kusingira imbiri wa Kaisari: kandi henza Nyasaye u mali kukuha yava vosi ava genda halala nive.

Vikolwa 7:17

Navutswa lwa ya li ni yenya kuduka inyinga yelisuuviridza lya Nyasaye ya laga Abrahamu, avandu va landa na va dasika mu Egepeti,

Kwidzulitsa 1:10

Yahova Nyasaye wenyu a mu kola kuva avanyingi, na, henzi, lero mu veye avanyingi kuli tsing'ereng'ani tsyomigulu.

Kwidzulitsa 10:22

Avaguga venyu va sulunguta Egepeti avandu makumi gatano na gaviri; na kalunu Yahova Nyasaye wowo u ku koli kuli tsing'ereng'ani tsyomigulu, kiduma kinene.

Kwidzulitsa 26:5

Na ive u twule u vole imbiri wa Yahova Nyasaye wowo, Dada wange ya li Musiria, wa li himbi kugota, yiika Egepeti, na a menya yo, na a veye avandu vakekeke ku livalidzwa; ya gwa ihiri inene, neyetsingulu, navandu vanyingi.