Litanga 43:27 - KITABU KITAKATIFU

²⁷ naye ya va teva makuva gavo, na a vola, Dada wenyu a veye mulamu, musakulu wa mwa mbolera makuva gege? Kuduka kalunu a veye mwoyo?

Litanga 43:27 ပူးပေါင်းရင်းမြစ်များ

Litanga 37:14

Naye ya mu volera, Tsia kalunu, u lole avamwavo vovo ni va va ni va veye avalarnu, kandi kyayo ni ki va ni ki veye kilahi; u ndetere makuva. Kunangwa ya mu tuma a twule mu livona lya Hebironi, na ya duka Shekem.

Litanga 41:16

Na Yosefa ya tivulira Farao, na a vola, Si ga veye mu inze: Nyasaye a la ha Farao litivula lyemirembe.

Litanga 42:11

Kwinye kwosi ku veye avana vomundu mulala; ku veye avasuuvirifu, avatumekiri vovo si ku veye avaluti mba.

Litanga 42:13

Navo va vola, Kwinye avatumekiri vovo ku veye avamwavo likumi na vaviri avana vomundu mulala mu kivala kya Kanani; na henza, mukogoti a veye halala na dada wetu lero, na mulala si a veye ho mba.

Litanga 43:7

Navo va mu volera, Mundu uyu ya ku teveridza ligali makuva getu, na ga ihiri yetu, na a vola, Dada wenyu a veye mwoyo? Na mu veye namwavo wundi? Na kwinye kwa mu tivulira kuli mateva yaga: kwinye kwa li ku nyale ndi kumanya a la ku volera, Mu sulungutidze amwavo wenyu hano?

Litanga 45:3

Na Yosefa ya volera avamwavo veve, Inze mbeye Yosefa; dada wange a kiri mwoyo? Na avamwavo veve si va nyala kumutivulira; kigira va henda mwoyo imbiri wewe.

2 Avami 4:26

mwadza, nyagula kalunu, u tsie kumwaganira, u mu teve, Mirembe ku ive? Nemirembe ku musatsa wowo? Nemirembe ku mwana? Na ya tivula, Nemirembe.

1 Kyetsinyinga 18:10

ya tuma Hadoram mwana wewe ku mwami Daudi, a duke kumuchelidza, nokumugasidza, kigira ya lwana na Hadarezeri nokumukuya ligali (kigira Hadarezeri ya li na a veye nobulwani na Tou); naye ya li neviju vyetsing'ano tsyosi, vyethahabu, ne vyefetha nevyomugasa.

Kutwula 18:7

Na Musa ya twula na a tsia kuvugana na navizala wewe, naye ya mu sigamira, na a mbusa; ni va tevana liva lyavo; navo vingira mu lihema.

Vakalagi 18:15

Na va govera, ni va tsia ku inyumba yomusoleli Mulevi, kuduka ku inyumba ya Mika, na va mu chelidza.

1 Samweli 17:22

Na Daudi ya leka viju vivye mmukono gwomulindi weviju, na ya nyagula kutsia ha lihe lyavasikari, na ya tsia na a chelidza avamwavo veve.

1 Samweli 25:5

Ma Daudi ya tuma vasoleli likumi, na Daudi ya volera vasoleli, Mwanegire kutsia Karimeli, mu tsie ku Nabali, mu mu chelidzire mu lieta lyange: