Litanga 41:8 - KITABU KITAKATIFU

⁸ Kunangwa mugamba mwoyo gwigwe gwa henda; naye tuma, na a langa avakumu vosi va Egepeti, na avageeri vosi: na Farao ya va volera liloto lilye; navutswa si ha li nomulala wa nyala kuvuulira Farao maloto gege.

Litanga 41:8 ပူးပေါင်းရင်းမြစ်များ

Litanga 40:6

Na Yosefa yingira mugamba ha va li, na a lola, henza, va vereranga.

Litanga 40:8

Navo va mu volera Ku loti maloto, na si ha veye nomundu u nyala kukuvuulira. Na Yosefa ya va volera, ligirunkanya si li veye lya Nyasaye? Mwadza, mu mbolere.

Litanga 41:15

Na Farao ya volera Yosefa, Ndoti maloto, na si ha veye na u nyala kumbuuiira: na inze mbuliye makuva gogo, lwa u hulira maloto u nyala kugavuula.

Litanga 41:24

na vyangala vinyerere vya mira vyangala vitano na viviri vilahi: ma nda volera avakumu navutswa si ha li nomulala wa nyaia kumbuulira.

Litanga 41:7

Na vinyerere yivi vya mira vyangala vitano na viviri vizula na vilahi. Na Farao ya vuka, na henza, lya li liloto.

Zaburi 25:14

Aga viswa ga Yahova ga veye ga yavo ava mu tidzanga; Naye a la va mannya lilagana lilye.

Kutwula 7:11

Hene yaho Farao ya langa avageeri na avasegetiri: navo kandi, avasegetiri va Egepeti, va kola ndiyo nobusegetiri bwavo.

Kutwula 7:22

Kandi avasegetiri va Egepeti va kola kuli yaga nobukumu bwavo: na mwoyo gwa Farao gwa dinyiridzwa, na a vula kuvahulira; kuli Yahova ya vola.

Kutwula 8:7

Na avasegetiri va kola ndiyo nobusegetiri bwavo, na va senukidza makere ku kivala kya Egepeti.

Kutwula 9:11

Na avasegetiri si va nyala kusingira imbiri wa Musa kigira mavimba; kigira mavimba ga li ku avasegetiri, noku Avaegepeti vosi.

Isaya 19:3

Na roho gwa Egepeti gu la kudza hagati hakyo; na ndononnya makuva gakyo: va la tsia ku vifwananyi, noku vasegetiri noku vang'oli, noku va kumu.

Isaya 29:14

kunangwa kigira yaga, henza nda kola kandi miyinzi gyeligenya hagati ha avandu yava, miyinzi gyeligenya, likuva lyokugenya nokuhuga; nobugeeri bwavageeri vavo bu la gota, nelimanya lyavetsiganagani vavo li la viswa.

Isaya 8:19

Na lwa va ku volera, Tsia ku yavo ava veye na roho gyobukumu, noku vasegetiri, ava lagulanga nokufuguma: si ga dukanga avandu kwenya Nyasaye wavo? Ga dukanga va tsie ku vakudzu kigira ava veye mwoyo?

Danyeli 1:20

Kandi mu makuva gosi gobugeeri na agelimanya, agomwami ya va teva ku, ya va lola kuva avalahi kuvita hali likumi, avakumu vosi na avasegetiri ava li mu bwami bwibwe bwosi.

Danyeli 4:18

Liloto yili inze, mwami Nebukadinezaru, ndoli; na ive, O Beliteshazaru, u vuule livuula lyalyo, kigira avageeri vosi avobwami bwange si va nyala kumbuulira livuula lyalyo; navutswa ive u nyala; kigira roho wavanyasaye vatakatifu gu veye mu ive.

Danyeli 4:19

Hene yaho Danyeli wa lieta lilye lya li Beliteshazaru, ya genya inyinga inkekeke, na tsiganagani tsitsye tsya mu hulula inkolo. Mwami ya tivula na a vola, Beliteshazaru, u ta leka liloto, kinga livuula lyalyo li ku hulule inkolo. Beliteshazaru ya tivula, na a vola, Mwami wange, liloto li ve ku yavo ava ku dunyira, na livuula lyalyo li ve ku vasigu vovo.

Danyeli 4:5

Nda lola liloto lya ntihidza; na tsiganagani tsya nda li natsyo ku kitali kyange, na malola agomutwe gwange ga nyangidza.

Danyeli 4:6

Kigira yaga nda haana munwa kuleta avageeri vosi va Babuloni imbiri wange, va mbuulire livuula lyeliloto.

Danyeli 4:7

Kunangwa avakumu, na vasegeteri, na Avakalidei, na avang'olera ku tsing'ereng'ani, vingira, na inze nda va volera liloto lyange, navutswa si va mbuulira livuula lyalyo.

Danyeli 5:11

Mundu a veye ho mu bwami bubwo, wa roho gwa va nyasaye vatakatifu gu veye muye; na mu madiku ga dada wowo, ubulavu, nelimanya, nobugeeri, bwa loleka muye, kuli ubugeeri bwa vanya saye; na mwami Nebukadinezaru dada wowo, mwami, mbola, dada wowo, ya mu kola a ve munene wa avakumu, vasegeteri, Avakalidei, na avang'oli;

Danyeli 7:28

Yiki ki veye kiheri kya makuva. Ku makuva gange inze, Danyeli, tsiganagani tsyange tsya mbendidza mwoyo, na ligondo lyange lya galula mu inze: navutswa nda linda makuva mu mwoyo gwange.

Danyeli 8:27

Na inze, Danyeli, ihuvuki ya mbuha, na nda lwala madiku ga duki; ma nda singira nokukola miyinzi gyomwami: na nda genyera malola yaga, navutswa si ha li nowa ga manya.

Kyavalevi 19:31

Mu ta tsia ku yavo ava veye nemyoyo gyokulagula, kinga ku avavimbuli, mu ta venyira kwononywa navo: inze mbeye Yahova Nyasaye wenyu.

Kyavalevi 20:6

Na mundu u girunkananga kulonda yavo ava veye nemyoyo gyokulagula, noku avavimbuli, kuvalonda mu buheyi, nda henzidza mumoni mwange ku mundu uyu, na nda mu twulidza mu avandu veve.

Habakuk 3:16

Inze nda hulira, na mubiri gwange gwa degera, Minwa gyange gya degera kigira mwoyo gwigwe; Ubugundu bwingira mu vigumba vyange, na nda degera mbugono bwange; Nduke kusosa mu lidiku lyekivi, Inyinga yelyanegira lyavandu va ku twulira nelihe.

Matayo 2:1

Inyinga Yesu yivulwa mu Bethlehemu lyo Buyuda mmadiku ga Herodi mwami, henza, Avageeri va twula ivugwe, vadza Yerusalemi, ni va vola,

Vikolwa 17:18

Kandi avalala ku Vaepikurio na Vasitoiko ava li vafilosofo, va mu nyola. Avalala va vola, Mudemanyi uyu yenya kuvola ki? Navandi va vola, A fwana mwilwadzi wamademone amageni: kigira ya li ni yilwadza Yesu nelisimuguka.

Vikolwa 7:22

Ku, Musa yegidzwa ubugeeri bwosi bwa Vaegepeti; kandi ya li netsingulu ku makuva gege noku miyinzi gyigye.

1 Vakorintho 1:19

Kigira ga ng'odwa, Nda dividza ubugeeri bwavageeri, Nelimanya lyavamanya nda lega.

1 Samweli 6:2

Na Vafilisiti va langa avasalisi navasegetiri, na va vola, Ku la kola ki nelisanduku lya Yahova? Mu ku mannye kuli kunyala kuligalukidza hango halyo.