Litanga 41:43 - KITABU KITAKATIFU

⁴³ na a mu nyinya mu ligari lya kaviri lya ya li nalyo; na vimira imbiri wewe ni va hanzuka Mu sigame: na ya mu vika ku kivala kyosi kya Egepeti.

Litanga 41:43 ပူးပေါင်းရင်းမြစ်များ

Litanga 41:42

Na Farao ya twulidza imingiri yomuhuri ku mukono gwigwe, na a gi vika Yosefa ku mukono gwigwe, kandi ya mu vika tsingubo tsyekatani tsindahi, nokumuvika munyolo gwethahabu mwigoti mwimwe;

Litanga 41:44

Na Farao ya volera Yosefa, Inze mbeye Farao, kandi si ha veye nomundu mu kivala yiki kyosi kya Egepeti u nyala kuginga mukono kinga kirenge bugira ive.

Litanga 42:30

Mundu uyu, mwami wekivala, ya volerana nekwinye nobululu, na a ku lola ku veye avaluti ava lutanga kivala.

Litanga 42:33

Na mundu uyu munene wekivala, ya ku volera, Nda manya mu veye avasuuvirifu ku ikuva yiyi: mu leke amwavo wenyu mulala ku inze, ma mu hiie ubuswage bwokukonya inzala yetsinyumba tsyenyu, mu tsie;

Litanga 42:6

Na Yosefa ya li mwami ku kivala; niye wa gulidza avandu vosi avekivala. Na avamwavo, va Yosefa va duka, na va mwinamira kudukidza mumoni mwavo hasi.

Litanga 45:26

Na va mu volera, Yosefa a veye mwoyo kuduka kalunu, kandi a veye wamehi ku kivala kyosi kva Egepeti. Naye ya kudza mwoyo, kigira ya vula kuvasuuvira.

Litanga 45:8

Kunangwa si mwa li mwinye mwa ndeta hano, navutswa Nyasaye: naye u nkoli kuva dada ku Farao, nokuva mwami wenyumba yeye yosi, na mwamehi ku kivala kyosi kya Egepeti.

Litanga 50:18

Kandi avamwavo veve va tsia, ni va gwa hasi imbiri wewe, ni va vola, Henza, kwinye ku veye avatugwa vovo.

Litanga 50:9

Kandi magari na avanina ku tsiparasi vanegira halala naye: na lya li lihe linene ligali.

Esther 10:3

Kigira Morde kai Muyuda ya li wa kaviri ku mwami Ahasueru, na ya li munene hagati ha Vayuda, kandi ya bugirirwa mu livugana lya vamwavo veve, yenya ubulahi bwa avandu veve, nokuvola mirembe ku visukululwi viyve vyosi.

Esther 3:2

Na vatumekiri vosi vomwami, ava li mu kiribwa kyo mwami, vinama, ni va sigamira Haman, kigira mwami ya laga ndiyo kuye. Navutswa Mordekai ya vula kwinama, kinga kumusigamira.

Kohelethu 4:14

Kigira ya twula mbuhambe kuva mwami; yee, kali mbwami bwibwe yivulwa mudambi.

Danyeli 2:48

Ma mwami ya kola Danyeli kuva munene, na a mu ha madanyi manyingi, nokumwamehidza ku iprovinse ya Babuloni, nokuva munene ku avandu avageeri va Babuloni.

Vikolwa 7:10

na a mu twulidza mu busaliri bwibwe bwosi na a mu ha ubulahi nobugeeri imbiri wa Farao, mwami we Egepeti; na Farao ya mu kola munyampara mu Egepeti nomu inyumba yeye yosi.

Vafilipi 2:10

ga duke kusigamwa amalu gosi mu lieta lya Yesu, aga va veye migulu, naga va veye mu lirova, naga va veye mugati mwelirova,