Litanga 41:38 - KITABU KITAKATIFU

³⁸ Na Farao ya volera avatumekiri veve, Ku nyala kunyola mulala u fwana mundu uyu, wa Roho wa Nyasaye a veye muye?

Litanga 41:38 ပူးပေါင်းရင်းမြစ်များ

Litanga 41:37

Na inkuva yiyi ya li indahi imbiri wa Farao, na imbiri wavatumekiri veve vosi.

Ezara 7:25

Na ive, Ezara, ku lilonda ubugeeri bwa Nyasaye wowo bu veye mmwoyo gugwo, u viki avakalagi, na avidzo dzi, va duke kukalagira avandu vosi ava veye engereka wo Mugera, yavo vosi ava manya amalago ga Nyasaye wowo; nokwegidza uyu wa vula kugamanya.

Ayubu 32:8

Navutswa mwoyo gu veye mu mundu, Na miyika gya Wanyala Vyosi gyi va hedzanga limanya.

Tsing'ano 14:35

Ubulahi bwomwami bu yeka ku mutumekiri u kolanga nobugeeri; Navutswa ubutima bwibwe bu la va ku uyu u letanga tsisoni.

Tsing'ano 22:29

U lola mundu wobugulu mu miyinzi gyigye? A la singira imbiri wavami; Si a la singira imbiri wa avandu ava ta manyekana.

Isaya 19:11

Avanene va Zoan va siruhala ligali; makuva ga vavoli va Farao avobugeeri ligali ga gwiye makuva getsinyama; mu volere ndi Farao, kuvola, Inze mbeye mwana wa yavo avobugeeri, mbeye mwana wavamr va kale ligali?

Danyeli 4:18

Liloto yili inze, mwami Nebukadinezaru, ndoli; na ive, O Beliteshazaru, u vuule livuula lyalyo, kigira avageeri vosi avobwami bwange si va nyala kumbuulira livuula lyalyo; navutswa ive u nyala; kigira roho wavanyasaye vatakatifu gu veye mu ive.

Danyeli 4:6

Kigira yaga nda haana munwa kuleta avageeri vosi va Babuloni imbiri wange, va mbuulire livuula lyeliloto.

Danyeli 5:11

Mundu a veye ho mu bwami bubwo, wa roho gwa va nyasaye vatakatifu gu veye muye; na mu madiku ga dada wowo, ubulavu, nelimanya, nobugeeri, bwa loleka muye, kuli ubugeeri bwa vanya saye; na mwami Nebukadinezaru dada wowo, mwami, mbola, dada wowo, ya mu kola a ve munene wa avakumu, vasegeteri, Avakalidei, na avang'oli;

Danyeli 5:14

Mbuliye ku ive, roho gwa avanya saye gu veye mu ive, kandi ubulavu na lihulira, na ubugeeri bulahi bu nyoleka mu ive.

Danyeli 6:3

Ma Danyeli yidzominywa kuvita avimiriri avakye veve kandi avagovuna, kigira roho mulahi gwa li muye; na mwami ya ganagana kumuvika ku bwami bwosi.

Danyeli 6:4

Kunangwa avagovuna na avanene venya kunyola kindu ku Danyeli mu miyinzi gyobwami; navutswa si va nyala kunyola kindu kinga lihyolo, kigira ya li musuuvirifu, kandi lihyolo kinga kikyamu si vya nyoleka kuye.

Livalidza 27:18

Na Yahova ya volera Musa, U lete Joshua mwana wa Nuni, nundu wa Roho a veye muye, na u vike kuye mukono gugwo;