Litanga 4:15 - KITABU KITAKATIFU

¹⁵ Na Yahova ya mu volera, Kigira yaga ku vosi u liita Kaini, kisalya ki la vanzwa kuye hali katano na kaviri. Kandi Yahova ya vika kiloleru ku Kaini, gase mulala ku vosi u mu nyola a la mwiita.

Litanga 4:15 ပူးပေါင်းရင်းမြစ်များ

Litanga 4:24

Na Kaini na a va ni ya vanzirwa kisalya hali katano nakaviri, Ligali Lameku a la vanzirwa hali makumi katano na gaviri na katano na kaviri.

1 Avami 16:7

Halala na yaga, likuva lya Yahova ku Baasha noku inyumba yeye, muprofeti Jehu mwana wa Hanani ya li leta, kigira budamano bwosi bwa ya kola imbiri wa Yahova, kumuvihiriridza nevikolwa vyama kono gege, vya li lugano lulala nenyumba ya Jeroboam, kandi kigira ya mu kuya.

Zaburi 59:11

U ta viita mba, gase avandu vange va livirira: U va salannye netsingulu tsitsyo, na u va gehidze, O Mwami, ingavo yetu.

Zaburi 79:12

Wirannye ku avatende vetu hali gatano na gaviri mu viritu vyavo Amanyego gavo aga va nyega ive, O Mwami.

Tsing'ano 6:31

Navutswa na a va na a nyoleka a la tunga hali katano na kaviri; A la haana vyosi vyenyumba yeye.

Ezekieli 9:4

Yahova ya mu volera, Vita hagati helidala, hagati ha Yerusalemi, nokuvika kilolero mu bweni bwavandu va kenyanga nokulira kigira kivihiri kyosi ki kolangwa hagati halyo.

Ezekieli 9:6

mwiite yavo ligali, umusakulu nomusoleli, muyai nomukana, avana navakali; navutswa mu tesunda ku mundu kali mulala u veye nekilolero: na mu tange hatakatifu hange. Nonoho va tanga ku vasakulu ava li imbiri wenyumba.

Hosea 1:4

Na Yahova ya mu volera, U mu gulike lieta lilye Jezireeli; kigira i kikiri inyinga inkekeke, nda vanza kisalya amasahi ga Jezireeli ku inyumba ya Jehu, na nda heridza ubwami bwenyumba ya Israeli.

Kyavalevi 26:18

Kandi mwinye ku yaga, ni mu va ni mu vula kumbulira, hene yaho nda mu li dambidza kuvita hali katano na kaviri kigira ubwoni bwenyu.

Kyavalevi 26:21

Kandi ni mu va ni mu genda mu lihing'ana ku inze, ni mu vula kumbulira, nda leta amaduywa ku mwinye hali katano na kaviri kuvita, kuli ubwoni bwenyu.

Kyavalevi 26:24

inze kandi nda genda nelihing'ana ku mwinye; na nda mu duya, yee inze, nda mu duya hali katano na kaviri kigira ubwoni bwenyu.

Kyavalevi 26:28

inze kandi nda genda nelihing'ana ku mwinye mu butima bwange; na kandi nda mu kupidza kivi hali katano na kaviri kigira ubwoni bwenyu.

Matayo 26:52

Ma Yesu ya mu volera, Wirannye kivavi kikyo ha ki vedza: kigira vosi ava vugula kivavi va la dividzwa nekivavi.

Likunula 14:11

kandi mwoki gwekivi kyavo gu vuya kuduka mihiga nemihiga; kandi si va veye nelisosa mbasu nobudiku, ava sigamira inyama nekifwananyi kyayo, kandi ku vosi u bugirira kyokumanyirwa kyelieta lyayo.

Likunula 14:9

Kandi ingelosi wundi wa kavaka ya va londerera, na a vola nomwoyo munene, Mundu ku vosi na a sigamira inyama yiyi nekifwananyi kyayo, nokubugirira kyokumanyirwa mu bweni bwibwe, kinga mu mukono gwigwe,