Litanga 39:23 - KITABU KITAKATIFU

²³ Mulindi wenyumba yavahambe si ya henza kindu kali kilala, kya li mu mukono gwigwe, kigira Yahova ya li halala naye; na vyosi vya ya kola, Yahova ya vi kola vi ve nobugasu.

Litanga 39:23 ပူးပေါင်းရင်းမြစ်များ

Litanga 39:20

Na mwami wa Yosefa ya mu vugula, na a mu vika mbuhambe, ha avahambe vomwami va bohangwa: naye ya li hombuhambe.

Litanga 39:8

Navutswa ya sula, na a volera mukali wa mwami wewe, Henza, mwami wange si a manya kya mbeye nakyo mu inyumba, kandi ya vika vyosi vya a veye navyo mu mukono gwange:

Zaburi 1:3

A la fwanana nomusala gu simikwa himbi nemigera gyamadzi, Gwamanga ku muhiga gwagwo, Matu gagwo si ga niala mba; Na vyosi vya a kola vi la gasa.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Danyeli 6:22

Nyasaye wange u tumi ingelosi wewe, u hani minwa gyeving'ang'a, na vi vuli kundira; kigira ndolekanga imbiri wewe bugira kindu; kandi imbiri wowo, O mwami, si nzoni kindu kali kilala.

1 Samweli 2:30

Kunangwa Yahova, Nyasaye wa Israeli, a vola, Inze nda vola, Ligali inyumba yoyo, nenyumba yadada wowo, i la genda imbiri wange kazozo: navuts va kalunu Yahova a vola, Inkuva yiyi i veve ihale ku inze; kigira yavo vidzominya inze nda vidzominya, na yavo va lega inze va la v olerwa, si vn veye kindu.