Litanga 37:27 - KITABU KITAKATIFU

²⁷ Gendi, ku mu gule ku Avaishmaeli, na mukono gwetu gu ta va kuye; kigira a veye amitu wetu, masahi getu. Na avamwavo veve va mu hulira.

Litanga 37:27 ပူးပေါင်းရင်းမြစ်များ

Litanga 29:14

Na Labani ya mu volera, Ligali ive u veye kigumba halala na inze, nenyama halala na inze. Na ya menya halala naye mweli mulala.

Litanga 37:22

Na Rubeni ya vola, Mu ta tahidza masahi; mu mu te mbogo mwigendanyama, navutswa mu ta hila kuye mukono: a duke kumuhonnya mu makono gavo, nokumwiranya ku dada wewe.

Litanga 42:21

Navo va volerana avane na avene, Ligali ku veye ne kivi ku amwavo wetu, kigira kwa lola ubusaliri bwomwoyo gwigwe, lwa ya ku goonya, ni ku vula kumuhulra; kigira yaga ubusaliri yibu bu duki ku kwinye.

Litanga 50:20

Ku mwinye mwa saavira ubudamano ku inze; navutswa Nyasaye ya saavira ubulahi, kuleta yaga kuli ga veye lero, kuhonya livamwoyo lya avandu vanyingi.

2 Samweli 12:9

Kigira ki ive u legi likuva lya Yahova, nokukola agobudamano imbiri wewe? Ive u kuye Uria Muhiti nekivavi, na u vuguye mukali wewe kuva mukali wowo, na u mwiiti nekivavi kyavana va Amon

Nehemia 5:5

Navutswa kalunu mubiri gwetu gu veye kuli mubiri gwavamwavo vetu, navana vetu kuli avana vavo: na, henza, ku viki avana vetu avayai navakana mbutugwa va gwe avatugwa, nava lala ku avakana vetu va mala kuvikwa mbutugwa kutwula inyinga yeyo: kandi si ku veye nekya ku nyala ga ve lugano lundi; kigira avandi vandu va veye nemilimi gyetu, nemi limi gyetu gyamazabibu.

Nehemia 5:8

Na nda va volera, Kwinye kuli bunyali bwetu ku tungiye avamwavo vetu Vayuda, yavo ava gulidzwa ku vetsihiri; na mwinye kalunu nkano mwa gulidza avamwavo venyu, va gulidzwe na kwinye ku va gule? Hene yaho va kiring'ana, va vula kuva nekya va vola.

Kutwula 21:16

Uyu wibanga mundu, nokumu gulidza, kinga na a nyoleka mu mukono gwigwe, ligali a liitwa.

Kutwula 21:21

Navutswa, na a gona lidiku lilala kinga gaviri, a la vula kuvanzwa: kigira a veye miyandu gyigye.

Matayo 16:26

Mundu na a nyola lirova lyosi navutswa a gotidza liva mwoyo lilye, li li ka mu konya ki? Kinga mundu a la gula ki liva mwoyo lilye?

Matayo 26:15

na a vola, Mu nyala kumba ikindu ki, na inze mmu zamere mu mu gumire? Ni va mu gerera vidonye makumi gavaka vyefetha.

1 Timoteo 1:10

navaheyi, navafiraji, navivanga avarldu, navabehi, navisuhanga ububehi, kandi likuva ku gosi li ta hambana namegidzo malungi;

Likunula 18:13

nevyomudalasini, nevyaliki, nevyekimuli, nevyamaguta, nevya ubani, nevyaiwaini, nevyamaguta, nevyobusie bunyuki, nevyengano, nevyetsing'ombe, nevyamagondi, nevyetsiparasi, nevyamagari gobulwani, nevyavatugwa, nevyemyoyo gyavandu.

1 Samweli 18:17

Na Saulo ya volera Daudi, Henza, mwana wange munene Meraba, nda ku ha mukana wange uyu a ve mukali wowo: navutswa ive u ve muluviriri kigira inze, u lwane ubulwani bwa Yahova, yaga geng'ine. Kigira Saulo ya vola, Mukono gwange gu vule kuva kuye, navutswa amakono ga Vafilisiti ga ve kuye.