Litanga 35:2 - KITABU KITAKATIFU

² Kunangwa Yakobo ya volera avenyumba yeye, na vosi ava li halala naye, Mu vike haluvega avanyasaye avageni ava li halala nemwinye, na mwetakase avene, na mwivike tsingubo tsindi:

Litanga 35:2 ပူးပေါင်းရင်းမြစ်များ

Litanga 18:19

Kigira inze mmu manyi, kuduka a lage avana veve nevenyumba yeye inyima wewe, va duke kugumira inzira ya Yahova, kukola ubulungi nelikalaga lilungi; Yahova a duke kuleta ku Abrahamu aga ya vola kuye.

Litanga 31:19

Inyinga zana, Labani ya li na a tsiye kukalaga ubwoya bwa magondi gege: na Raheli yiba vifwananyi vya dada wewe.

Litanga 31:30

Na kalunu u mali kutsia, kigira u kayirangwa inyumba ya dada wowo navufswa kigira ki wibi vanyasaye vange?

Litanga 31:34

Kunangwa Raheli ya vugula vifwananyi, nokuvivika mu kyokwikala ku ku ing'amia, ni yikala kuvyo. Na Labani ya havatidza mu lihema lyosi, navutswa si ya vi nyola mba.

Litanga 34:2

Na Shekem mwana wa Hamoru Muhivi, munene wekivala, ya mu lola, na a mu vugula, na a va halala naye, na a mwononya.

Litanga 35:22

Ga duka, lwa Israeli ya menya mu kivala yikyo, Ruben; ya tsia kuva halala na Bilha, suria wa dada wewe: na Israeli ya hulira. Henza, avana va Yakobo va li likumi na vaviri:

2 Samweli 7:23

Kandi ni ihiri ki mu lirova i veye kuli avandu vovo, kuli Israeli, ava Nyasaye ya tsia kwegulira va ve avandu veve, nokwenyolera lieta, nokumukolera vindu vinene, vindu vyokutihidza kigira kivala kikyo, imbiri wavandu vovo, ava wa gula va ve avovo kutwula Egepeti, kutwula mu tsihiri nomu vanyasaye vavo?

2 Avami 17:29

Navutswa tsihiri sa indala tsyelombera avanyasaye vavo avene, na va va vika mu tsinyumba tsya hadiguluku ha Vasamaria va lomba, ihiri sa indala mu lidala lyavo lya va menya mu.

2 Avami 5:10

Na Elisha ya tuma mutumwa kuye, na a vola, Tsia uesinge mu mugera gwa Yordani hali gatano na gaviri, nenyama yomubiri gugwo i lirana ku ive kandi, na u la va munifu.

1 Kyetsinyinga 16:26

Kigira avanyasaye vosi vavandu va veye vifwananyi: Navutswa Yahova ya lomba li gulu.

Ayubu 1:5

Na ga duka, lwa madiku gelilia lyavo ga kung'ana, Ayubu ya tuma nokuvatakasa, na a vuka mugamba tsuri, na a haana vihaanwa vyoku sambwa kuli livalidzwa lyavo vosi: kigira Ayubu ya vola, Namusya avana vange va koli ubwoni, nokunyega Nyasaye mmyoyo gyavo. Ayubu ya kola ndiyo kazozo.

Zaburi 51:2

U nzogidze ligali ubudamano bwange Na u ndavidze ubwoni bwange.

Zaburi 51:7

U ntakase na husupo, na nda va munifu: U nzogidze, na nda va mulavu kuvita likonza.

Kutwula 19:10

Na Yahova ya volera Musa, U tsie ku avandu yavo, u va takase lero na mugamba, na vogidze tsingubo tsyavo,

Kutwula 19:14

Na Musa ya sulunguta kutwula mu kigulu kutsia ku avandu, na ya takasa avandu; navo vogidza tsingubo.

Kutwula 23:13

kandi mu vyosi vya mmu voleye mu hulire: na mu ta tala lieta lya vanyasaye avandi, kandi li ta hulirwa mu munwa gwugwo.

Kohelethu 5:1

U linde kirenge kikyo lwa u tsitsanga mu inyumba ya Nyasaye; kigira kwisunda ku lihulira nobugasu kuvita vihaanwa vya vasiru: kigira si va manya va kola budamano.

Isaya 1:16

Mweyogidze, mwetakase; mu twulidze ubudamano bwelikola lyenyu imbiri wetsimoni tsyange; mu leke kukola ubudamano;

Isaya 52:11

Mu tsie, mu tsie, mu twule yaho ha mu veye, mu ta dira kindu kidamano mba; mu twule hagati halyo; mu ve avanifu, mwinye ava ginganga viju vya Yahova.

Jeremia 13:27

Inze ndola livihiriridza lilyo, kali ubuheyi bubwo, ne lilang'ana lilyo na makuva madamano agamalaya gogo, mu tugulu mu milimi. O bayaye ku ive Yerusalemi si wenya kutakaswa; vindu yivi vi la tsitsagil'la kuduka inyinga ki?

Jeremia 16:20

Mundu a lelombera avanyasaye mwene, ava ta li avanyasaye?

Jeremia 5:7

Nyala ndi kukusameha? Avana vovo va ndeki, na va mali kwisuha ku yava ava ta li avanyasaye. Lwa nda li ni mbigutidzanga vyokulia, va heya, nokuvugana halala viduma neviduma ha tsinyumba tsyavamalaya.

Ezekieli 18:31

Mu te amahyolo ge nyu gosi, aga mwa hyola mugo; mwelombere myoyo mihya na roho muhya: kigira ki mu la kudza, O inyumba ya Israeli?

Ezekieli 20:7

Na nda va volera, Mu te sa mulala kivihiri kyetsimoni tsitsye, mu vule kweyononnyira ku vifwananyi vya Egepeti; inze mbeye Yahova Nyasaye wenyu.

Ezekieli 36:25

Na nduha ama dzi malahi ku mwinye, na mu la va avanifu: nda mwogidza ububi bwenyu bwosi, na vifwananyi vyenyu vyosi.

Danyeli 5:4

Va nwa iwaini, ni vidzominya vanyasaye vethahabu, na vefetha, na vomugasa, na vekivya, na vomusala, na veligina.

Kyavalevi 15:5

Na ku vosi u dira ku kitaii kikye a logidza tsingubo tsitsye, nokwisinga mu amadzi; nokuva mudamano kuduka mgolova.

Kyavalevi 17:16

Navutswa na a vula kutsyogidza, nokwisinga mbiri, hene yaho a la ginga ubudamano bwibwe.

Livalidza 31:24

Na mwinye mu logidze tsingubo tsyenyu ku lidiku lya gatano na gaviri, na mu la va avanifu; na lwenyima mu lingira hokusosa.

Vikolwa 19:26

Mu lola kandi mu hulira si ha li hano mu Efeso mweng'ine navutswa kuduka mu Asia mwosi, Paulo uyu ya goonya na a girunka nnya avandu vanyingi, a vola ava lombwa namakono si va li avanya saye mba.

1 Vakorintho 10:7

Kandi mu ta va ava londa misambwa kuli avalala kuvo va kola kuli ga ng'odwa, Avandu vikala kulia nokunwa, kandi va singira kukina.

2 Vakorintho 7:1

Kunangwa kigira ku v eye nelisuuviridza yili, avayanze vange, kwelombe kutwula ku ubudamano bwosi bwomubiri nobwomwoyo, mudukidze ubutakatifu mu ubutii bwa Nyasaye.

Vagalatia 4:8

Navutswa inyinga yeyo, kigira si mwa manya Nyasaye, mwa li ni mu veye avatugwa va yavo aveliva lyavo li ta li lyavanyasaye:

Kwidzulitsa 11:28

nevilaamo vi ve ho ni mu va ni mu vula kuhulira malago ga Yahova Nyasaye wenyu, ni mu girunkana kutwula ku inzira ya mmu laganga lero, kulonda vanyasaye vandi, ava mu vula kumanya.

Kwidzulitsa 32:16

Va mkendekidza ku vanyasaye vageni; Na mavihiriridzo va mvihiriridza.

Kwidzulitsa 5:7

U ta va na v anyasaye vandi imbiri wange mba.

Kwidzulitsa 6:14

Mu ta londa avanyasaye vandi, mu vanyasaye vavandu va veye tsimbega tsyenyu tsyosi;

Kwidzulitsa 7:25

Vifwananyi vya vadzwa vya vanyasaye vavo u la samba nomuliru: u ta kayirwa ifetha kinga ithahabu i veye kuvyo, kinga u ta vi vugula vi ve vivyo, gase vi la ku hamba; kigira vi veye livihiriridza ku Yahova Nyasaye wowo.

Vahebraina 10:22

kwisunde himbi nomwoyo gweligali nomu lisuuvira lyobudukiru, ku veye nemyoyo gyetu gyuheywi kutwulidza mwoyo mudamano; nomubiri gwetu gwogidzwa namadzi malahi,

Yakobo 4:8

Mwisunde himbi ku Nyasaye, naye a lisunda himbi ku mwinye. Mu lavidze makono genyu, mwinye avoni; mu takase myoyo gyenyu, mwinye avemyoyo gyiviri.

Joshua 23:7

mu tingira hagati hetsihiri yitsi, tsya tigala hagati henyu; kandi mu ta tala ameta ga vanyasaye vavo, kinga kumwisuhidza kuvo, kinga kuvatumekira, kinga kwinama imbiri wavo:

Joshua 24:14

Kunangwa kalunu mu tie Yahova, nokumutumekira mu libugirira nomu geligali; na mu vike ihale avanyasaye ava vaguga venyu va tumekira engereka ya Mugera, nomu Egepeti; na mu tumekire Yahova.

Joshua 24:15

Litumekira Yahova ni li va ni li loleka kuva ku mwinye lidamano, mu tovole lero wa mu tumekira; ni va va ni va veye avanyasaye va vaguga venyu va tumekira lwa va li engereka va Mugera, kinga ni va va avanyasaye va Vaamori, ava mu menya mkivala kyavo: navutswa inze nenyumba yange, ku la tumekira Yahova.

Joshua 24:2

Na Joshua ya volera avandu vosi, na a vola, Yahova Nyasaye wa Israeli, a vola, Avaguga venyu mmadiku goku matsyambiri va menya engereka wa Mugera, navo ni Tera, ise Abrahamu, na a veye kandi ise Nahoro: navo va tumekira avanyasaye vandi.

Joshua 24:20

Ni mu va ni mu leka Yahova, nokutumekira avanyasaye avageni, hene yaho a la girunkana nokumukolera budamano, nokumudividza, inyima wa ya mu kolera ubulahi.

Joshua 24:23

Kunangwa kalunu, ya vola, Vika haluvega avanyasaye avageni ava veye hagati henyu, mu yekidze myoyo gyenyu ku Yahova, uyu Nyasaye wa Israeli.

Yudasi 1:23

navandi mu va honnye nokuvatwulidza mu muliru; navandi mu va vere tsimbabasi nobutii; mu dunyire kali tsingubo tsi veye netsimbala tsvomubiri.

Vakalagi 10:16

Navo va twulidza vanyasaye vageni ava li hagati havo, na va tumekira Yahova: nomwoyo gwigwe gwa verera kigira kivi kya Israeli.

Ruth 1:15

Na Naomi ya volera Ruth, Henza uyu muhalikwa wowo yirananga ku avandu veve, noku vanyasaye veve: na ive wirane u londe muhalikwa wowo.

1 Samweli 16:5

Naye ya vola, Yee, nemirembe; nduki kuhaana kihaanwa ku Yahova: mwetakase avene, na mu duke halala ninze mwisadaka. Na ya takasa Jesse navana veve, na ya va langa vadze ku isadaka.

1 Samweli 7:3

Na Samweli ya volera inyumba yosi ya Israeli, na a vola, Mwinye ni mu va ni mwirana ku Yahova nemyoyo gyenyu gyosi, hene yaho mu vike ihale ku mwinye avanyasave vageni, na Ashitarothu va veye hagati henyu, na mu yekidze myoyo gyenyu ku Yahova nokumutumekira yeng'ine; naye a la mu honnya ku makono ga Vafilisiti.