Litanga 34:30 - KITABU KITAKATIFU

³⁰ Na Yakobo ya volera Simeoni na Levi, Mwinye mu ndambidzi, nokunkola kufunya ubudamano mu avandu vekivala yiki, hagati ha Vakanani na Vaperizi: na inze mbeye na vakekeke, va levuganya ku inze, nokunduya; na nda diva, inze nenyumba yange.

Litanga 34:30 ပူးပေါင်းရင်းမြစ်များ

Litanga 12:12

kunangwa ga la va lwa Vaegepeti va la ku lola, va la vola, Uyu nomukali wewe: navo va la nziita, navutswa va la ku vererera u ve mwoyo.

Litanga 12:2

na nda kola Ive u ve ihiri inene, na nda ku gasidza, na nda kola lieta lilyo li ve linenena ive u ve ubugasu:

Litanga 12:6

Na Abram ya vita hagati he kivala na a duka ha Shekem, hango ha More. Kandi Mukanani ya li mu kivala inyinga yeyo.

Litanga 13:7

Kandi ha li nehhing'ana hagati ha avayi, avayanga mitugu gya Abram na gya Loti: na Vakani na Vaperizi va li mu kivala inyinga yeyo.

Litanga 34:2

Na Shekem mwana wa Hamoru Muhivi, munene wekivala, ya mu lola, na a mu vugula, na a va halala naye, na a mwononya.

Litanga 34:29

nobutugi bwavo bwosi, na avana vavo, na avakali vavo, va va vugula, ni va va fwula, nokuvalanya, kali vyosi vya li mu inyumba.

Litanga 34:31

Navo va vola, Ga dukanga a kole mbotso wetu kuli va kola wamalaya?

Litanga 46:26

Vosi va sulunguta halala na Yakobo kuduka Egepeti, avivulwa kuye, bugira avakali va vana veve, vosi va li avandu amakumi gatano na lilala na vatano na mulala.

Litanga 46:27

Na avana va Yosefa, avivulwa kuye mu Egepeti, va li vaviri: na vosi ava li venyumba ya Yakobo, ava duka mu Egepeti, va li makumi gatano na gaviri.

2 Samweli 10:6

Navana va Amon lwa va lola va gwiye kyokuvihiridza Daudi, avana va Amon va tuma na va lagana litunga lyelihe lya Vasiria va Bethrehobu, na Vasiria va Zoba, avaskari va genda nevirenge tsielfu makumi gaviri, nomwami wa Maaka halala navandu elfu, navandu va Tobu tsielfu likumi na tsiviri.

2 Samweli 16:21

Na Ahithofeli ya volera Abisalom, Ingira ku vasuria va dada wowo, ava ya leka va lindeinyumba; na Israeli vosi va la hulira dada wowo a vihirirangwa ive: hene yaho ama kono ga vosi ava veye halala nive ga la va netsingulu.

1 Avami 11:25

Naye ya li musigu wa Israeli madiku gosi ga Solomoni kuvita ubudamano bwa Hadadi ya kola: naye ya dunyira Israeli, na yameha Siria.

1 Avami 18:18

Naye ya tivula, Si a li inze u dambidzanga Israeli; navutswa ni ive, nenyumba ya dada wowo kigira mu leki lilagana lya Yahova, na ive u londanga Vabaal.

1 Kyetsinyinga 16:12

Mwidzulitse miyinzi gyokugenya gya ya kola, Vyokugenya vivye, nelikalaga lyo munwa gwigwe,

1 Kyetsinyinga 16:19

Lwa mwa li avandu vakekeke mu livalidzwa, Yee, vakekeke ligali, kandi avageni mukyo;

1 Kyetsinyinga 19:6

Na lwa avana va Amon va lola vekoli avene kuva livihiriridza ku Daudi, hene yaho Hanun navana va Amon va hila tsitalenta tsyefetha tsielfu kutunga magari navasikari vokunina ku tsiparasi kutwula Meso potamia, nokutwula Arammaaka, nokutwula Zoba.

1 Kyetsinyinga 2:7

Navana va Karmi: Akaru, uyu niye wa dambidza Israeli, wa hyola mu kindu kyagimwa.

Zaburi 105:12

Lwa va li avandu vakekeke mu livalidzwa, Yee, vakekeke ligali, na avageni mukyo.

Kutwula 5:21

ni va va volera, Yahova a henze mwinye, nokumukalagira; kigira mu koli mwoyo gwetu kudunyirwa imbiri wa Farao, na imbiri wa avatumekiri veve, kuvika kivavi mmukono gwavo kukwiita.

Tsing'ano 11:17

Wetsimbabasi yekolera mwene ubulahi; Navutswa uyu wekirage yehilanga mu kivi mwene.

Tsing'ano 11:29

Uyu u dambidzanga inyumba yeye a la nyola miyandu gyembuudza; Na musiru a la va mutugwa wa uyu u veye nomwoyo gwobugeeri.

Tsing'ano 15:27

Uyu u kayirwa vyambeti vi ta veye vilungi a dambidza inyumba yeye mwene; Navutswa uyu u vihirirangwa nevikukula a la va mwoyo

Kwidzulitsa 4:17

ku lifwana genyama ku tsyosi i veye ku lirova, ku lifwana lyelinyonyi ku gosi getsimbaha li bulukanga migulu,

Kwidzulitsa 4:27

Na Yahova a la mu salannya hagati ha avandu, na mu la tigala vakekeke livalidzwa lyenyu hagati hetsihiri, ha Yahova a la mu hila.

Kwidzulitsa 7:7

Yahova si ya vika ubuyanzi bwibwe ku mwinye, kinga si ya mu tovola, kigira mwa vita ihiri yindi ku tsyosi nobunyingi; kigira mwa li vakekeke kuvita avandu vosi:

Joshua 7:25

Na Joshua ya vola, Kigira ki ive u viki ku kwinye kivi? Yahova a la vika ku ive kivi lero ndi. Na Israeli vosi va mu lasa magina; ni va va snmba nomuliru, na va va lasa magina.

1 Samweli 13:4

Na Israeli vosi va hulira, Saulo u duyi lihe lyo lugaga lya Vafilisiti, na Israeli va li ni va veye livihiriridza ku Vafilisiti. Navandu va li ni va vugani halala kulonda Saulo kutsia Gilgali.

1 Samweli 16:2

Na Samweli ya vola, Inze nda tsia ndi? Saulo na a hulira, a la nziita. Na Yahova ya mu volera, U hile kimoli halala nive, u vole, Inze nduki kwiitira Yahova isadaka.

1 Samweli 27:1

Ma Daudi ya vola mmwoyo gwigwe, Ku lidiku lilala nda diva ku mukono gwa Saulo: si ha veye nekindu ki nkonya kuvita liruka lyange nokwingira mu kivala kya Vafilisiti; na Saulo a la twulidza mwoyo gwigwe ku inze, si a li nyenya kandi mu tsinzako tsya Israeli: na ndiyo nda hona ku mukono gwigwe.

1 Samweli 27:12

Akishi ya suuvira Daudi, na a vola, Ya kolanga aveve va Israeli va mu dunyire ligali; kigira yaga a la va mutumekiri wange kazozo.