Litanga 33:4 - KITABU KITAKATIFU

⁴ Na Esau ya nyagula kuvugana naye, na a mu kuberera, na a mu gwira mu ligoti, na a mu busa: navo va lira.

Litanga 33:4 ပူးပေါင်းရင်းမြစ်များ

Litanga 29:11

Na Yakobo ya busa Raheli, na a ginga mwoyo gwigwe na a lira.

Litanga 29:13

Kunangwa, Labani lwa ya hulira makuva ga Yakobo mwana wa mbotso wewe, ya nyagula na a tsia kumwaganira, na a mu kumberera, na a mu busa, na a mu leta mu inyumba yeye. Naye ya volera Labani vindu yivi vyosi.

Litanga 32:11

U mbonnye, nku saala, ku mukono gwa amwavo wange, ku mukono gwa Esau: kigira mmu tia, gase a ladza nokuduya inze, na mama halala na avana.

Litanga 32:28

Na ya mu volera, Lieta lilyo si li la langwa kandi Yakobo, navutswa li la langwa Israeli: kigira u gerani na Nyasaye na avandu, na u guuti.

Litanga 43:30

Na Yosefa ya genda bwangu; kigira mwoyo gwigwe gwa ng'uswa ku amwavo wewe: naye yenya hokulilira; na yingira ubuliri, na a lilira yo.

Litanga 43:34

Naye ya gavulira sa mulala kidieli kyevyokulia vya li imbiri wewe: navutswa kidieli kya Benjamini kya li kinene kuvita vidieli vya avamwavo veve hali katano. Ni va nwa, nokusangala halala naye.

Litanga 45:2

Naye ya hanzuka na a lira: na Avaegepeti va hulira, na avenyumba ya Farao va hulira.

Litanga 46:29

Na Yosefa ya lomba ligari lilye, ni yanegira kwaganira Israeli dada wewe, ha Goshen; na yesingeridza mwene imbiri wewe, na a gwa ku ligoti lilye, na a lirira ku inyinga i duki.

2 Samweli 14:33

Ma Joabu ya tsia ku mwami, na a mu volera; naye lwa ya langa Abisalom, ya tsia ku mwami, na a gwa mammama, kuduka hasi imbiri womwami: nomwami ya busa Abisalom.

Nehemia 1:11

O Yahova, mwadza, nku saala ligali, ugutu gugwo gu tegidzwe kuhulira lisaala lyomutumekiri wowo, na lisaala lya vatumekiri vovo, ava sangala mu litia lieta lilyo; na nku saala ligali, u ngasidze inze mutumekiri wowo lero, u mbe tsimbabasi imbiri wo mundu uyu. Kigira inze nda li munwehidze womwami.

Ayubu 2:12

Na lwa va ginga tsimoni tsyavo, ni va kikiri ihale, si va mmanya mba, na va ginga myoyo gyavo, ni va lira; na va tandula sa mulala ijoho yeye, va duminya lugyukyi ku mitwe gyavo igulu.

Zaburi 34:4

Nda saava Yahova, naye ya ntivulira, Na ya mbonnya ku gosi ga nda tia.

Tsing'ano 16:7

Tsinzira tsyomundu ni tsi yanzidza Yahova A kolanga kali avasigu veve kuva nemirembe kuye.

Tsing'ano 21:1

Mwoyo gwomwami gu veye mmukono gwa Yahova kuli migera: A gu girunkannyanga hosi ha yenya.

Luka 15:20

Ya twula na a tsia ku ise. Navutswa lwa ya li na a kikiri hale, ise ya mu lola na a mu vererera, na a nyagula na a mu kumberera mu ligoti, na a mu busabusa.

Vikolwa 20:37

Navo vosi va lira ligali ni va gwira Paulo mu ligoti, ni va mu busa,

1 Samweli 20:41

Nonoho umuyai lwa ya mala kutsia, Daudi ya twulira ku luvega lwa Kusini, na ya gwa hasi mammama, naye yinama hali kavaka: na va busana, nokulilirana, uyu no uyu, kuduka Daudi na a kira.