Litanga 32:31 - KITABU KITAKATIFU

³¹ Na liuva lya tonga kuye lwa yambuka ha Penueli, naye ya segera kigira ivadzwa yeye.

Litanga 32:31 ပူးပေါင်းရင်းမြစ်များ

Litanga 16:13

Na Hagari ya langa lieta lya Yahova wa volerana naye, Ive u veye Nyasaye u lolanga: kigira ya vola, Inze kali hano nda henza uyu u ndolanga?

Litanga 19:15

Na lwa bwakya, tsingelosi va vukidza Loti, ni va vola, Vuka, u vugule mukali wowo, na avakana vovo ava veye hano, gase u la divira mu kivi kyelidala.

Litanga 19:23

Liuva lya tonga ku lirova lwa Loti yingira Zoaru.

Litanga 32:25

Na lwa ya lola a vula kumuguuta, ya dira mukyi gwe ivadzwa yeye; na mukyi gwe ivadzwa ya Yakobo gwa kunuuka, lwa ya lwana naye.

Litanga 32:32

Kigira yaga avana va Israeli si va litsanga mukyi gwo mumoni yevadzwa kuduka lero: kigira ya dira mu bwongiru bwevadzwa ya Yakobo ho mukyi gwekunyanga.

1 Avami 12:25

Hene yaho Jeroboam yombaka Shekem mu kivala kyevigulu kya Efiraim, na a menya yo; na ya twula ha zana, na yombaka Penueli.

1 Avami 18:26

Na va vugula igiriki ya va hebwa, ni va gi lomba, ni vanira lieta lya Baal kutwula mugamba kuduka mbasu hagati, ni va vola, O Baal, u ku hulire. Navutswa si ha li nomwoyo, kinga wa tivula. Navo va tumatuma yiyi neyiyi ku bwali bwa lombwa.

Zaburi 38:17

Kigira nzetegeki kugwa, Na liverera lyange li veye imbiri wange kazozo.

Kutwula 24:10

navo va lola Nyasaye wa Israeli; na isi wevirenge vivye ha li kuli lilombwa lya magina gesafiro, na amalengeru kuli ligulu lyene.

Kutwula 24:11

Kandi si ya vika mukono gwigwe ku avanene va avana va Israeli: navo va lola Nyasaye, ni va lia nokunwa.

Isaya 6:5

Hene yaho nda vola, Budamano bu veye bu inze kigira mbweye; kigira mbeye mundu weminwa mida mano, na mmenya hagati ha avandu aveminwa midamano: netsimoni tsyange tsi loli Mwami, Yahova wa mahe.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

2 Vakorintho 12:7

Kandi kigira ubunene bwelilang'aminywa yilyo gase nda nenehidzwa kuvita kigero kyange, nda hebwa lifwa mu mubiri, mutumwa wa Setani a duke kunkupidza kivi, mbula kunenehidzwa kuvita kigero.

2 Vakorintho 12:9

Naye ya mbolera, Tsimba basi tsyange tsi ku duki: kigira tsingulu tsyange tsi dukidzeywi mu budedekere. Kunangwa ndiidzominya mu budedekere bwange nobuyanzi ligali, tsingulu tsya Kristo tsi menye ku inze.

Kwidzulitsa 5:24

na mwa vola, Henza, Yahova Nyasaye wetu u ku mannyi ubukumi bwibwe nobunene bwibwe, kwinye ku huliye mwoyo gwigwe gu twulanga hagati ho muliru; ku loli lero Nyasaye a volerana nomundu, na a veye mwoyo.

Kwidzulitsa 5:26

Kigira ku mibiri gyosi, ni bwaha wa hulira mwoyo gwa Nyasaye u veye mwoyo, gu vola kutwula hagati ho muliru, kuli kwinye, na a vula kukudza?

Vakalagi 6:22

Na Gideoni ya lola uyu a veye ingelosi wa Yahova; Gideoni ya vola, Bayaye O Yahova Nyasaye kigira ndoli ingelosi wa Yahova moni namoni.

Vakalagi 6:23

Na Yahova ya mu volera, Mirembe gyi veye ku ive; u ta tia mba: si u la kudza mba.

Vakalagi 8:8

Naye ya twula ho ni yanegira Penueli, na a volera vandu va ha zana makuva kuli yaga navandu va Penueli va mu tivulira kuli avandu va Sukothu va mu tivulira.