Litanga 31:5 - KITABU KITAKATIFU

⁵ na a va volera, Ndoli mumon; mwa dada wenyu si mu yeki ku inze kuli matsyambiri; navutswa Nyasaye wa dada wange a veye halala ninze.

Litanga 31:5 ပူးပေါင်းရင်းမြစ်များ

Litanga 21:22

Kunangwa inyinga yeyo, Abimeleku na Fikolu nlunene welihe lilye va volerana na Abrahamu, ni va vola Nyasaye a veye halala na ive mu vyosi vya u kolanga:

Litanga 26:24

Na Yahova ya loleka kuye ubudiku zana, na a mu volera, Inze mbeye Nyasaye wa dada wowo Abrahamu: u ta tia mba, kigira inze mbeye halala nive, na nda ku gasidza, na a nda meda kisukululwi kikyo kigira mutumekiri wange Abrahamu.

Litanga 28:13

Na henza, Yahova u singiye igulu kuyo, na a vola, Inze mbeye Yahova, Nyasaye wa dada wowo Abrahamu, na Nyasaye wa Isaka: kivala kya u goni mu, nda ku ha, na kisukululwi kikyo;

Litanga 28:15

Kandi henza, mbeye halala na ive, na nda ku linda hosi ha u tsitsanga, kandi nda ku leta kandi ku kivala yiki; kigira si nda ku leka mba, kuduka nduhe nku kolere gosi ga nda ku volera.

Litanga 31:13

Mbeye Nyasaye wa Beth-eli, ha wa vaka munara, ha wa singeridza lilagana na inze: kalunu vuka, u twule mu kivala yiki, wirane mu kivala kya wivulwa mu.

Litanga 31:29

Mbeye netsingulu mmukono gwange kukukolera ubudamano: navutswa Nyasaye wa dada wowo ya volerana ninze ubudiku lwa veye, ve na a mbolera, Welinde u ta volera Yakobo amalahi kinga madamano.

Litanga 31:4

Na Yakobo ya tuma mundu kulanga Raheli na Leah vadze mu kyayiru ku kyayo kikye

Litanga 31:42

Na a ta li Nyasaye wa dada wange, Nyasaye wa Abrahamu, na Uyu Welitibwa wa Isaka wa li halala ninze, nkano kalunu ligali, ive wa ka nkunga vutswa. Nyasaye u loli ubusaliri bwange na linyankana lya makono gange, na ya ku gaya ubudiku lwa veye.

Litanga 31:53

Nyasaye wa Abrahamu, na Nyasaye wa Nahoro, na Nyasaye wa dada wavo, a kalage hagati hetu. Na Yakobo yisuha ku Welitibwa wa Isaka dada wewe.

Litanga 32:9

Na Yakobo ya vola, O Nyasaye wa guga wange Abrahamu, na Nyasaye wa dada wange Isaka, O Yahova, wa mbolera, yirana mu kivala kikyo, nomu viko vovo, na nda ku kolera malahi:

Litanga 48:15

Naye ya gasidza Yosefa, na a vola, Nyasaye wavaguga vange Abrahamu na Isaka va genda imbiri wewe, Nyasaye wa ndageridza mu buhindiri bwange bwosi kuduka lero,

Litanga 50:17

Mu la volera Yosefa ndi, Mwadza, u samehe kalunu ubudamano bwa avamwavo vovo, na ubwoni bwavo, kigira va ku kolera ubudamano yibu. Na kalunu ku ku goonya, u ku samehe mahyolo ga avatumekiri va Nyasaye wa dada wowo. Na Yosefa ya lira lwa va volerana naye.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Vahebraina 13:5

Mu ta va neliva lyokuyanza ubutugi; kandi mu dukane nevindu vya mu veye navyo: kigira mwene ya vola, Inze ligali si nda ku leka mba, kandi ligali si nda vukana ku ive mba.