Litanga 30:2 - KITABU KITAKATIFU

² Na Yakobo ya vihirirwa na Raheli: na a teva, Inze mbeye mbugono bwa Nyasaye, wa ku gaya lwivulu lwe inda?

Litanga 30:2 ပူးပေါင်းရင်းမြစ်များ

Litanga 16:2

Na Sarai ya volera Abram, Henza, Yahova u ngayi ntivula mba; mwadza, u tsie kuva nomukana mutugwa wange: mbula nda nyola avana kuye. Na Abram ya hulira livola lya Sarai.

Litanga 20:18

Kigira Yahova yigalira tsinda tsyosi tsyavenyumba va Abimeleku kigira Sara, mukali wa Abrahamu.

Litanga 25:21

Na Isaka ya saalira mukali wewe ku Yahova, kigira ya li mugumba: na ya mu hulira, na Rebeka mukali wewe ya vereka.

Litanga 29:31

Na Yahova ya lola Leah ya li kudunyirwa, na a mu ha lwivulu: navutswa Raheli ya li mugumba.

Litanga 31:36

Na Yakobo ya vihirirwa, na a lembana na Labani: na Yakobo ya tivula na a volera Labani, Lihyola lyange li veye ki? Ubwoni bwange bu veye ikindu ki, kuduka ive u nondereye nobutima?

Litanga 50:19

Na Yosefa ya va volera, Mu ta tia mba, inze mbeye mu bugono bwa Nyasaye?

2 Avami 5:7

Ga duka, lwa mwami wa Israeli ya soma ibaruwa zana, hene yaho ya tandula tsingubo tsitsye, na a vola, Inze, mbeye Nyasaye, kwiita nokusimugukidza, mundu uyu a lete ku inze, mbonnye mundu ubugere bwibwe? Navutswa mu manye, mwadza, mu lole kuli uyu wenyanga lihangala ku inze.

Zaburi 113:9

A kolanga mugumba kulinda inyumba yeye, Nokuva mama wobusangali wa avana. Mwidzominye Yahova.

Zaburi 127:3

Henza, avana va veye miyandu gya Yahova; Na lwivulo lwenda lu veye madanyi gege.

Kutwula 32:19

Kunangwa, lwa yesunda himbi hokusosa, ya lola kifuananyi kyekimoli na likina: na ubutima bwa Musa bwaaka ligali, naye ya ta vibao vi twule mu makono gege, nokuvyatanvira isi wekigulu.

Matayo 5:22

navutswa inze mmu volera, ku vosi u vihirirwa amwavo wewe yenya kukalagirwa; kandi ku vosi u volera amwavo wewe, Thu, yenya kuyalwa; kandi ku vosi u mbolera, Kisiru ive, yenya kuduka mmuliru gwegehena.

Marko 3:5

Lwa ya va henza na a vihirirwa, na a verera kigira budinyu bwemyoyo gyavo, ya volera mundu, Nyira mukono gugwo. Na a nyira mukono ni gu hona ni gu leng'ana nogundi.

Luka 1:42

na a hanzuka nomwoyo munene, na a vola, U veye nobugasu ku vakali, kandi a veye nobugasu wa ive u livula.

Vafeso 4:26

Mu vihirirwe, kandi mu ta kola ubwoni; mu ta leka liuva li yere ni mu veye nobutima:

1 Samweli 1:5

navutswa ya ha Hana vidieli viviri; kigira ya yanza Hana, navutswa Yahova ya li ni ya boha inda yeye.