Litanga 3:23 - KITABU KITAKATIFU

²³ kigira yaga Yahova Nyasaye ya mu twulidza mu mulimi gwa Edeni, kulima marova ga ya twulidzwa mu.

Litanga 3:23 ပူးပေါင်းရင်းမြစ်များ

Litanga 2:5

Na misala gyomulimi si gya li mu lirova kali mulala, na tsingutsa tyomulimi si tsya mera; kigira Yahova Nyasaye ya li na a kikiri kukupidza imbula ku lirova kandi si ha li nomundu kulima lirova;

Litanga 2:7

Na Yahova Nyasaye ya lomba mundu nolugukyi lwamarova, na a huudza mmolu gege mwika gwelivamwoyo: na mundu ya gwa mwoyo gwelivamwoyo.

Litanga 2:8

Kandi Yahova Nyasaye ya simika mulimi ku luvega lwevugwe mu Edenina a vika ho mundu wa ya lomba.

Litanga 3:19

mu lugeri lwommoni mumwo u la lia vyokulia, kuduka ive u lirana mu marova; kigira wa twulidzwa mugo: kigira u veye ulugukyi, na u lirana mu lugukyi.

Litanga 3:22

Kandi Yahova Nyasaye ya vola, Henza, Adamu u gwiye kuli mulala ku kwinye, ku limanya ubulahi nobudamano; kalunu gase a la nyira mukono gwigwe, nokuvugula kandi ku musala gwelivamwoyo nokulia, nokuhindira mihiga nemihiga:

Litanga 3:24

Kunangwa ya kunga Adamu na a mu hila kyova; naye ya vika Vakerubi ku luvega lwevugwe womulimi gwa Edeni, na kivavi ki ng'ereng'ananga kya voyongana kulinda inzira yomusala gwelivamwoyo.

Litanga 4:12

kutwula kalunu lwa u lima, si li la leta ku ive tsingulu tsyalyo; u la va mwivisi nomugendagendi ku lirova.

Litanga 4:2

Kandi yivula amwavo wewe Habili. Na Habili ya li mwayi wamagondi, navutswa Kaini ya li mulimi we lirova

Litanga 9:20

Na Nuhu ya tanga kuva mulimi na a simika mizabibu:

Kohelethu 5:9

Kandi halala na yaga vyambeti vyekivala vi veye ku vosi: na mwami muene a tumekirangwa nomulimi.