Litanga 3:20 - KITABU KITAKATIFU

²⁰ Na Adamu ya langa lieta lyomukali wewe, Hawa; kigira a veye mama wa vosi va veye mwoyo.

Litanga 3:20 ပူးပေါင်းရင်းမြစ်များ

Litanga 16:11

Kandi ingelosi wa Yahova ya mu volera, Henza ive u veye inda, na u livula mwana muyai; na u la mu gulika Ishmaeli, kigira Yahova u huliye lidambidzwa lilyo.

Litanga 2:20

Na mundu ya gulika mitugu gyosi ameta, namanyonyi gombwerefu, netsinyama tsyosi tsyombulimu; navutswa si kya loleka kilala ki dukana kuva mukonyi kuye.

Litanga 2:23

Na Adamu ya vola, Uyu a veye kigumba kyevigumba vyange, nenyama yenyama yombiri gwange: a la gulikwa mukali, kigira ya twulidzwa ku musatsa.

Litanga 3:21

Na Yahova Nyasaye ya lombera Adamu nomukali wewe tsingubo tsya masero, na a va vika.

Litanga 35:18

Kunangwa mwoyo gwigwe, lwa gwa li ni gu twula kuye (kigira ya kudza), ya mu gulika lieta lilye Ben-oni: navutswa dada wewe ya mu gulika lieta lilye Benjamini.

Litanga 5:29

na a mu gulika lieta lilye Nuhu na a vola, Uyu a la leminya myoyo gyetu mu miyinzi gyetu nomu likola lya makono getu, kigira lirova lya Yahova ya laama.

Kutwula 2:10

Na mwana ya viruka, naye ya mu leta ku mukana wa Farao, na ya gwa mwana wewe. Naye ya mu gulika Musa, na a vola, Kigira nda mu twulidza mu madzi.

Matayo 1:21

Naye a livula mwana muyai; na ive u la mu gulika lyeta lilye YESU; kigira uyu niye u li honnya avandu veve va twula mu bwoni bwavo.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Vikolwa 17:26

Kandi ya lomba tsihiri tsyosi tsyavandu va twule ku mulala kumenya ku lirova lyosi, kandi ya haana munwa gwemihiga, na a kola tsinzako tsyevivala vyavo;

2 Vakorintho 11:3

Navutswa ntidza gase ku vyosi, tsiganagani tsyenyu tsi la gotidzwa nokuleka ubugasu bwomwoyo nobulahi obu yeka ku Kristo kuli inzoka ya gada Hawa nobugeeri bwayo.

1 Timoteo 2:13

Kigira Adamu ya tanga kulombwa, wenyima Hawa;

1 Samweli 1:20

na ga duka, lwa inyinga ya duka, Hana ya vereka, na yivula mwana muyai; na ya mu gulika lieta lilye Samweli, ya vola, Kigira nda mu saalira ku Yahova.