Litanga 3:15 - KITABU KITAKATIFU

¹⁵ kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

Litanga 3:15 ပူးပေါင်းရင်းမြစ်များ

Litanga 49:17

Dan a la va inzoka ku inzira, Kandi kihirigoma ku muhanda, Ki lumanga virenge vyeparasi, Kuduka u ninanga a gwe hasi inyima.

Zaburi 132:11

Yahova yesuhira Daudi mu ageligali; Si a lirana inyima kwambakana: Mu lwivulo lwoumbiri gugwo nda ku vikira mundu kwikala ku intebe yoyo yobwami.

Isaya 53:12

Kigira yaga nda mu gavulira kidieli halala na vanene, naye a la gavula vilanye halala na vetsingulu; kigira ya sundula livamwoyo lilye kuduka ku likudza, naye ya validzwa halala na vahyolanga: halala na yaga ya ginga ubwoni bwa vanyingi, kandi ya saalira yavo ava hyolanga.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Jeremia 31:22

U la voyavoya kuduka inyinga ki, O mukana wirana inyima? Kigira Yahova u lombi inkuva impya mu lirova: Mukali a kinga musatsa.

Danyeli 9:26

Kandi inyima wa masidza makumi gatano nelilala na tsisuvi tsiviri, uyu u vakeywi a la temannywa, na a la va bugira kindu: na avandu vomunene u liidza va lononnya lidala na hatakatifu; na kiheri kyalyo ki la va halala na amadzi manene, na kuduka ku kiheri ha la va nelihe; likola hatswa li saavirwa.

Amosi 9:3

Kali ni vivisa ku isonga ya Karimeli, nda venya kuvatwulidza yo; kali ni vivisa hasi mu inyanza kutwula mu tsimoni tsyange, nda laga yo inzoka, nayo i la va luma.

Mika 5:3

Kigira yaga a la va leka, kuduka inyinga yelivula lya uyu u lumangwa: inyinga yeyo ava tigala vavamwavo veve va lirana ku avana va Israeli.

Matayo 1:23

Henza, mkana mgima a la vereka, na a livula mwana muyai, Na va gulike lieta lilye Imanueli; li veye kuvola, Nyasaye a veye halala ne kwinye.

Matayo 1:25

na a vula kuva halala naye na a luha na a duka kwivula mwana muyai; naye ya mu gulika lieta lilye YESU.

Matayo 12:34

Mwinye lwivulo lwetsinzoka avadamano mu nyala ndi kuvola bulahi? Kigira aga veye mmwoyo munwa gu la vola.

Matayo 13:38

mulimi na vomulirova, na bugutsa bulahi, yava na vana vobwami; na mavanze na vana vomu damano;

Matayo 23:33

Tsinzoka mwinye, avana vevihirigoma, mu la hona naki mu likalagirwa lyegehena?

Matayo 3:7

Navutswa lwa ya lola vanyingi ku Vafarisayo na Vasadukayo vadza ku libatidza lilye, ya va volera, Mwinye avana vetsinzoka, ibwaha ya mgerihidza mwiruke ubuvihiridzi budza nga?

Marko 16:18

va la ginga tsinzoka, kandi ni va nwa kindu kyokwiita si ki nyala ligali kuvononnya mba; va la vika makono ku valwaye, na va la hona.

Luka 1:76

Yee, kandi ive mwana u la langwa muprofeti wa Uveye Igulu Ligali: Kigira u la tsia imbiri wo Mwami kulomba tsinzira tsitsye;

Luka 10:19

Henza, mmali kumuha tsingulu kuduvaga tsinzoka neng'e, kandi ku tsingulu tsyosi tsyomusigu: kandi si ha li nekindu ki li mwononnya kali hakuzu.

Luka 22:53

Lwa nda li halala nemwinye kazozo mu litempeli, si mwa nyira amakono genyu kungumira: navutswa yiyi ni isaa yenyu, neyetsingulu tsyekisundi.

Luka 24:27

Kandi ya tanga kutwula ku Musa noku vaprofeti vosi, na a va vuulira mu mang'oda gosi vindu vya volwa kuye mwene.

Yohana 8:44

Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.

Vikolwa 13:10

na a vola, E ive wizula ubugadi nekirage kyosi, mwana wa setani, musigu wobulungi bwosi, si u leka kukyaminya tsinzira tsinungi tsyo Mwami?

Varumi 16:20

Nyasaye wemirembe a la syonola Setani isi wevirenge vyenyu kalunu ndi. Tsimbabasi tsyo Mwami wetu Yesu Kristo tsi ve nemwinye.

Varumi 3:13

Amadundu gavo ga veye kilindwa kyalamu; Netsinimi tsyavo va tumikiye ubugadi: Ubusungu bwenzoka bu veye mu minwa gyavo:

Vagalatia 4:4

navutswa liduka lyenyinga lwa lya duka, Nyasaye ya tuma Mwana wewe, yivulwa mu wekikali, yivulwa na a bofwa mu lilaga,

Vafeso 4:8

Kigira yaga a vola, Lwa yanegira ya lanya lilanya, Na a ha avandu vihaanwa.

Vakolosai 2:15

U guuti ubunene netsingulu, u vi lang'aminyi habulavu u singiye kuvyo ku musalaba.

Vahebraina 2:18

Kigira mwene u saliye mu ligeridzwa, a veye netsingulu kukonya yava nva geridzwa.

Vahebraina 5:7

Uyu mu madiku gege gomubiri lwa ya twulidzira uyu u nyalanga kumuhonnya mu likudza, lisaala nelihomba halala nelilira lyetsingulu namaliga, ya hulirwa kigira ubutii bwibwe bwa ya tia Nyasaye,

1 Yohana 3:10

Ku yaga avana va Nyasaye va loleka, na vana va Setani: ku vosi u ta kola ubulungi si a veye ku Nyasaye, kandi u vula kuyanza amwavo wewe.

1 Yohana 3:8

u kola ubwoni a twula ku Setani, kigira Setani a kola ubwoni kutwula mu litanga. Mwana wa Nyasaye ya lolekidzwa kigira yago, kwononnya miyinzi gya Setani.

1 Yohana 5:5

Kandi ibwaha uyu u guuta vyomkivala navutswa u suuvira Yesu nu Mwana wa Nyasaye?

Likunula 12:17

Kandi guyoka gwa vihirirwa mukali uyu, ni gu tsia kulwana nevisukululwi vyomukali vya tigala, ava gumira malago ga Nyasaye, nokugumira lilolekidza lya.

Likunula 13:7

Kandi ya hebwa kulwana navatakatifu, nokuvaguuta: kandi ya hebwa mu nwa ku tsimpya tsyosi, noku vandu vosi, noku tsinimi tsyosi, noku tsihiri tsyosi.

Likunula 2:10

U ta tia vindu vvenya kukugwira: henza Ibilisi a veye himbi kuvika valala ku mwinye mu buhambe, mu duke kugeridzwa, kandi mu la va nelidambidzwa madiku likumi, U ve musuuvirifu kuduka likudza, na inze nda ku ha itaji yelivamwoyo.

Likunula 20:10

Kandi Ibilisi wa va gada ya tebwa mu inyanza yomuliru neyekibiridi, ha inyama nomuprofeti wobubehi va veye; navo va la saliridzwa mbasu nobudiku kuduka mihiga nemihiga.