Litanga 29:2 - KITABU KITAKATIFU

² Kandi ya ginga tsimoni, na henza, kidaho mu mulimi, na henza vyayo vivaka vya magondi vya gona himbi ne kidaho zana; kigira va li va nwehidza vyayo ku kidaho zana: na ligina lya kunika kidaho lya li linene

Litanga 29:2 ပူးပေါင်းရင်းမြစ်များ

Litanga 24:10

Kunangwa mutumekiri ya vugula tsing'amia likumi, ku tsing'amia tsyomwami wewe, na a tsia, kigira vindu vilahi vyosi vyomwami wewe vya li mmukono gwigwe: na ya twula, na a tsia Mesopotamia, ku lidala lya Nahoro.

Litanga 24:11

Na ya sigaminya tsing'amia kyova welidala himbi nekidaho inyinga ya mgolova, inyinga ya vakali va tsitsanga kudaha amadzi.

Litanga 24:13

Henza nsingira himbi na kidaho kya amadzi na avana avakana va vandu velidala yili vadza kudaha amadzi:

Litanga 29:3

na ha zana vyayo vyosi vya vungidzwa: na va gomagominya ligina li twule ku kidaho, na va nwehidza magondi, ni viranya ligina kandi ku kidaho mbugono bwalyo.

Zaburi 23:2

A nzimirira ha ntsia kugona mirago A mbila kuduka himbi hamadzi ga lengeye.

Isaya 49:10

Si va la lola inzala kandi si va la va nobuluhu; kandi uluya kinga liuva si i la va samba: kigira uyu wa va vemrera a la vimirira, na a la va hila himbi visenukiru vyamadzi.

Yohana 4:14

navutswa ku vosi u nwa ku madzi ga ndi mu ha si a li lola ubu luhu kandi; navutswa amadzi ga ndi mu ha ga la va muye kidaho kya madzi ga senuka livamwoyo li ta hera mba.

Yohana 4:6

kidaho kya Yakobo kya li ho. Yesu ya li na a luhi ku lugendo lwilwe, yikala ku kidaho. Inyinga yenya kuduka isaa i kola tsitanu na indala.

Likunula 7:17

kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.

Vakalagi 5:11

Ihale ligali ku lioga lya yava avalasanga mibano, ha va dahanga amadzi, Ha zana va la landidza amakuva gevikolwa vyobulungi vya Yahova, Vikolwa vyobulungi vyelyameha lilye mu Israeli. Hene yaho avandu va Yahova va sulunguta kuduka ha viribwa.