Litanga 28:14 - KITABU KITAKATIFU

¹⁴ kandi kisukululwi kikyo ki la va kuli lugukyi lwelirova, na ive u la landa ku luvega lwemadioli, noku luvega lwevugwe, noku luvega lwekasikasini, noku luvega lwekusini: kandi avandu vosi velirova va la gasidzirwa mu ive nomu kisukululwi kikyo.

Litanga 28:14 ပူးပေါင်းရင်းမြစ်များ

Litanga 12:3

kandi nda gasidza yavo ava gasidza ive, na nda laama yavo ava laama ive: na aviko vosi velirova va la gasidzirwa mu ive.

Litanga 13:14

Na Yahova ya volera Abram, inyima wa Loti yavukana naye, na a vola, Ginga tsimoni tsitsyo ha u veye, na u henze kasikasini, na kusini, na ivuewe, na madioli:

Litanga 13:15

kigira kivala yiki kyosi kya u lolanga, nda ha ive, ne kisukululwi kikyo mihiga nemihiga

Litanga 13:16

Kandi nda kola kisukululwi kikyo kuva kuli lugukyi lwelirova: Luduka ni i va mundu a nyala kuvalidza lugukyi lwelirova, na ndiyo kisukululwi kikyo ki nyala kuvalidzwa.

Litanga 18:18

Kigira Abrahamu ligali a la duka kuva ihiri inene neyetsingulu, na tsihiri tsyosi tsyelirova tsi la gasidzirwa muye?

Litanga 22:17

mu ligasidza nda ku gasidza, nomu limeda nda meda kisukululwi kikyo vi ve kuli tsing'ereng'ani tsyomigulu, kandi kuli umuyeke gwoluginga lwenyanza; kandi kisukululwi ki lameha ku kiribwa kyavasigu vakyo;

Litanga 22:18

na tsihiri tsyosi tsi la gasidzirwa ku kisukululwi kikyo, kigira ive u huliye mwoyo gwange.

Litanga 26:4

kandi nda meda ligali kisukululwi kikyo kuli tsing'ereng'ani tsyomigulu, kandi nda ha kisukululwi kikyo vivala yivi vyosi; na tsihiri tsyosi tsyelirova tsi la gasidzirwa mu kisukululwi kikyo

Litanga 32:12

Kandi ive wa vola, Ligali nda ku kolera malahi, kandi nda kola kisukululwi kikyo kuva kuli umuyeke gwenyanza, gu ta validzwa kigira gu veye munyingi.

Litanga 48:16

Ingelosi wa mbonnya kuntwulidza ku budamano bwosi, a gasidze avayai; na lieta lyange litalirwe kuvo, na lieta lya vaguga vange Abrahamu na Isaka; navo va viruke, nokukula kuva avanyingi mu lirova.

Litanga 48:19

Na dada wewe ya sula, na a vola, Mmanya, mwana wange, mmanya; uyu kandi a la gwa ihiri, kandi a la va munene: navutswa amwavo wewe muke a la va munene kuvita uyu, na kisukululwi kikye ki la gwa ubunyingi bwetsihiri.

2 Kyetsinyinga 1:9

Na kalunu, O Yahova Nyasaye, lisuuviridza lya wa ha dada wange Daudi li dinyeri dzwe; kigira u nyamehidzi ku va ndu vanyingi kuli lugukyi lwelirova.

Zaburi 72:17

Lieta lilye li hindira mihiga nemihiga; Lieta lilye li la hongera kuva kuli liuva: Na avandu va la gasidzwa muye; Tsihiri tsyosi tsi la mu goha mugasu.

Kutwula 32:13

Widzulitse Abrahamu, na Isaka, na Israeli, avatumekiri vovo, ava wesuhira ku ive mwene, nokuvavolera, Nda kiridza kisukululwi kyenyu kuli tsing'ereng'ani tsyomigulu, na kivala yiki kyosi kya mboye makuva gakyo, nda ha kisukululwi kyenyu, ki la va miyandu gyavo mihiga nemihiga.

Isaya 54:3

Kigira u la vambuka ku luvega lwomukono mulungi noku mukono mmosi: nekisukululwi kikyo ki la gumira tsihiri, na madala ga kolwa hatswa a la ga kola avandu kumenya mu.

Livalidza 23:10

Ni bwaha u nyala kuvalidza ulugukyi lwa Yakobo? Kinga ni bwaha u nyala kuvalidza kidieli kya kane kya Israeli? Inze, mwoyo gwange nkudze likudza lyomulungi, Na kiheri kyange ki ve kuli kiheri kikye.

Matayo 8:11

Na inze mmu volera, vanyingi va la twula ivugwe na madioli, va likala halala na Abrahamu, na Isaka, na Yakobo mbwami bwomigulu:

Vikolwa 3:25

Mwinye mu veye avana vavaprofeti, navuna vamalagano ga Nyasaye ya lagana navaguga venyu, na a volera Abrahamu, Ku visukululwe vivyo tsihiri tsyosi tsyelirova tsi la nyola ku ubugasu.

Vagalatia 3:16

Kalunu lisuuviridzwa lya volwa ku Abrahamu nekisukululwi kikye. Si a voye, Visukululwi kuli vi veye vinyingi; navutswa kuli ki veye kilala, Nekisukululwi kikyo, nakyo ni Kristo.

Vagalatia 3:8

Kandi ma ng'oda ga tanga kulola Nyasaye a la vola ku ve Tsihiri ubulungi kigira lisuuvira, ga tanga kwilwadzira Abrahamu ivangeli, ni ga vola, Tsihiri tsyosi tsi la gasidzirwa ku ive.

Vafeso 1:3

Nyasaye a gasidzwe, kandi niye Dada wo Mwami wetu Yesu Kristo, wa ku gasidza nobugasu bwosi bwa roho obwomigulu mu Kristo:

Kwidzulitsa 12:20

Lwa Yahova Nyasaye wowo a la meda lwako lulwo, kuli ya ku laga, nu u vola, Nda lia inyama, kigira roho gugwo gu kayirangwa kulia inyama; u nyala kulia inyama, ku gosi ga roho gugwo gu kayirangwa.

Kwidzulitsa 13:17

Si ki la handa ku mukono gugwo kindu ku vyosi kya laamwa; Yahova a girunkane kutwula ku ubululu bwobutima bwibwe, a ku vererere, a ku kolere tsimbabasi, na a ku kole kuva avanyingi, kuli yesuhira avaguga vovo;

Likunula 7:4

Kandi nda hulira hesabu ya yavo ava vikwa muhuri, ya li tsielfu mia na tsielfu makumi gane na tsine, ava vikwa muhuri ku tsihiri tsyosi tsyavana va Israeli:

Likunula 7:9

Inyima wevindu yivi nda lola, kandi, henza, kiduma kinene kyomundu a vula ho u nyala kuvalidza, ki twula ku tsihiri tsyosi, noku tsimpya tsyosi, noku vandu vosi noku tsinimi tsyosi, kya singira imbiri wentebe nembiri wo Mwana Weligondi, va vikwa tsingubo tsindavu kandi va li namatu gamakindu mu makono gavo;