Litanga 27:24 - KITABU KITAKATIFU

²⁴ Na ya vola, Ive u veye mwana wange, Esau, ligali? Naye ya vola, Ni inze.

Litanga 27:24 ပူးပေါင်းရင်းမြစ်များ

Litanga 27:23

Naye si ya mmanya mba, kigira makono gege ga li namaswa, kuli makono ga amwavo wewe Esau: ma ya mu gasidza.

Litanga 27:25

Naye ya vola, U ndetere himbi, na nda lia ku inyama yombulimu yo mwana wange, mwoyo gwange gu ku gasidze. Na a gi leta kuye himbi, naye ya lia: kandi ya mu letera iwaini, na a nwa

2 Samweli 14:5

Nomwami ya mu teva, U veye naki? Nomukali zana ya tivula, Ligali inze mbeye mukunzakali, musatsa wange ya kudza.

1 Avami 13:18

Na ye ya mu volera, Inze kandi mbeye muprofeti kuli ive; nengelosi ya mbo lera ku likuva lya Yahova, na a vola, U mwiranye halala nive mu inyumba yoyo, a duke kulagira nokunwa madzi. Navutswa ya mu volera bubehi.

Ayubu 15:5

Kigira ubudamano bubwo bwegidzanga munwa gugwo, Na u tovolanga lulimi lwomugadi.

Tsing'ano 12:19

Munwa gweligali gu la dinyiridzwa mihiga nemihiga; Navutswa ululimi lwobubehi lu veye lwedagika indala vutswa.

Tsing'ano 12:22

Minwa gyobubehi gyi veye livihiriridza ku Yahova; Navutswa yavo ava kolanga bulungi, nivo ava a yanzidzanga.

Tsing'ano 30:8

U hile hale ku inze ubugadi na ububehi; U ta mpa ubudaka kinga ubutugi; U ndageridze nevyokulia vi ndu kira:

Zekaria 8:16

Yaga namakuva ga mu li kola: Mu volerane samulala nomutende wewe makuva geligali; mu kalage likalaga lyeligali nemirembe mu viribwa vyenyu;

Vafeso 4:25

Kigira yaga mu sule ububehi, sa mulala a volere wakye ageligali: kigira ku veye vivero avene navene.

Vakolosai 3:9

mu ta veherana avene navene; kigira mu mali kufwuvula mundu wa kale halala nelikola lilye,

1 Samweli 21:13

Ma ya girunkanya lugendo lwilwe imbiri wavo, na yekola kuva kuli wobulalu mmakono gavo, na a ng'oda ku miliangu gyekiribwa, namate gege ya ga leka ni ga tonya ku tsinderu tsitsye.

1 Samweli 21:2

Na Daudi ya volera Ahimeleku musalisi, Mwami u ndagi kyokukola, na u mboleye, Mundu kali mulala a vule kumanya kindu kilala kukyo kya nku tumi, na kya nda ku laga: na inze mmali kulaga avasoleli va tsie ha zana.

1 Samweli 27:10

Na Akishi ya mu teva, Ive wa twuliye ibwaha lero? Na Daudi ya vola, Ku luvega lwa Kusini lwa Yuda, noku luvega lwa Kusini lwa Vajerahameeli, noku luvega lwa Kusini lwa Vakeni.