Litanga 26:24 - KITABU KITAKATIFU

²⁴ Na Yahova ya loleka kuye ubudiku zana, na a mu volera, Inze mbeye Nyasaye wa dada wowo Abrahamu: u ta tia mba, kigira inze mbeye halala nive, na nda ku gasidza, na a nda meda kisukululwi kikyo kigira mutumekiri wange Abrahamu.

Litanga 26:24 ပူးပေါင်းရင်းမြစ်များ

Litanga 13:16

Kandi nda kola kisukululwi kikyo kuva kuli lugukyi lwelirova: Luduka ni i va mundu a nyala kuvalidza lugukyi lwelirova, na ndiyo kisukululwi kikyo ki nyala kuvalidzwa.

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

Litanga 17:7

Kandi nda singeridza lilagana lyange hagati hange na ive na visukululwi vivyo inyima wowo, mu visukululwi vyavo li ve lilagana lyemihiga nemihiga, nduke kuva Nyasaye ku ive noku visukululwi vivyo inyima wowo.

Litanga 17:8

Kandi nda ha ive na visukululwi vivyo inyima wowo, kivala kya limenya lilyo, kivala kyosi kya Kanani, ki ve miyandu gyemihiga nemihiga; na nda va Nyasaye wavo.

Litanga 21:17

Na Nyasaye ya hulira mwoyo gwomwana; na ingelosi wa Nyasaye ya langa Hagari kutwula migulu na a mu teva U veye naki Hagarii u ta tia; kigira Nyasaye u huliye mwoyo gwomwana ha a veye.

Litanga 22:17

mu ligasidza nda ku gasidza, nomu limeda nda meda kisukululwi kikyo vi ve kuli tsing'ereng'ani tsyomigulu, kandi kuli umuyeke gwoluginga lwenyanza; kandi kisukululwi ki lameha ku kiribwa kyavasigu vakyo;

Litanga 22:19

Kunangwa Abrahamu yirana ku vasoleli veve, na va twula ni va tsia halala kuduka Beer-sheba; na Abrahamu ya menya Beersheba.

Litanga 24:12

Na ya vola, O Yahova, Nyasaye womwami wange Abrahamu Nku saala, u mbe inkavi indahi lero na u vererere mwami wange Abrahamu.

Litanga 28:13

Na henza, Yahova u singiye igulu kuyo, na a vola, Inze mbeye Yahova, Nyasaye wa dada wowo Abrahamu, na Nyasaye wa Isaka: kivala kya u goni mu, nda ku ha, na kisukululwi kikyo;

Litanga 28:15

Kandi henza, mbeye halala na ive, na nda ku linda hosi ha u tsitsanga, kandi nda ku leta kandi ku kivala yiki; kigira si nda ku leka mba, kuduka nduhe nku kolere gosi ga nda ku volera.

Litanga 28:3

Kandi Nyasaye Wa Nyala Vyosi a ku gasidze, a ku kole kuva nolwivulu iunyingi, nokukumeda ligali, u duke kuva kiduma kyetsihiri;

Litanga 30:27

Na Labani ya mu volera, Ni mba ni nyoye tsimbabasi imbiri wowo, u menye: kigira ndoli Yahova u ngasidzi kigira ive.

Litanga 31:5

na a va volera, Ndoli mumon; mwa dada wenyu si mu yeki ku inze kuli matsyambiri; navutswa Nyasaye wa dada wange a veye halala ninze.

Litanga 39:2

Kandi Yahova ya li halala na Yosefa, naye ya li wobugasu; na ya li mu inyumba yomwami wewe Muegepeti.

Litanga 39:3

Na mwami wewe ya lola Yahova a veye halala naye, na Yahova ya gasidza vyosi vya li mu makono gege.

Litanga 46:1

Kunangwa Israeli ya samula halala na vyoso vya ya li navyo, na a duka Beer-sheba, na a haana vihaanwa ku Nyasaye wa dada wewe Isaka.

1 Avami 17:13

Na Elija ya mu voiera, U ta tia mba; u tsie kukola kuli u voye; navutswa u tange kundugira ubukima bukekeke, u ndetere ha kyova hano, ma kandi u lugire ive mwene nomwana wowo.

Kutwula 14:13

Na Musa ya volera avandu, Mu ta tia mba, mu singire, na mu lole ubuhonyi bwa Yahova, bwa a li kolera mwinye lero: kigira Avaegepeti va mu lolanga lero, si mu la va lola kandi mihiga nemihiga.

Kutwula 3:6

Kandi ya vola, Inze mbeye Nyasaye wa dada wowo, Nyasaye wa Abrahamu, Nyasaye wa Isaka, na Nyasaye wa Yakobo. Na Musa ya visa mmoni mwimwe; kigira ya tia kuhenza Nyasaye.

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 44:2

Yahova wa ku kola, nokukulomba kutwula munda, u li ku konya, a vola ndi: U ta tia, O Yakobo mutumekiri wange; na ive, Jeshurun, wa ntovoye.

Isaya 51:12

Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Isaya 51:7

Mu hulire inze, mwinye ava manya bulungi, mwinye avelilaga lyange li veye mu myoyo gyenyu; mu ta tia linyega lyavandu, kandi mu ta genya kigira kihenyahenye kyavo.

Lisyoma lya Jeremia 3:57

Wesunda ku inze ku lidiku lya nda kwanira; na wa mbolera, U ta tia mba.

Kyavalevi 26:42

hene yaho ndidzulitsa lilagana lyange na Yakobo; na lilagana lyange na Isaka, na kandi lilagana lyange na Abrahamu ndidzulitsa; kandi ndidzulitsa kivala.

Kyavalevi 26:45

navutswa kigira yavo ndidzulitsa lilagana lyavaguga vavo, ava nda leta kutwula mu kivala kya Egepeti, imbiri wetsimoni tsyetsihiri, nduke kuva Nyasaye wavo: inze mbeye Yahova.

Matayo 22:32

Inze ni Nyasaye wa Ahrahamu, ni Nyasaye wa Isaka, ni Nyasaye wa Yakobo? Nyasaye si a li Nyasaye wavakudzi navutswa wa va veye mwoyo.

Luka 12:32

Mu ta tia, mwinye kyayo kikekeke; kigira Dada wenyu a yanza kumuha ubwami.

Vikolwa 7:32

ni gu vola, Inze mbeye Nyasaye wavaguga vovo, Nyasaye wa Abrahamu, na Isaka, na Yakobo. Musa ya degera, kandi si ya lema mwoyo kuhenza.

Kwidzulitsa 13:17

Si ki la handa ku mukono gugwo kindu ku vyosi kya laamwa; Yahova a girunkane kutwula ku ubululu bwobutima bwibwe, a ku vererere, a ku kolere tsimbabasi, na a ku kole kuva avanyingi, kuli yesuhira avaguga vovo;

Kwidzulitsa 31:6

Mu ve avagulu navaluviriri, mu ta va nobutii, kandi mu ta va tia: kigira Yahova Nyasaye wowo, niye u tsitsanga halala nive; si a la ku gehera, kandi si a la ku leka mba.

Vahebraina 11:16

Navutswa kalunu venyanga kivala kilahi kuvita, nakyo ki veye migulu; kigira yaga Nyasaye si ya lola tsisoni kulangwa Nyasaye wavo; kigira u va lombeye lidala.

Vahebraina 13:6

Kunangwa ku luvirira kuvola, Mwami a veye mukonyi wange; si nda tia mba: Avandu va la nkolera ki?

Likunula 1:17

Inyinga nda mu lola, nda gwa ha virenge vivye kuli u kudzi. Naye ya vika mukono gwigwe mulungi ku inze, na a vola, U ta tia mba; Mbeye wokutanga nowekiheri,

Ruth 3:11

Kalunu mwana wange, u ta tia mba: nda ku kolera gosi ga u vola: kigira avelidala lyosi lya avandu vange va manya ive u veye mukali welimenya lilahi.