Litanga 25:22 - KITABU KITAKATIFU

²² Na avana va kola kivihiri mmunda mwimwe; naye ya vola, Ni ga va ni ga veye ndi, mbindira kigira ki? Naye ya tsia kuteva Yahova.

Litanga 25:22 ပူးပေါင်းရင်းမြစ်များ

Ezekieli 20:31

Lwa mu haana vindu vyenyu vya mu haananga, lwa mu vitidzanga avana venyu avayai hagati homuliru, mwivikanga ku bubi ku vifwananyi vyenyu vyosi kuduka lero? Na mu la teva inze likuva, Mwinye avenyumba ya Israeli? Kuli mbeye mwoyo, Mwami Nyasaye a vola, mwinye si mu la teva inze likuva mba;

Ezekieli 36:37

Mwami Nyasaye a vola ndi: Kandi kigira inkuva yiyi inyumba ya Israeli i la teva inze, mba kolere: nda va meda navandu kuli kyayo kyamagondi.

1 Samweli 10:22

Kigira yaga va desa kuteva Yahova, A veyo mundu wundi u kikiri kuduka hano? Yahova ya tivula, Henza, yivisi mu viju.

1 Samweli 22:15

Inze ntangi lero kumtevera Nyasaye? Auwa, li ve ihale ku inze likuva yili: mwami a vule kuvika liganagana ku inze mutumekiri wewe, kinga ku inyumba yosi ya dada wange; kigira mutumekiri wowo si a manya kindu ku yaga gosi, bukekeke kinga bunyingi bwago.

1 Samweli 28:6

Na Saulo lwa ya teva Yahova, Yahova ya vula kumutivulira, kinga na malola, kinga na Urim, kinga navaprofeti.

1 Samweli 30:8

Na Daudi ya teva Yahova, na a vola, Ni mba ni nonda lihe yilyo, nda duka kuvagumira, naho? Naye ya mu tivulira, U li londe; kigira ligali u la va nyola, na u lirannya vyosi.

1 Samweli 9:9

(Kale mu Israeli, mundu lwa ya tsitsanga kuteva kindu ku Nyasaye, ya volanga ndi, Ku tsie ku muloli; kigira uyo a langwa kalunu Muprofeti, kale ya langwa Muloli.)