Litanga 24:7 - KITABU KITAKATIFU

⁷ Yahova, Nyasaye womigulu, wa ntwulidza mu inyumba ya dada wange, nomu kivala kya ndivulwa mu, wa mbolera, na ya nzisuhira, kuvola, Nda ha kivala yiki ku kisukululwi kikyo; uyu a la tuma ingelosi wewe imbiri wowo, na ive u la vugulira yo mwana wange mukali.

Litanga 24:7 ပူးပေါင်းရင်းမြစ်များ

Litanga 13:15

kigira kivala yiki kyosi kya u lolanga, nda ha ive, ne kisukululwi kikyo mihiga nemihiga

Litanga 15:18

Mu lidiku yilyo Yahova ya kola lilagana na Abram, na a vola, Mmali kuha visukululwi vivyo kivala yiki, kutwula ku mu gera gwa Egepeti kuduka ku mugera munene gwa Farati:

Litanga 16:7

Na ingelosi wa Yahova ya mu nyola himbi nekisenukiru kya amadzi mwigendanyama, himbi kisenukiru kya madzi ku inzira ya Shur.

Litanga 17:8

Kandi nda ha ive na visukululwi vivyo inyima wowo, kivala kya limenya lilyo, kivala kyosi kya Kanani, ki ve miyandu gyemihiga nemihiga; na nda va Nyasaye wavo.

Litanga 21:17

Na Nyasaye ya hulira mwoyo gwomwana; na ingelosi wa Nyasaye ya langa Hagari kutwula migulu na a mu teva U veye naki Hagarii u ta tia; kigira Nyasaye u huliye mwoyo gwomwana ha a veye.

Litanga 22:11

Na ingelosi wa Yahova ya mu langa kutwula migulu na a vola, Abrahamu, Abrahamu: naye ya bugira yo, Mbeye hano.

Litanga 24:3

na inze nda kwisuhidza ku Yahova, Nyasaye womigulu na Nyasaye welirova, u ta vugulira mwana wange mukali ku vakana Vakanani, ava mmenya hagati havo:

Litanga 24:40

Naye ya mbolera, Yahova wa ng'enda imbiri wewe, a la tuma ingelosi wewe a tsie halala nive, a gasidzire ulugendo lulwo; na ive u la vugulira mwana wange mukali mu viko vange, nomu inyumba ya dada wange:

Litanga 26:24

Na Yahova ya loleka kuye ubudiku zana, na a mu volera, Inze mbeye Nyasaye wa dada wowo Abrahamu: u ta tia mba, kigira inze mbeye halala nive, na nda ku gasidza, na a nda meda kisukululwi kikyo kigira mutumekiri wange Abrahamu.

Ezara 1:2

Kurusi mwami wa Persia a volanga, Yahova, uyu Nyasaye womigulu u heye inze n ubwami bwosi bwelirova; na u lagi inze mwombakire inyumba ha Yeru salemi, li veye mu Yuda.

Zaburi 103:20

Mu gasidze Yahova, mwinye tsingelosi veve Ava veye netsingulu ligali, ava kolanga makuva gege, Na va huliranga mwoyo gwelivola lilye.

Zaburi 136:26

O mu santidze Nyasaye womi gulu; Kigira tsimbabasi tsitsye tsi veye ho mihiga nemihiga.

Zaburi 32:8

Nda ku ha ubugeeri nokukwegidza inzira ya u li vitira ku: Nda kwimirira nemoni yange.

Zaburi 34:7

Ingelosi ya Yahova a kumbiridzanga yavo ava mu tidzanga, Na a va hedzanga ubwiyangu.

Zaburi 73:24

Ive u la nzimirira na makuva gogo, Na lwa nyima u la nyingeridza mu bukumi.

Kutwula 13:5

Kandi ga la va, lwa Yahova a la kwingiridza mu kivala kyo Mukanani, na Muhiti, na Muamori, na Muhivi, na Mujebusi, kya yesuhira avaguga vovo kukuha, kivala ki gangalukanga amaveere no bwuki, u la lombera Yahova ubutumiki yibu mu mweli yigu.

Kutwula 32:13

Widzulitse Abrahamu, na Isaka, na Israeli, avatumekiri vovo, ava wesuhira ku ive mwene, nokuvavolera, Nda kiridza kisukululwi kyenyu kuli tsing'ereng'ani tsyomigulu, na kivala yiki kyosi kya mboye makuva gakyo, nda ha kisukululwi kyenyu, ki la va miyandu gyavo mihiga nemihiga.

Kutwula 33:2

na nda tuma ingelosi imbiri wowo, na nda kunga Avakanani, na Avaamori na Avahiti, na Avaperizi, na Avahivi, na Avajebusi:

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Jona 1:9

Naye ya va volera, Inze mbeye Muhebraina; na ntidza Yahova, Nyasaye womigulu, wa lomba inyanza na lirova Iyumu.

Livalidza 11:12

Ninze wa verekidza avandu yava vosi? Ninze wa vivula, ive u duke kumbolera, U va ginge mu kiritu kikyo, kuli dada u leranga mwana u nunanga, kuvadukidza mu kivala kya wisuhira avaguga vavo?

Livalidza 14:16

Kigira Yahova si ya nvala kudukidza avandu yava mu kivala kya ya visuhira, kunangwa u viitiye mu kyangalangwi.

Livalidza 14:30

ligali si mu lingira mu kivala kya ndisuhira nda mu mennya mu, na a ta li Kalebu mwana wa Jefune, na Joshua mwana wa Nuni.

Livalidza 32:11

Ligali si ha la va nomulala ku yavo ava li kutwula mu Egepeti, kutwula ku avemihiga makumi gaviri nokuvita u nyala kulola kivala kya nda lagana na Abrahamu, na Isaka, na Yakobo; kigira si va nonda nomwoyo gwosi:

Vikolwa 7:5

kandi si ya mu ha mu miyandu, kali gya a vika ku kirenge: na a lagana naye a la mu ha kivala yiki ki ve kikye kandi kyavana veve venyima, lwa ya li na a ta li nomwana.

Kwidzulitsa 1:8

Henza, mbiki kivala imbiri wenyu; mwingire mu gumire kivala kya Yahova yesuhira avaguga venyu, Abrahamu, na Isaka, na Yakobo, kuhaana kuvo, noku visukululwi vyavo inyima wavo.

Kwidzulitsa 34:4

Na Yahova ya mu volera, Yiki ni kivala kya ndisuhira Abrahamu, ne Isaka, na Yakobo, ni mbola, Nda ha visukululwi vivyo: ligali mmali kukumannya, navutswa si u lambuka yo mba.

Vahebraina 1:14

Yavo vosi si va veye roho gyobutumwa, gyi tumangwa gyi duke kutumekira yava ava li lia miyandu gyobuhonnyi?

Vahebraina 11:9

Ku lisuuvira ya gwa mumenyi mu kivala kyelisuuviridzwa, kuli a veye mu kivala ki ta li kikye, nokumenya mu mahema halala na Isaka na Yakobo ava li vemiyandu gyelisuuviridzwa zana halala naye:

Joshua 1:6

U ve mugulu nomuluviriri; kigira u la lihidza avandu yava miyandu gyekivala kya ndi suhira avaguga vavo nda va ha.

Joshua 24:3

Na inze nda vugula Abrahamu guga wenyu engereka yo Mugera na nda mwimirira mu kivala kyosi kya Kanani, nda mu medera kisukululwi kikye, na nda mu ha Isaka.

Likunula 11:13

Kandi mu isaa yiyo lya li ho lidegera lyelirova linene, nekidieli kilala ku likumi vyelidala kya gwa; navandu tsielfu tsitano na tsiviri viitwa mu lidegera yilyo: na vandi va tigala ubutii bwa va gumira, ni vidzominya Nyasaye womigulu.

Vakalagi 2:1

Ma, ingelosi wa Yahova yanegira kutwula Gilgali kutsia Bokim. Naye ya vola, Nda mwanegiridza kutwula mkivala kya Egepeti, na mali kumuleta kuduka mu kivala kya ndisuhira avaguga venyu; nda vola, Ligali si ndononnya lilagana lyange lya nda lagana nemwinye, mihiga nemihiga: