Litanga 24:49 - KITABU KITAKATIFU

⁴⁹ Kunangwa ni mu va mu la kolera mwami wange ubulahi nageligali, mu mbolere: naho ni ga ta li ndiyo, mu mbolere; nzegirunkanye ku mukono mulungi kinga ku mukono mmosi.

Litanga 24:49 ပူးပေါင်းရင်းမြစ်များ

Litanga 32:10

inze si ndukani kali ku tsinkekeke ku tsimbabasi tsitsyo tsyosi, noku ageligali gosi aga wa kolera mutugwa wowo; kigira ndaambuka mugera yigu Yordani nempimbo yange; na kalunu mmedeki kugwa viduma viviri.

Litanga 47:29

Na inyinga yelikudza lya Israeli ya duka himbi: naye ya langa mwana wewe Yosefa, na a mu volera, Ni mba ni mberereywi imbiri wetsimoni tsyitsyo, nku goonya u vike mukono gugwo ku ivadzwa yange, u nkolere malahi na ageligali: u ta nta mu Egepeti mba, nku goonyanga;

Tsing'ano 3:3

U ta bugirira tsimbabasi na ageligali kukuleka: U vi bohe mwigoti mumwo: U vi ng'ode ku kibao kyomwoyo gugwo:

Livalidza 20:17

Mwadza, u ku he munwa kuvita mu kivala kikyo: si ku la vita mu mulimi, kinga mu kizabibu, kandi si ku la nwa amadzi gevidaho vivyo: ku la londa inzira inene ya mwami; si ku la girunkana kutsia ku luvega lwomukono mulungi, kinga ku luvega lwomukono mmosi, kuduka lwa ku viti lwako lulwo.

Kwidzulitsa 2:27

Mpe munwa kuvita mu kivala kikyo: nda genda vutswa ku inzira, si nda girunkana kali kutsia ku mukono mulungi kinga mukono mmosi.

Joshua 2:14

Na avandu yava va mu volera Livamwoyo lyetu mbogono bwelivamwoyo lyenyu, ni mu va ni mu vula kuvola miyinzi gyetu yigyi, ga la va lwa Yahova a ku ha kivala yiki, kwinye ku la ku kolera ubulahi nobusuvirifu.