Litanga 24:35 - KITABU KITAKATIFU

³⁵ Na Yahova u gasidzi mwami wange ligali, naye u duki kuva munene ligali: kandi u mu heye imitugu gyamagondi na tsing'ombe, na ifetha, na thahabu, na vatugwa vayai, na vatugwa vakana, na tsing'amia, na tsisukiri.

Litanga 24:35 ပူးပေါင်းရင်းမြစ်များ

Litanga 12:16

Naye ya kolera Abram bulahi kigira uyu: ya li namagondi, na tsing'mbe, na tsisukiri tsisatsa, na vatumiki avasatsa, na vakana, na tsisukiri tsinkali, na tsing'amia.

Litanga 12:2

na nda kola Ive u ve ihiri inene, na nda ku gasidza, na nda kola lieta lilyo li ve linenena ive u ve ubugasu:

Litanga 12:3

kandi nda gasidza yavo ava gasidza ive, na nda laama yavo ava laama ive: na aviko vosi velirova va la gasidzirwa mu ive.

Litanga 13:2

Na Abram ya li nobutugi ligali ku mitugu, na ifetha, na ithahabu.

Litanga 24:1

Kunangwa Abrahamu ya li musakulu, nowemihiga minyingi: kandi Yahova ya mu gasidza mu vindu vyosi.

Litanga 25:11

Kunangwa inyima welikudza lya Abrahamu, Nyasaye ya gasidza Isaka mwana wewe: na Isaka ya menva ha Beerlahairoi.

Litanga 25:5

Na Abrahamu ya ha Isaka vyosi vya ya li navyo.

Litanga 30:43

Namundu uyu ya medeka ligali, na ya li nevyayo vinene, navatugwa avakana navatugwa avayai, na tsing'amia, na tsisukiri.

Litanga 49:25

Kali Nyasaye wa dada wowo, u li ku konya, Noku Wanyala Vyosi u li ku gasidza, Nobugasu bwomigulu igulu, Nobugasu bwenyanza ya hasi, Nobugasu bwetsimbeere nobwa inda.

Ayubu 1:3

Nobutugi bwibwe bwa li amagondi tsielfu tsitano na tsiviri, netsing'amia tsielfu tsivaka, netsing'ombe tsyokulima elfu indala netsisukiri tsidwasi tsimia tsitano navandu vomu inyumba avanyingi ligali; kunangwa mundu uyu ya li munene kuvita avandu vosi avoluvega lwevugwe.

Zaburi 107:38

A va gasidza kandi kuduka va medeka ligali; Kandi si a leka mitugu gyavo ku gehidzwa.

Zaburi 112:3

Ubutugi na ubuhinda vi veye mu inyumba yeye; Na ubulungi bwibwe bu hindiranga mihiga nemihiga.

Zaburi 18:35

Kandi u mpeye ingavo yobuhonnyi bubwo; Na mukono gugwo mulungi gu ngingi Na ubuhoma bubwo bu nnenehidzi.

Tsing'ano 10:22

Ubugasu bwa Yahova bu tugidzanga; Na si a vika liverera halala nabwo.

Tsing'ano 22:4

Madanyi gelyegehidza nokutia Yahova Ga veye ubutugi, na lidzominywa, na livamwoyo.

Matayo 6:33

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

Luka 12:45

Navutswa mutugwa uyu na a va na a vola mu mwoyo gwigwe, Mwami wange u lindagiye; na a tanga kukuya avatugwa avayai navatugwa avakana, na a lia na a nwa, na a hambika;

1 Timoteo 4:8

kigira ku lyenalidza ku mubiri li konya hakekeke; navutswa litibwa lya Nyasaye li konyanga ku vindu vyosi, kigira li veye nelisuuviridza lyelivamwoyo lya kalunu, na yili lidzanga.