Litanga 24:12 - KITABU KITAKATIFU

¹² Na ya vola, O Yahova, Nyasaye womwami wange Abrahamu Nku saala, u mbe inkavi indahi lero na u vererere mwami wange Abrahamu.

Litanga 24:12 ပူးပေါင်းရင်းမြစ်များ

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

Litanga 24:21

Na mundu uyu ya mu henza ligali, na a kiring'ana, a duke kumanya Yahova u gasidzi lugendo lwilwe naho si ga li ndiyo.

Litanga 24:27

Na ya vola, A gasidzwe Yahova, Nyasaye womwami wange Abrahamu, wa vula kuleka tsimbabasi tsitsye na geligali gege ku mwami wange: kandi inze, Yahova u nzimiriye ku inzira i duka ku inyumba yamwavo wa mwami wange.

Litanga 24:42

Na inze nda duka lero ndi ha kidaho, ni mbola, O Yahova, Nyasaye womwami wange Abrahamu, nu u va nu u ngasidzeye ulugendo lwange lwa ntsitsanga:

Litanga 24:48

Na ndinaminya mutwe gwange, nokusigamira Yahova, na nsantidza Yahova, Nyasaye womwami wange Abrahamu, wa nyimirira ku inzira inungi kuvugula mukana wamwavo wa mwami wange kuva mukali womwana wewe.

Litanga 26:24

Na Yahova ya loleka kuye ubudiku zana, na a mu volera, Inze mbeye Nyasaye wa dada wowo Abrahamu: u ta tia mba, kigira inze mbeye halala nive, na nda ku gasidza, na a nda meda kisukululwi kikyo kigira mutumekiri wange Abrahamu.

Litanga 27:10

na ive u la letera dada wowo yivyo, a lie, a ku gasidze imbiri welikudza lilye.

Litanga 27:20

Na Isaka ya teva mwana wewe, Ga li ndi ive u gi nyoye bwangu ndi, mwana wange? Naye ya vola, Kigira Yahova Nyasaye wowo ya nkonya.

Litanga 28:13

Na henza, Yahova u singiye igulu kuyo, na a vola, Inze mbeye Yahova, Nyasaye wa dada wowo Abrahamu, na Nyasaye wa Isaka: kivala kya u goni mu, nda ku ha, na kisukululwi kikyo;

Litanga 31:42

Na a ta li Nyasaye wa dada wange, Nyasaye wa Abrahamu, na Uyu Welitibwa wa Isaka wa li halala ninze, nkano kalunu ligali, ive wa ka nkunga vutswa. Nyasaye u loli ubusaliri bwange na linyankana lya makono gange, na ya ku gaya ubudiku lwa veye.

Litanga 32:10

inze si ndukani kali ku tsinkekeke ku tsimbabasi tsitsyo tsyosi, noku ageligali gosi aga wa kolera mutugwa wowo; kigira ndaambuka mugera yigu Yordani nempimbo yange; na kalunu mmedeki kugwa viduma viviri.

Litanga 32:9

Na Yakobo ya vola, O Nyasaye wa guga wange Abrahamu, na Nyasaye wa dada wange Isaka, O Yahova, wa mbolera, yirana mu kivala kikyo, nomu viko vovo, na nda ku kolera malahi:

Litanga 43:14

na Nyasaye Wanyala Vyosi a mu he tsimbabasi imbiri womundu uyu, a duke kumubohololera amwavo wenyu wundi na Benjamini. Ni mbereridzwa ku avana vange, li la va livereridzwa.

1 Avami 18:36

Na ga duka inyinga yokuhaana kihaanwa kya mgolova, muprofeti Elija yisunda himbi, na a vola, O Yahova, Nyasaye wa Abrahamu, na Isaka, na Israeli, ga manyekane lero ive u veye Nyasaye mu Israeli, na inze mbeye mutu mekiri wowo, na nkoli vindu yivi vyosi nelikuva lilyo.

2 Avami 2:14

Na ya gumira ingubo yokwigulu ya Elija yaguluka kutwula kuye, na ya kuyira amadzi, na a vola, Yahova Nyasaye wa Elija a veye haliha? Lwa ya mala kukuya amadzi, gayuka kutsia yiyi neyiyi; ma Elisha yambuka.

Nehemia 1:11

O Yahova, mwadza, nku saala ligali, ugutu gugwo gu tegidzwe kuhulira lisaala lyomutumekiri wowo, na lisaala lya vatumekiri vovo, ava sangala mu litia lieta lilyo; na nku saala ligali, u ngasidze inze mutumekiri wowo lero, u mbe tsimbabasi imbiri wo mundu uyu. Kigira inze nda li munwehidze womwami.

Nehemia 2:4

Hene yaho mwami ya nteva, Lyenya lilyo lya wenyanga li veye ki? Ma nda saala Nyasaye womigulu.

Zaburi 118:25

U ku honnye kalunu, O Yahova, ku goonya ive: O Yahova, ku goonya ive, kalunu u lete ubugasu.

Zaburi 122:6

Mu saalire Yerusalemi mirembe: Va la gasidzwa ava ku yanza.

Zaburi 127:1

Yahova na a vula kwombaka inyumba, Avombakanga va nyankana vutswa; Yahova na a vula kulinda lidala, Mulindi a vukanga vutswa.

Zaburi 37:5

U vike ku Yahova inzira yoyo; Kandi u suuvire kuye, naye a la ku kolera aga wenyanga.

Kutwula 3:15

Kandi Nyasaye ya volera Musa, U la volera avana va Israeli inkuva yiyi, Yahova, Nyasaye wa avaguga venyu, Nyasaye wa Abrahamu, Nyasaye wa Isaka, na Nyasaye wa Yakobo, u ntumi ku mwinye: yili ni lieta lyange mihiga nemihiga, kandi ni lyokunzidzulitsira kuduka makula gosi.

Kutwula 3:6

Kandi ya vola, Inze mbeye Nyasaye wa dada wowo, Nyasaye wa Abrahamu, Nyasaye wa Isaka, na Nyasaye wa Yakobo. Na Musa ya visa mmoni mwimwe; kigira ya tia kuhenza Nyasaye.

Tsing'ano 3:6

Mu tsinzira tsitsyo tsyosi u mu bugirire, Naye a la kwimirira ku tsinzira tsitsyo.

Matayo 22:32

Inze ni Nyasaye wa Ahrahamu, ni Nyasaye wa Isaka, ni Nyasaye wa Yakobo? Nyasaye si a li Nyasaye wavakudzi navutswa wa va veye mwoyo.

Vafilipi 4:6

Mu ta henda mwoyo ku kindu kali kilala; navutswa lyenya lyenyu ku vindu vyosi li mannywe ku Nyasaye mu lisaala nomu lisava halala nelisantidza.