Litanga 23:2 - KITABU KITAKATIFU

² Na Sara ya kudzira mu Kiriathu-arba (livola li veye Hebironi), mu kivala kya Kanani: na Abrahamu yadza kusyomera Sara, nokumulira.

Litanga 23:2 ပူးပေါင်းရင်းမြစ်များ

Litanga 13:18

Abram ya sunda lihema lilye, na a tsia kumenya himbi ne misala gya Mamre, gya li mu Hebironi, na yombakira yo Yahova ubwali.

Litanga 23:1

Na lihindira lya Sara lya duka mihiga mia na makumi gaviri na gyitano na gyiviri: yigyi ni mihiga gyelihindira lya Sara.

Litanga 23:19

Na inyima wa yaga, Abrahamu ya ta Sara mukali wewe mu luhangaywa lwomulimi gwa Makipela ku luvega lwa Mamre (ha zana ha veye Hebironi), mu kivala kya Kanani.

Litanga 24:67

Na Isaka ya leta Rebeka na a mu vika mu lihema lya mama wewe Sara na a mu vugula, na Rebeka ya gwa mukali wewe; naye ya mu yanza: na Isaka ya leminywa mwoyo inyima welikudza lya mama wewe.

Litanga 27:41

Na Esau ya dunyira Yakobo kigira ligasidza lya dada wewe ya mu gasidza: na Esau ya vola mu mwoyo gwigwe, Madiku gelisyomera dada wange ga veye himbi; inyinga zana ndiita Yakobo amwavo wange.

Litanga 35:27

Na Yakobo yadza ku Isaka dad wewe ku Mamre ku Kiriathu-arba (li veye Hebironi) ha Abrahamu na Isaka va menya.

Litanga 37:14

Naye ya mu volera, Tsia kalunu, u lole avamwavo vovo ni va va ni va veye avalarnu, kandi kyayo ni ki va ni ki veye kilahi; u ndetere makuva. Kunangwa ya mu tuma a twule mu livona lya Hebironi, na ya duka Shekem.

Litanga 50:1

Na Yosefa ya gwa mumoni mwa dada wewe, na a lira kuye na a mbusa.

Litanga 50:10

Navo va duka ku lodze lwa Atadi, lu veye engereka wa Yordani, na ha zana va kolera ho lisyoma linene na lyobululu: na ya kolera dada wewe lilira lya madiku gatano na gaviri.

2 Samweli 1:12

na va syomera Saulo, namwana wewe Jonathan, navandu va Yahova, navenyumba ya Israeli; ni va lira, ni va honga lilia kuduka mgolova, kigira va gwiye ku kivavi.

2 Samweli 1:17

Daudi ya syomera Saulo na Jonathan mwana wewe nelisyoma yili

2 Samweli 2:11

Na inyinga ya Daudi ya li mwami mu Hebironi ku inyumba ya Yuda gya li mihiga gyitano na gyiviri nemyeli gyitano na mulala.

2 Samweli 5:3

Ma avakulundu vosi va Israeli va tsia ku mwami ku Hebironi; na mwami Daudi ya lomba lilagana navo ha Hebironi imbiri wa Yahova: navo va vaka Daudi maguta a ve mwami ku Israeli.

2 Samweli 5:5

Yameha mu Hebironi ku Yuda mihiga gyitano na gyiviri nemyeli gyitano na mulala; na mu Yerusalemi yameha mihiga makumi gavaka na gyivaka ku Israeli na Yuda vosi.

1 Kyetsinyinga 6:57

Navana va Haruni va hebwa madala gokwirukira mu, Hebi roni; Libina kandi halala nobwayiru bwalyo, na Jatiru, na Eshitemo nobwayiru bwalyo,

2 Kyetsinyinga 35:25

Na Jeremia ya syomera Josia: avimbi vosi vasatsa na vakali va laha Josia mu tsinzikulu tsyavo kuduka lero; na va tsi kola kuva lilaga ku Israeli: na, henza, ga ng'odwa mu lisyoma.

Nehemia 11:25

Kandi ku tudala, halala nemi limi gyatwo, avalala ku avana va Yuda va menya Kiriathuarba nomu tudala twalyo, nomu Dibon notudala twalyo, nomu Jekabizeeli notudzla twalyo,

Jeremia 22:10

Mu ta lilira uyu wa kudza, kandi mu ta mu syomera mba; navutswa mu lilira ligali uyu u tsitsanga ihale; kigira uyu si a lirana kandi, kinga kulola kivala kikye kya yivulwa mu.

Jeremia 22:18

Kunangwa kigira yaga, Yahova a vola ku makuva ga Jehoiakim mwana wa Josia, mwami wa Yuda: Si va la mu syomera, kuvolu, O amwavo wange kinga, O mbotso wange Si va la mu syomera, kuvola, O munene wange kinga, O ubukumi bwibwe

Livalidza 13:22

Na vanegira ku luvega lwa Kusini, nokuduka Hebironi; na Ahiman, na Sheshai, na Talmai, avana va Anaki va li yo. (Hebironi lyombakwa mihiga gyitano na gyiviri imbiri wa Zoan mu Egepeti.)

Livalidza 20:29

Na livugana lyosi lwa va lola Haruni u kudzi, va syomera Haruni madiku makumi gavaka, kali inyumba yosi ya Israeli.

Yohana 11:31

Kunangwa Avayuda va li halala naye mu inyumba, ava mu leminya mu mwoyo, lwa va lola Maria na a singira na a twula bwangu, va mu londa, va vola a tsitsa kulirira ha kilindwa.

Yohana 11:35

Yesu ya twula maliga.

Vikolwa 8:2

Avandu avatia Nyasaye va ta Stefano, ni va mu lirira neliverera linene.

Kwidzulitsa 34:8

Navana va Israeli va syomera Musa mu kereremu kya Moabu madiku makumi gavaka: ma madiku geiisyoma lya magenga ga Musa ga hera.

Joshua 10:39

na ya li vugula, nomwami nalyo, na madala galyo gosi: na va ga duya nobwogi bwekivavi, na va dividza ligali avandu vosi va veye mulyo; na si ya leka kali mulala ku tigala: kuli ya kolera Hebironi ni ndiyo ya kolera Debiri, nomwamii walyo; kuli ya kolera kandi Libina, nomwami nalyo.

Joshua 15:13

Na ya haana ku Kalebu mwana wa Jeiune kidieli hagati ha vana va Yuda, kuli lilaga lya Yahova ya volera Joshua, kuli Kiriathuarba, uyu Arba ua li ise wa Anaki (yili li veye Hebironi).

Joshua 15:54

na Humita, na Kiriathuarba (li veye Hebironi), na Zioru; amadala gatano na gane halala notudala twago.

Joshua 20:7

Na ya tovola Kedesh mu Galilaya mu kivala kyevigulu kya Nafitali, na Shekem mu kivala kyevigulu kya Efiraim, na Kiriathuarba (li veye Hebironi) mu kivala kyevigulu kya Yuda.

Joshua 21:11

Navo va ha Kiriathuarba, Arba uyu u a li dada wa Anaki (li veye Hebironi), mu kivala kyevigulu vya Yuda, halala navyayiru vyalyo tsimbega tsyosi.

Vakalagi 1:10

Kandi Yuda ya twulira Vakanani ava menya mu Hebironi (lieta Hebironi matsyambiri lya langwa Kiriathu-arba); na va kuya Sheshai, na Ahiman, na Talmai.

1 Samweli 20:31

Kigira madiku gosi ga mwana wa Jesse a veye mwoyo mu kivala, ive si u la singeridzwa, kinga ubwami bubwo. Kunangwa u tume mundu a mu lete ku inze, kigira ligali a la kudza.

1 Samweli 25:1

Ma Samweli ya kudza; na Israeli vosi va vugana halala, ni va mu syomera, ni va mu ta mu inyumba yeye ha Rama. Ma Daudi ya singira, na a sulunguta kutsia mu kyangalangwi kya Parani.

1 Samweli 28:3

Samweli ya li ni ya mali kukudza, na Israeli vosi va mu syomera, nokumuta ha Rama, mu lidala lilye mwene. Na Saulo ya li na a mali kutwulidza ava mademoni gelimanya, navasegetiri, va twule mu kivala.