Litanga 23:16 - KITABU KITAKATIFU

¹⁶ Na Abrahamu ya hulira Efroni; na Abrahamu ya gerera Efroni ifetha ya ya tala imbiri wa vana va Hethu, tsishekeli tsimia tsine tsyefetha, ifetha i tumekirangwa navakiranyi.

Litanga 23:16 ပူးပေါင်းရင်းမြစ်များ

Litanga 23:15

Mwami wange, u mbulire, mulimi gu duka ubuguli bwetsishekeli tsimia tsine tsyefetha, yibu bu veye ikindu ki hagati hange na ive? Kunangwa u te mukudzu wowo.

Litanga 43:21

kunangwa, lwa kwa duka hokugona, kwa kunula tsimuya tsyetu, na henza, sa mulala ya lola ifetha yeye mu imuya yeye, neligerwa lyayo lyosi: na kwinye ku gi leti kandi mu mukono gwetu.

Litanga 49:29

Naye ya va laga, na a va volera, Inze, ga ndukira kuvungidzwa nduke halala na avandu vange: mu nte halala navaguga vange mu luhangaywa lu veye mu mulimi gwa Efroni Muhiti,

Litanga 50:13

kigira avana veve va mu ginga kuduka mu kivala kya Kanani, na va mu ta mu luhangaywa lwa mulimi gwa Makipela, lwa Abrahamu ya gula halala na mulimi, ku Efroni Muhiti, gu ve miyandu gya hokuta, ku luvega lwa Mamre.

2 Samweli 14:26

Na lwa ya veganga mutwe (ya veganga ku kiheri kyemihiga gyosi kigira lisu lya liliduhu kuye, kigira yaga ya li vega); ya gera lisu lyomu twe gwigwe lya duka tsishekeli tsimia tsiviri kuli tsiratili tsyomwami.

2 Samweli 24:24

No mwami ya volera Arauna, Auwa; navutswa inze nda gula vindu yivi ku ive nobuguli bwavyo; si nda haana ku Yahova Nyasaye wange, vihaanwa vyokusambwa vi ta li nelitunga. Ma Daudi ya gula lodze netsing'ombe netsishekeli makumi gatano tsyefetha.

Ayubu 28:15

Si li nyala kunyoleka nethahabu, Kandi ifetha si i la gerwa kuva liduka lyalyo mba.

Kutwula 30:13

Na kya va tunga ni yiki, sa mulala ku yava ava validzeywi a la tunga inusu yeshekeli kuli ishekeli ya hatakatifu; (ishekeli i veye igera makumi gaviri), inusu yeshekeli i ve kihaanwa ku Yahova.

Jeremia 32:10

Na nda ng'oda lieta lyange ku ibaruwa, nokukupa kuyo muhuri, nokulanga avaloli, nokumugerera ifetha ku tsiratili.

Jeremia 32:9

Ma nda gula mulimi zana gwa li ha Anathothu ku Hanameli musiara wange, na nda mu gerera ifetha, tsishekeli likumi na tsitano na tsiviri tsyefetha.

Ezekieli 45:12

Na ishekeli i la va nevigero makumi gaviri; na tsishekeli makumi gaviri, na tsishekeli makumi gaviri na tsitano, na tsishe keli likumi na tsitano, tsi la va imaneh yenyu.

Zekaria 11:12

Na nda va volera, Ni mu lola bulahi, mu mbe amadanyi gange; ni ga va ni ga ta veye ndiyo, mu leke. Ma va ngerera vidonye makumi gavaka gefetha kuva madanyi gange.

Matayo 7:12

Ku vyosi vya mwenya avandu va mu kolere, mwinye mu va kolere ndiyo kandi: kigira yaga ga veye malago navaprofeti.

Vikolwa 7:16

ni va gingwa ni va hilwa Shekem, ni va vikwa mu kilindwa kya Abrahamu ya gula nobuguli bwefetha ku vana va Emori mu Shekem.

Varumi 13:8

Mu ta va neligovi lyomundu kali mulala, navutswa lyokuyanzana avene navene mu veye nalyo: kigira uyu u yanza wundi u mali kwizulitsa lilaga.

Vafilipi 4:8

Agatigaye, avamitu, gosi aga veye ageligali, gosi aga veye agelidzominywa, gosi aga veye gobulungi, gosi aga veye manifu, gosi aga yanzidzanga, gosi aga gohangwa; ni bu veye ho bulahi, ni li veye ho lidzominya, mu ganagane vindu yivi.

1 Vatesalonike 4:6

mundu a ta ga manya nokugenderera amwavo wewe mu makuva yaga: kigira Mwami a veye mbanzi mu makuva yaga gosi; kuli kwa tanga kumumannya nokumulolekidzira.