Litanga 23:13 - KITABU KITAKATIFU

¹³ Na ya volera Efroni imbiri wa vandu vekivala, na a vola, Navutswa nu u lalira, nku goonya, u mbulire: nda ku ha ubuguli bwomulimi zana; u bu vugule ku inze, na inze nda ta ho mukudzu wange.

Litanga 23:13 ပူးပေါင်းရင်းမြစ်များ

Litanga 23:12

Na Abrahamu yinama hasi imbiri wa vandu vekivala.

Litanga 23:14

Na Efroni ya tivulira Abrahamu, na a mbolera,

Litanga 33:19

Naye ya gula mulimi gwa yombaka ho lihema lilye, mu mukono gwa avana va Hamoru, dada wa Shekem, nevidonye vyefetha mia.

2 Samweli 24:24

No mwami ya volera Arauna, Auwa; navutswa inze nda gula vindu yivi ku ive nobuguli bwavyo; si nda haana ku Yahova Nyasaye wange, vihaanwa vyokusambwa vi ta li nelitunga. Ma Daudi ya gula lodze netsing'ombe netsishekeli makumi gatano tsyefetha.

Vikolwa 20:35

Inze mmali kumugerera ku vindu vyosi, nu bulahi mu didikane ndi mu konye avadekerana, nokwidzulitsa amakuva go Mwami Yesu kuli ya vola, Lihaana li veye nobugasu kuvita livugula.

Varumi 13:8

Mu ta va neligovi lyomundu kali mulala, navutswa lyokuyanzana avene navene mu veye nalyo: kigira uyu u yanza wundi u mali kwizulitsa lilaga.

Vakolosai 4:5

Mu gende nobugeeri ku va veye kyova, mwegulire ubwiyangu.

Vahebraina 13:5

Mu ta va neliva lyokuyanza ubutugi; kandi mu dukane nevindu vya mu veye navyo: kigira mwene ya vola, Inze ligali si nda ku leka mba, kandi ligali si nda vukana ku ive mba.