Litanga 22:17 - KITABU KITAKATIFU

¹⁷ mu ligasidza nda ku gasidza, nomu limeda nda meda kisukululwi kikyo vi ve kuli tsing'ereng'ani tsyomigulu, kandi kuli umuyeke gwoluginga lwenyanza; kandi kisukululwi ki lameha ku kiribwa kyavasigu vakyo;

Litanga 22:17 ပူးပေါင်းရင်းမြစ်များ

Litanga 12:2

na nda kola Ive u ve ihiri inene, na nda ku gasidza, na nda kola lieta lilyo li ve linenena ive u ve ubugasu:

Litanga 13:16

Kandi nda kola kisukululwi kikyo kuva kuli lugukyi lwelirova: Luduka ni i va mundu a nyala kuvalidza lugukyi lwelirova, na ndiyo kisukululwi kikyo ki nyala kuvalidzwa.

Litanga 15:5

Na ya mu hila kyova, na a mbolera Henza kalunu migulu, u validze tsing'ereng'ani, nu u va nu nyala kutsivalidza: na ya mbolera, Lwivulu lulwo lu la va ndi.

Litanga 17:6

Kandi nda kola ive kwaala ligali, kandi nda ku kola kuva tsihiri, na avami va la twula ku ive.

Litanga 24:60

Na va gasidza Rebeka, ni va mboiera, Mbotso wetu, ive u ve mama wa tsielfu hali tsielfu makumi, kandi kisukululwi kikyo ki gumire kiribwa kya yavo ava va dunyiranga.

Litanga 25:11

Kunangwa inyima welikudza lya Abrahamu, Nyasaye ya gasidza Isaka mwana wewe: na Isaka ya menva ha Beerlahairoi.

Litanga 26:24

Na Yahova ya loleka kuye ubudiku zana, na a mu volera, Inze mbeye Nyasaye wa dada wowo Abrahamu: u ta tia mba, kigira inze mbeye halala nive, na nda ku gasidza, na a nda meda kisukululwi kikyo kigira mutumekiri wange Abrahamu.

Litanga 26:4

kandi nda meda ligali kisukululwi kikyo kuli tsing'ereng'ani tsyomigulu, kandi nda ha kisukululwi kikyo vivala yivi vyosi; na tsihiri tsyosi tsyelirova tsi la gasidzirwa mu kisukululwi kikyo

Litanga 28:3

Kandi Nyasaye Wa Nyala Vyosi a ku gasidze, a ku kole kuva nolwivulu iunyingi, nokukumeda ligali, u duke kuva kiduma kyetsihiri;

Litanga 28:4

kandi a ku he ubugasu bwa Abrahamu, ku ive noku kisukululwi kikyo halala na ive; ive u duke kunyola mivandu gyekivala kya u menyanga mu, kya Nyasaye ya ha Abrahamu.

Litanga 32:12

Kandi ive wa vola, Ligali nda ku kolera malahi, kandi nda kola kisukululwi kikyo kuva kuli umuyeke gwenyanza, gu ta validzwa kigira gu veye munyingi.

Litanga 32:13

Naye ya gona yo ubudiku yibu, kandi ya vugula ku vindu vya ya li navyo vi ve kihaanwa ku Esau amwavo wewe:

2 Samweli 17:11

Navu tswa inze nku hedzanga livola lyange, Israeli vosi va vungidzwe halala ku ive, kutwula Dan kuduka Beersheba, kuli muyeke gu veye ku luginga lwenyanza ku bunyingi bwagwo; kandi ive mwene u tsie mbulwani.

1 Avami 4:20

Yuda na Israeli va veye ava nyingi ligali kuli muyeke gu veye ku luginga lwenyanza ku bunyingi bwavo, va lia ni va nwa na va sangala.

1 Avami 9:26

Na mwami Solomoni ya lomba amato lugano lugano mu Ezion geberi, li veye himbi Elothu, ku luginga lwa Inyanza Inzakanyu, mu kivala kya Edom.

1 Kyetsinyinga 27:23

Navutswa Daudi si ya vika mu livalidzwa lyavo yava ava li na va kikiri kuduka mi higa makumi gaviri, kigira Yahova ya li na a mali kuvola a la meda Israeli kuli tsin'ering'ani tsyomigulu.

2 Kyetsinyinga 1:9

Na kalunu, O Yahova Nyasaye, lisuuviridza lya wa ha dada wange Daudi li dinyeri dzwe; kigira u nyamehidzi ku va ndu vanyingi kuli lugukyi lwelirova.

Nehemia 9:23

Avana vavo wa va meda livalidzwa lyavo kuli tsing'ering'ana tsyomigulu, na wa va leta nokuvavika mu kivala yikyo, kya wa volera avaguga wavo amakuva gakyo, va lingira nokukyameha.

Kutwula 32:13

Widzulitse Abrahamu, na Isaka, na Israeli, avatumekiri vovo, ava wesuhira ku ive mwene, nokuvavolera, Nda kiridza kisukululwi kyenyu kuli tsing'ereng'ani tsyomigulu, na kivala yiki kyosi kya mboye makuva gakyo, nda ha kisukululwi kyenyu, ki la va miyandu gyavo mihiga nemihiga.

Isaya 48:19

lwivulu lulwo nkano lwa ka va kuli muyeke, na vivulwa vyomunda mumwo nkano va ka va kuli tsinzalo tsyomuyeke: lieta lilye nkano si lya twulidzwa imbiri wange.

Jeremia 32:22

na wa va ha kivala yiki, kya wisuhira avaguga vavo kuvaha, kivala ki gangulukanga amaveere nobwuki;

Jeremia 33:22

Kuli amahe gomwigulu ga vula kunyala kuvalidzwa, kinga muyeke gwenyanza gu vula kugerwa; ni ndiyo ndi meda kisukululwi kya Daudi mutumekiri wange, na Avalevi ava tumekira inze.

Hosea 1:10

Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Hosea 2:1

Likuva lya Yahova lya duka ku Hosea mwana wa Beeri, mmadiku ga Uzia, Jotham, Ahazu na Hezekia, avami va Buyuda, nomu madiku ga Jeroboam mwana wa Joashu, mwami wa Israeli.

Mika 1:9

Kigira tsing'oma tsitsye si tsi nyala kuhona; kigira ga duki kali Buyuda; ga duki ku kiribwa kyavandu vange, kali ku Yerusalemi.

Varumi 4:13

Kigira lisuuviridza lya Abrahamu ya hebwa nevisukululwi vivye, a la va u nyola miyandu gyelirova, si lya li kigira lilaga, navutswa kigira ubulungi bwelisuuvira.

Varumi 9:27

Kandi Isaya a kupa lwanga ku Vaisraeli ndi, Hesabu ya vana va Israeli ni i va ni i veye kuli muyeke gwomu inyanza, li veye litigala lyavo li li honnywa:

1 Vakorintho 15:57

navutswa Nyasaye a santidzwe u ku hedzanga liguuta kigira Yesu Kristo Mwami wetu.

Vafeso 1:3

Nyasaye a gasidzwe, kandi niye Dada wo Mwami wetu Yesu Kristo, wa ku gasidza nobugasu bwosi bwa roho obwomigulu mu Kristo:

Kwidzulitsa 1:10

Yahova Nyasaye wenyu a mu kola kuva avanyingi, na, henzi, lero mu veye avanyingi kuli tsing'ereng'ani tsyomigulu.

Kwidzulitsa 1:11

Yahova, Nyasaye wavaguga venyu, a mu kole avanyingi hali elfu kuli mu veye, na a mu gasidze, kuli ya mu laga

Kwidzulitsa 10:22

Avaguga venyu va sulunguta Egepeti avandu makumi gatano na gaviri; na kalunu Yahova Nyasaye wowo u ku koli kuli tsing'ereng'ani tsyomigulu, kiduma kinene.

Kwidzulitsa 13:17

Si ki la handa ku mukono gugwo kindu ku vyosi kya laamwa; Yahova a girunkane kutwula ku ubululu bwobutima bwibwe, a ku vererere, a ku kolere tsimbabasi, na a ku kole kuva avanyingi, kuli yesuhira avaguga vovo;

Kwidzulitsa 13:18

lwa u hulira mwoyo gwa Yahova Nyasaye wowo, nokugumira malago gege gosi ga nku laganga lero, u kole ago bulungi mmoni mwa Yahova Nyasaye wowo.

Kwidzulitsa 21:19

hene yaho dada wewe na mama wewe va mu gumire, nokumuhila ku vakulundu velidala lilye mu kiri bwa kyahango hehe;

Vahebraina 11:12

kigira yaga, vivulwa ku mulala wa li kuli mukudzu, vanyingi va leng'ana netsing'ereng'ani tsyomigulu, kandi kuli muyeke gu veye ku luginga lwenyanza, gu ta valika.

Vahebraina 6:14

na a vola, Ligali ligasidza nda ku gasidza, kandi limeda nda ku meda.

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.