Litanga 22:12 - KITABU KITAKATIFU

¹² Naye ya vola, U ta hila mukono gugwo ku mwana, kandi u ta kola kindu kuye; kigira kalunu mmanya ive u tidzanga Nyasaye, kigira si u nyimi mwana wowo, mwana muderwa wowo.

Litanga 22:12 ပူးပေါင်းရင်းမြစ်များ

Litanga 20:11

Na Abrahamu ya vola, Kigira nda ganagana, Ligali si ha veye na litibwa lya Nyasaye hano; navo va la nziita kigira mukali wange.

Litanga 22:13

Kunangwa Abrahamu ya ginga tsimoni tsitsye, na a lola, na henza, inyima wewe ha veye neligondi likole li gimeywi tsinziga tsyalyo mbulimu: na Abrahamu ya tsia na a vugula ligondi likole, na a li haana kihaanwa kyokusambwa mbugono bwomwana wewe.

Litanga 22:16

na a vola, Ndisuha ku inze mwene, Yahova a vola, kigira u koli inkuva yiyi, kandi si u nyimi mwana wowo, mwana muderwa wowo,

Litanga 22:2

Na ya mu volera U vugule mwana wowo, mwana wowo muderwa, wa u yanza, Isaka, u tsie mu kivala kya Moria; u mu haane yaho a ve kihaanwa kyokusambwa ku kigulu kya nkumannya.

Litanga 26:5

kigira Abrahamu ya hulira mwoyo gwange, nokugumira lyeganehidza lyange, na malago gange, na miima gyange, na malagano gange.

Litanga 42:18

Ku lidiku lya kavaka Yosefa ya va volera, Mu kole ndina na mu ve mwoyo; kigira inze ntia Nyasaye:

Nehemia 5:15

Navutswa avamehi avimira imbiri wange va li avandu va tungangwa, navo va vugula ubukima bwavandu, newaini, halala netsishe keli amakumi gane tsyefetha; yee, kali avatumekiri vavo veyamehidza ku vandu: navutswa inze si nda kola ndiyo mba, kigira nda tia Nyasaye.

Ayubu 1:1

Ya li ho mundu mu kivala kya Uzu, wa langwa Ayubu; mundu uyu ya li mudukiru nomulungi, ya li mulala wa tia Nyasaye, nokwavukana nobudamano.

Ayubu 28:28

Na ya volera mundu makuva yaga, Henza, kutia Yahova, nibwo ubugeeri; Nokutwula ku budamano nilyo limanya.

Ayubu 5:19

A la honnya ive ku vivi vitano na kilala; Yee, kali mu vitano na viviri si ha veye nobudamano kali bulala bunyala kudira ive.

Zaburi 1:6

Kigira Yahova a manya inzira ya avalungi; Navutswa inzira ya avoni i la diva.

Zaburi 111:10

Kutia Yahova ni litanga lyobugeeri; Lihulira lilahi li veye ku vosi ava kolanga malngo gege: Lidzominywa lilye li menyanga mihiga nemihiga.

Zaburi 147:11

Yahova a yanzidzwa mu yavo ava mu tidzanga, Mu yavo ava suuvira tsimbabasi tsitsye.

Zaburi 2:11

Mu tumekire Yahova nobutii Mu sangale nelidegera.

Zaburi 25:12

Ni bwaha mundu uyu u tidzanga Yahova? A la mwegidza inzira ya a li tovola.

Zaburi 25:14

Aga viswa ga Yahova ga veye ga yavo ava mu tidzanga; Naye a la va mannya lilagana lilye.

Kutwula 20:20

Na Musa ya volera avandu, Mu ta tia mba: kigira Nyasaye a duki ku minye kumugeridza, kandi litibwa lilye li ve imbiri wenyu mu vule kukola ubwoni.

Tsing'ano 1:7

Litia Yahova li veye litanga lyelimanya; Navutswa avasiru va lega ubugeeri na lyegidzwa.

Kohelethu 12:13

Kiheri kyenkuva yiyi ni yiki; gosi ga mali kuhulirwa: U tie Nyasaye, u gumire lilaga lilye; kigira miyinzi gyi dukiranga mundu ku budukiru bwibwe ni yigyi.

Jeremia 19:5

navombaki hadiguluku ha Baal, va duke kusamba avana vavo avayai ku muliru va ve vihaanwa vyokusambwa ku Baal; likuva lya nda vula kulaga, kandi lya nda vula kuvola, kandi lya vula kwingira mu mwoyo gwange:

Jeremia 32:40

na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Matayo 16:24

Hene yaho Yesu ya volera avegidzwi veve, Mundu wenya kunonda yigaye mwene, na a vugule musaiaba gwigwe, a nonde.

Matayo 19:29

Ku vosi u leki tsinyumba, kinga avamwavo, kinga avabotso, kinga ise, kinga mama, kinga avana, kinga milimi, kigira lieta lyange, a la nyola vindu hali mia, kandi a la nyola liva mwoyo li ta hera mba.

Matayo 5:16

Na ndiyo mwinye mu mulike imbiri wa vandu; va duke kulola miyinzi gyenyu milahi, vidzominye Dada wenyu womigulu.

Yohana 3:16

Nyasaye ya yanza avomkivala ndi, ya va ha Mwana wewe muderwa, ku vosi u mu suuvira a ta diva mba, navutswa a ve nelivamwoyo li ta hera mba.

Vikolwa 9:31

Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.

Varumi 5:8

Navutswa Nya saye a lang'aminya ubuyanzi bwibwe ku kwinye, kigira lwa kwa li avoni, Kristo ya ku kudzera.

Varumi 8:32

Uyu wa vula ku vererera Mwana wewe weligali, navutswa ya mu haana kigira kwinye kwosi a la vula ndi kukuha vindu vyosi halala naye?

1 Vakorintho 10:13

Si li nyala kugwira mwinye ligeridzwa, lyomundu a ta nyala kwiku dzira ku: navutswa Nyasaye a veye musuuvirifu, u ta nyala kumuleka mu geridzwe kuvita lya mu nyala kwikudzira ku; navutswa halala neligeridzwa a la lomba inzira yokuhona mu duke kullyola tsingulu tsyokwikudzira.

2 Vakorintho 8:12

Kigira ni gu ve ho mwoyo gwete geke gu bugirirangwa kuli kigero kyomundu a veye nakyo, si ga li kuli kigero kya a ta li nakyo mba.

Vahebraina 11:19

a volanga Nyasaye a nyala kusimugukidza kali kumutwulidza mu vakudzu; kandi ya mu nyola kutwula yo mu lifwana.

Vahebraina 12:28

Kigira yaga, ni ku vugula ubwami bu ta nyala kudegeridzwa, ku ve netsimbabasi kutsyo ku duke kukolera Nyasaye, ubutumiki bwa mu yanzidza, nelitibwa nelyegehidza:

Yakobo 2:18

Yee, mundu a la vola, Ive u veye nelisuuvira, na inze mbeye nelikola: mmannya lisuuvira lilyo bugira likola lilyo, na inze nda ku mannya lisuuvira lyange ku likola lyange.

Likunula 19:5

Kandi mwoyo gwa twula ku intebe, ni gu vola, Mwidzominye Nyasaye wetu, mwinye avatugwa veve vosi, na mwinye ava mu tidzanga, avakekeke navanene.

1 Samweli 15:22

Na Samweli ya vola, Yahova a veye neliyanza vihaanwa vyokusambwa nevisyuviriru, kuli a yanza lihulira umwoyo gwa Yahova? Henza, lihulira li veye lilahi kuvita vihaanwa, nelihuliridza li veye lilahi kuvita itinya yamagondi makole.