Litanga 21:20 - KITABU KITAKATIFU

²⁰ Kandi Nyasaye ya li halala nomwana, na a viruka; na a menya mwigendinyama, lwa ya li na a virukanga ya gwa mulasi wembano.

Litanga 21:20 ပူးပေါင်းရင်းမြစ်များ

Litanga 10:9

Ya li wetsingulu kuhima imbiri wa Yahova: kigira yaga ga volwa, Kuli Nimrodi muhimi wetsingulu imbiri wa Yahova.

Litanga 16:12

Naye a la va kuli isukiri yomulitu hagati ha vandu, mukono gwigwe gu la hing'ana na vandu vosi na mukono gwa vandu vosi gu la hing'ana; naye; kandi a la menya imbiri wa vamwavo veve vosi.

Litanga 17:20

Na ku Ishmaeli nku huliye: henza, mmu gasidzi, na nda mu kola kuva nolwaalo lunyingi, kandi nda mu meda ligali; a livula avami likumi na vaviri, na nda mu kola kuva ihiri inene.

Litanga 25:27

Kandi avayai va viruka: na Esau ya li muhimi wobugeeri, mundu womigendanyama; na Yakobo ya li muhokva, wa menya mu mahema.

Litanga 27:3

Kunangwa, mwadza, nkugoonya u vugule vyuma vivyo, imodia yoyo, na ubuta bubwo, u tsie mu bulimu, u nyolere inyama;

Litanga 28:15

Kandi henza, mbeye halala na ive, na nda ku linda hosi ha u tsitsanga, kandi nda ku leta kandi ku kivala yiki; kigira si nda ku leka mba, kuduka nduhe nku kolere gosi ga nda ku volera.

Litanga 39:21

Navutswa Yahova ya li halala na Yosefa, na a mu vera tsimbabasi imbiri womulindi wenyumba yavahambe.

Luka 1:80

Mwana ya viruka na a dasa tsingulu mu mwoyo gwigwe, na a menya mwigendanyama kuduka inyinga yeye yokuloleka ku Israeli.

Luka 2:40

Mwana ya viruka, na a dasa tsingulu, ni yizula ubugeeri: kandi ubuyanzi bwa Nyasaye bwa li kuye.

Vakalagi 6:12

Na ingelosi wa Yahova ya loleka kuye, na a mu volera, Yahova a veye halala nive, ive wetsingulu nobuluviriri.