Litanga 21:17 - KITABU KITAKATIFU

¹⁷ Na Nyasaye ya hulira mwoyo gwomwana; na ingelosi wa Nyasaye ya langa Hagari kutwula migulu na a mu teva U veye naki Hagarii u ta tia; kigira Nyasaye u huliye mwoyo gwomwana ha a veye.

Litanga 21:17 ပူးပေါင်းရင်းမြစ်များ

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

Litanga 16:11

Kandi ingelosi wa Yahova ya mu volera, Henza ive u veye inda, na u livula mwana muyai; na u la mu gulika Ishmaeli, kigira Yahova u huliye lidambidzwa lilyo.

Litanga 16:7

Na ingelosi wa Yahova ya mu nyola himbi nekisenukiru kya amadzi mwigendanyama, himbi kisenukiru kya madzi ku inzira ya Shur.

Litanga 16:8

Naye ya vola, Hagari, mutugwa wa Sarai, u twula haliki? Ka u tsitanga haliki Na ya vola, Nzirukanga kutwula ku munene wange, Sarai.

Litanga 16:9

Na ingelosi wa Yahova ya mu volera, Yirana ku munene wowo, wegehidze mmakono gege.

Litanga 22:11

Na ingelosi wa Yahova ya mu langa kutwula migulu na a vola, Abrahamu, Abrahamu: naye ya bugira yo, Mbeye hano.

Litanga 24:7

Yahova, Nyasaye womigulu, wa ntwulidza mu inyumba ya dada wange, nomu kivala kya ndivulwa mu, wa mbolera, na ya nzisuhira, kuvola, Nda ha kivala yiki ku kisukululwi kikyo; uyu a la tuma ingelosi wewe imbiri wowo, na ive u la vugulira yo mwana wange mukali.

Litanga 26:24

Na Yahova ya loleka kuye ubudiku zana, na a mu volera, Inze mbeye Nyasaye wa dada wowo Abrahamu: u ta tia mba, kigira inze mbeye halala nive, na nda ku gasidza, na a nda meda kisukululwi kikyo kigira mutumekiri wange Abrahamu.

Litanga 46:3

Naye ya vola, Inze mbeye Nyasaye, Nyasaye wa dada wowo: u ta tia kusulunguta Egepeti mba; kigira yeyo nda ku kola kuva ihiri inene:

2 Avami 13:23

Navutswa Yahova ya va vererera, na a yeka kuvo, kigira lilagana lilye lya ya kola na Abra hamu, na Isaka, na Yakobo, na ya vula kuvadividza, kandi si ya va syuva kutwula imbiri wewe inyinga yeyo.

2 Avami 13:4

Jehoahazu ya saala Yahova, na Yahova ya mu hulira; kigira ya lola lidambidzwa lya Israeli, kuli mwami wa Siria ya va dambidza.

Zaburi 10:14

Ive u ga loli; kigira ive u henzanga kivi na kivihiri, kuvitungira nomukono gugwo: Mudedekere wivika mwene ku Ive; Ive u veye mukonyi wa avabisandu.

Zaburi 50:15

Na wanire inze ku lidiku lyekivi: Nda ku honnya, na ive u la nkuminya.

Zaburi 6:8

Twuli ku inze, mwinye vosi ava kola ubudamano; Kigira Yahova u huliye mwoyo gwelilira lyange.

Zaburi 65:2

O ive umuhuliri welisaala, Ku ive mibiri gyosi gyi ladza.

Zaburi 91:15

A lanira inze, na inze nda mu tivulira; Nda va halala naye mu lidambidzwa: Nda mu honnya, nokumwidzominya.

Kutwula 14:13

Na Musa ya volera avandu, Mu ta tia mba, mu singire, na mu lole ubuhonyi bwa Yahova, bwa a li kolera mwinye lero: kigira Avaegepeti va mu lolanga lero, si mu la va lola kandi mihiga nemihiga.

Kutwula 22:23

Nu u va nu u va kupidza kivi mu kindu ku vyosi, navo ni vanira inze kali hakuzu, ligali nda hulira lilira lyavo;

Kutwula 22:27

kigira ingubo i veye kyokwefuma kikye kyeng'ine, i veye ingubo yeye yeligodo lilye: a la gonera ki? Na ga la duka lwa a lanira inze, nda hulira; kigira mbeye netsimbabasi.

Kutwula 3:2

Na ingelosi wa Yahova ya loleka kuye mu lumemo lwomuliru, lwa li hagati ha kasala: naye ya lola, na henza, kasala kaaduka muliru, na kasala ka vula kuhya.

Kutwula 3:7

Na Yahova ya vola, Ligali ndoli ubusaliri bwa avandu vange, ava veye mu Egepeti, na mbuliye lilira lyavo kigira ava va singiriranga; kigira mmanya buvereri bwavo;

Isaya 22:1

Ubuliduhu bwelivona lya malola. U veye na ki kalunu, kuduka wanegiye kutsia ligali ku visegese vyetsinyumba?

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Matayo 15:32

Hene yaho Yesu ya langa avegidzwi veve vadze kuye, na a vola Mbererera kiduma, kigira ki menya ninze kalunu madiku gavaka, va ta li nevyokulia: si nyenya kuvahila ni va ta lia, gase ihuyuki i la va malira ku inzira.

Marko 5:36

Navutswa Yesu, lwa ya hulira likuva lya volwa, ya volera mkulundu welivugana, U ta tia mba, suuvira vutswa.

Kwidzulitsa 26:7

kwa lilira Yahova, Nyasaye wavaguga vetu, Yahova ya hulira mwoyo gwetu, na ya lola busaliri bwetu, nekivi kyetu, nelidambidzwa lyetu;

Vakalagi 18:23

Na va langa avana va Dan. Navo va girunkannya mumoni mwavo, nokuvolera Mika, U veye naki, kigira u ku londerera nekiduma kuli yiki?

1 Samweli 11:5

Na, henza, Saulo yadza a londanga tsing'ombe kutwula mmulimi; na Saulo ya teva, Avandu yavo va veye na ki, kulira ndi? Navo va mu volera amakuva gavandu va Jabesh.