Litanga 20:7 - KITABU KITAKATIFU

⁷ Kunangwa wiranyire mundu mukali wewe; kigira a veye muprofeti, naye a la ku saalira, na ive u la hindira: kandi nu u va nu u vula kumwiranya, u manye ligali u la kudza, ive, na vovo vosi.

Litanga 20:7 ပူးပေါင်းရင်းမြစ်များ

Litanga 12:15

Avandu vanene va Farao va mu lola na va mwidzominya imbiri wa Farao: kunangwa mukali zana ya vugulwa na a vikwa mu inyumba ya Farao.

Litanga 12:17

Na Yahova ya duya Farao na inyumba yeye na maduywa manene kigira Sarai, mukali wa Abram.

Litanga 2:17

navutswa ku musala gwelimanya ubulahi nobudamano, u ta lia kugwo: kigira ku lidiku lya u lia kugwo ligali u la kudza.

Litanga 20:18

Kigira Yahova yigalira tsinda tsyosi tsyavenyumba va Abimeleku kigira Sara, mukali wa Abrahamu.

Litanga 20:3

Navutswa Nyasaye yadza ku Abimeleku mu lilota lyobudiku, na a mu volera, Henza, u veye mukudzu, kigira mukali uyu wa u vuguyea veye mukali womundu.

Litanga 20:8

Na Abimeleku ya vuka mabwebwe, na a langa avatumekiri veve vosi, na a vola makuva gaga mmato gavo: navandu yava va tia ligali.

Litanga 23:6

U ku hulire, mwami wange; ive u veye munene wa Nyasaye hagati hetu: mu vilindwa vyetu ki veye kitovole u te mu mukudzu wowo; si ha veye nomundu ku kwinye u nyala kukugaya ku kilindwa kikye, u duke kuta mu mukudzu wowo.

2 Samweli 24:17

Na Daudi, lwa ya lola ingelosi ya dividzanga avandu, ya volera Yahova, na a vola, Henza ni inze wa kola ubwoni, na nkoli ubukyamu; na vutswa magondi yaga, ga koli ki? Mwadza, mukono gugwo gu veye ku inze, noku inyumba ya dada wange.

1 Avami 13:6

Na mwami ya tivula na a volera mundu wa Nyasaye, Kalunu u goonye Yahova Nyasaye wowo, u saalire inze, nduke kwiranyirwa mukono gwange kandi. Na mundu wa Nyasaye ya goonya Yahova, na mukono gwomwami gwi ranywa kandi, ni gu va kuli gwa li ku matsyambiri.

2 Avami 5:11

Navutswa Naaman ya vihirirwa, na a tsia, na a vola, Henza, inze nda ganagana, ligali a ladza ku inze kyova, noku singira, nokwanira lieta lya Yahova Nyasaye wewe, nokuvitidza mukono gwigwe ha bulwaye, nokuhonnya wobugere.

1 Kyetsinyinga 16:22

Na a vola, Mu ta dira mukono ku vavake vange, Kandi mu ta kupidza avaprofeti vange kivi.

2 Kyetsinyinga 30:18

Kigira ubunyingi bwavandu, kali va Efiraim avanyingi na va Manase, na va Isakari na va Zebuloni, va kikiri kwetakasa, navutswa va lia lipasaka ku lugano lundi, si ga li kuli ga ng'odwa mba. Kigira Hezekia ya va saavira na a vola, Yahova mulahi, u va samehe sa mulala

Ayubu 34:19

Nasindi uyu u vulanga kwelidza myoyo gyavanene, Kinga kuhenza avatugi kuvita avadaka; Kigira yava vosi va veye miyinzigyamakono gege.

Ayubu 42:8

Kunangwa kalunu, mu vugule tsing'ombe tsitano na tsiviri, namagondi makole gatano na gaviri, mu tsie navyo ku mutumekiri wange Ayubu, mu haane vi ve vyemyoyo gyenyu kihaanwa kyokusambwa; na mutumekiri wange Ayubu a la mu saalira; kigira nda bugirira uyu, mbule kukolera mwinye kuli ubusiru bwenyu; kigira si mwa vola ku inze makuva gobulungi kuli mutumekiri wange Ayubu ya vola.

Zaburi 25:14

Aga viswa ga Yahova ga veye ga yavo ava mu tidzanga; Naye a la va mannya lilagana lilye.

Kutwula 18:17

Na navizala wa Musa ya mu volera, Inkuva ya u kola si i veye indahi mba.

Kutwula 4:16

Na uyu a la va umolomi wowo ku avandu; kunangwa, uyu a la va ku ive kuli munwa, na ive u la va kuye kuli Nyasaye.

Kutwula 7:1

Na Yahova ya volera Musa, Henza, nkoli ive kuva kuli Nyasaye ku Farao; na Haruni amwavo wowo a la va muprofeti wowo.

Jeremia 14:11

Kandi Yahova ya mbolera, U ta saalira avandu yava ubulahi bwavo mba.

Jeremia 15:1

Hene yaho Yahova ya mbolera; Kali Musa na Samweli ni va singira imbiri wange, mwoyo gwange si gwa ka va gu yeke ku avandu yava mba: u va te va twule imbiri wetsimoni tsyange, va tsie.

Jeremia 27:18

Navutswa ni i va va veye vaprofeti, kandi ni i va likuva lya Yahova li veye halala navo, va saale Yahova wa mahe kalunu, viju zana vi tigala mu inyumba ya Yahova, ni vi veye mu inyumba yomwami wa Yuda, nomu Yerusalemi, vi vule kutsia Babuloni.

Ezekieli 3:18

Lwa inze mbolera mudamano, ligali u la kudza; na ive nu u vula kumugerehidza kinga nu u ta vola likuva lyokugerehidza mudamano kuleka inzira yeye indamano, a duke kuhonnya liva mwoyo lilye; uyu mudamano a la kudzira mu budamano bwibwe; navutswa masahi gege nda ga vanza mmukono gugwo.

Ezekieli 33:8

Lwa mbolera mu damano, O mundu mudamano, ligali u la kudza, na ive nu u va nu u ta vola kugerehidza mudamano zana kutwula ku inzira yeye; mundu mudamano uyu a la kudzira mbudamano bwibwe, navutswa masahi gege nda ga vanza ku mukono gugwo.

Kyavalevi 6:4

hene yaho ga la va, na a kola ubwoni nokunyola lihyolo, a lirannya lya ya nyola ku linuula kinga kindu kya ya nyaga netsingulu kinga kyokulindwa kya vikwa kuye, kinga kya gota kya ya dola,

Kyavalevi 6:7

na musalisi a la lombera uyu kyokukunika ubwoni imbiri wa Yahova; naye a la samefwa ku vyosi vya ya kola, kuduka kuva welihyolo.

Vikolwa 8:24

Simoni ya tivula na a vola, Mu nsaalire mwinye ku Mwami, vindu yi vi vya mu vola vi ta duka ku inze.

1 Vakorintho 14:4

Uyu u vola nga nolulimi yeyombakiranga mwene; navutswa uyu u profetanga yombakanga livugana.

Vahebraina 1:1

Nyasaye, wa volera avaguga, tsinyinga tsya kale, ku tsinzira tsing'ano netsing'ano, ne minwa gyavaprofeti;

Vahebraina 13:4

Lisererana li veye nelidzominywa ku vosi, nobugono bu ta va nobudamano: kigira ava tsia mbakana navaheyi Nyasaye a la va kalagira.

1 Yohana 5:16

Mundu na a lola amwavo wewe na a kola ubwoni bu ta li bwelikudza, a la saala, na Nyasaye a la mu heera livamwoyo kigira yava ava kola ubwoni bu ta li bwelikudza. Ubwoni bu veyo bwelikudza: si mbola a saale kubwo.

1 Samweli 12:19

Navandu vosi va volera Samweli, U saalire kwinye avatumekiri vovo ku Yahova Nyasaye wowo, ku vule kukudza; kigira ku medi ku bwoni bwetu bwosi, ubudamano yibu, bwokweyenyera kwinye avane, umwami.

1 Samweli 12:23

Halala na yaga, ga ta va ku inze kukolera Yahova ubwoni ku lileka kusaalira mwinye: navutswa nda mwegidza mu inzira indahi nenungi.

1 Samweli 7:5

Na Samweli ya vola, Israeli vosi va vugane halala ha Mizipa, na inze nda saalira mwinye ku Yahova.

1 Samweli 7:8

Navana va Israeli va volera Samweli, U ta leka kwanira Yahova Nyasaye wetu kigira kwinye, a duke kukuhonnya ku makono ga Vafilisiti.