Litanga 20:5 - KITABU KITAKATIFU

⁵ Mwene si ya mbolera, A veye mbotso wange? Naye kali mukali mwene ya vola, A veye mbotso wange: nda kola yaga mu bulungi bwomwoyo gwange nombunifu bwamakono gange.

Litanga 20:5 ပူးပေါင်းရင်းမြစ်များ

Litanga 12:13

Mwadza, u vole, u veye mbotso wange; nyole ubulahi kigira ive, na nda va mwoyo kigira ive.

Litanga 20:13

na ga duka, lwa Nyasaye ya nkola mugendagendi kutwula mu inyumba ya dada wange, nda volera mukali wange, Yitsi ni tsimbabasi tsya u li nkolera: hosi ha ku li duka, u vole, A veye mbotso wange.

Litanga 20:16

Na ya volera Sara, Henza, mmali kuha mbotso wowo, vidonye elfu vyefetha: henza, i veye ku ive kyokufuma tsimoni ku vosi ava veye halala nive; na imbiri wa vandu vosi ive u hebeywi ubulungi bwubwo.

1 Avami 9:4

Kandi ku ive mwene, nu u va nu u genda imbiri wange, kuli dada wowo Daudi ya genda, na geligali gomwoyo, nombulungi, kukola kuli gosi aga nda ku laga, nokugumira amalago gange nemiima gyange;

2 Avami 20:3

O Yahova, nku saala ligali, mwadza, Widzulitsa kalunu kuli nda genda imbiri wowo mu geligali nomwoyo mudukiru, nokukola amalahi mu tsimoni tsitsyo. Hezekia ya lira ligali.

1 Kyetsinyinga 29:17

Inze manya, O Nyasaye wange, ive u geridzanag mwoyo yigwo, na u sangaliranga ubulungi. Na mze, kigira bulungi bwomwoyo gwange mali kuhaana vindu yivi vyosi nomwoyo gwobulaliri: na kalunu ndoli nobusangali avandu vovo, ava veye hano, navo va haananga ku ive nomwoyo gwobulaliri.

Ayubu 33:9

Mbeye musiyeku, si mbeye na mahyola mba; Si mbeye nekindu, kandi si ha veye nobudamano mu inze:

Zaburi 24:4

Ni uyu u veye na makono malavu, na umwoyo mutakatifu; Kandi u vuli kuginga mwoyo gwigwe ku bubehi Kandi u vuli kwisuha nobugadi.

Zaburi 25:21

Ubudukiru na ubulungi bu ndende, Kigira nindirira ive.

Zaburi 26:6

Ndisaava makono gange mu liva bugira kindu ku inze: Na ndiyo nda vodonkana ubwali bubwo, O Yahova;

Zaburi 7:8

Yahova a la kalagira avandu: U nkalagire, O Yahova, kuli bulungi bwange, na kuli ubudukanu bu veye ku inze.

Zaburi 7:9

Ubudamano bwa avadamano bu heridzwe, navutswa u dinyeridze avalungi: Kigira Nyasaye mulungi a geridza tsiganagani na myoyo.

Zaburi 73:13

Ligali ni kyavutswa nzeyogidzi mwoyo gwange Nokwisava makono gange mu bunifu:

Zaburi 78:72

Kunangwa ya li mwayi kuli ubu dukiru bwomwoyo gwigwe, Na a vimirira nobusidza bwamakono gege.

Tsing'ano 11:3

Ubudukiru bwa avobulungi bu la vimirira; Navutswa ubukyamu bwa avetsimbemba bu la va dividza.

Tsing'ano 20:7

Mundu wobulungi u gendanga mu bulungi bwibwe, Avana veve va gasidzeywi inyima wewe.

Danyeli 6:22

Nyasaye wange u tumi ingelosi wewe, u hani minwa gyeving'ang'a, na vi vuli kundira; kigira ndolekanga imbiri wewe bugira kindu; kandi imbiri wowo, O mwami, si nzoni kindu kali kilala.

2 Vakorintho 1:12

Kigira lidzominya lyetu ni yaga, ni li lolekidza lyemyoyo gyetu, kwa menya mu lirova, kandi imbiri wenyu kuvita ligali, mu butakatifu nomu ageligali ga Nyasaye, si ga li mu lidzominywa lyomubiri, navutswa ga veye mu tsimbabasi tsya Nyasaye.

1 Vatesalonike 2:10

Mwinye mu veye avalolekidzi, kandi Nyasaye, kuli wa kwa li nolugendo lwobutakatifu nobulungi, bugira kindu ku kwinye imbiri wenyu mwinye avasuuviri:

1 Timoteo 1:13

kali ni nda li munyegi matsyambiri, nomudambidzi, nomukoli wobudamano: navutswa nda nyola tsimbabasi, kigira nda vi kola ni nta manya mu livula kusuuvira

Joshua 22:22

Yahova, Nyasaye, Wanyala Vyosi, Yahova, Nyasaye, Wanyala Vyosi, niye u manya; na Israeli a la manya: ni ga va ni ga veye mu butingu, kinga ni ga va ni ga veye mu lihyolo ku Yahova (u ta ku honnya lero),