Litanga 2:25 - KITABU KITAKATIFU

²⁵ Navo vombi va li kyahonyo, musatsa nomukali wewe, na si va li netsisoni.

Litanga 2:25 ပူးပေါင်းရင်းမြစ်များ

Litanga 3:7

Nonoho tsimoni tsyavo vombi tsya kunuka, navo va manya va veye kyahonyo; na va nava amatu gemisala gamakuyu, na velombera avene tsingubo.

Zaburi 25:3

Yee, ava lindiriranga ive si va la va netsisoni, kali mulala: Yavo ava kolanga ubugadi bugira kivune va la va netsisoni.

Zaburi 31:17

O Yahova, u ta ndeka kugumirwa netsisoni; kigira nkwaniye: U leke avadamano kugumirwa netsisoni, va kiring'ane mu Kihadisi.

Kutwula 32:25

Kunangwa lwa Musa ya lola avandu vebaaye, (kigira Haruni ya vebaalidza va duke kulegannywa hagati ha vasigu vavo,)

Isaya 44:9

Yavo va lomba kifwananyi kyokuvadzwa va veye vutswa vosi; na vindu vya va yanzidzanga si vi la va konya kindu; na valoli vavo avene si va lolanga mba, kandi si va manya: va duke kuva isoni.

Isaya 47:3

Kyahonyo kyikyo ki la lang'aminywa, yee, tsisoni tsitsyo tsi la loleka: ndevanzira kisalya, si nda bugirira mundu kali mulala.

Isaya 54:4

U ta tia mba; kigira si u la va isoni mba: kandi u ta genya mba; kigira si u la leganywa mba; kigira u livirira tsisoni tsyobwana buke bubwo, na manyego gobukunzakali bubwo si u la gidzulira mba.

Jeremia 17:13

O Yahova, ive kisuuviri kya Israeli, vosi ava lekanga ive va la va isoni. Yavo ava twula ku inze va la ng'odwa mu lirova, kigira va leka Yahova, u veye kisenukiru kyamadzi gelivamwoyo.

Jeremia 6:15

Va lola tsisoni lwa va kola kivihiri? Auwa, si va lola tsisoni kali hakuzu, kandi si va nyala kuva isoni; kunangwa kigira yaga va la gwa mu yavo ava gwidzanga; lwa ndi duka kuvo va la tuulwa hasi, Yahova a vola.

Ezekieli 16:61

Hene yaho u lidzulitsa tsinzira tsitsyo, na u la va isoni, lwa u bugi rira avamwavo vovo, avanene na vake; na nda va ha ku ive va ve avakana vovo, navutswa si ga veye ku lilagana lilyo.

Joeli 2:26

Na mu la lia vinyingi, na mu liguta, na mu lidzominya lieta lya Yahova Nyasaye wenyu, uyu wa mu kolera makuva gokugenya; na avandu vange va la vula kuva netsisoni mihiga nemihiga.

Marko 8:38

Ku vosi u vera inze tsisoni namakuva gange mu likula lyobuheyi yili nelyobwoni; Mwana wa Adamu a la mu vera tsisoni, lwa a li duka nobu kumi bwa Ise wewe netsingelosi.

Luka 9:26

Kigira ku vosi u li mbera tsisoni na makuva gange, naye Mwana wa Adamu a la mu vera tsisoni lwa a lidza mu bukumi bwibwe mwene, nobwa Dada wewe, nobwe tsingelosi avatakatifu.

Varumi 10:11

Kigira ma ng'oda ga vola, Ku vosi u mu suuvira si a li va soni.