Litanga 2:1 - KITABU KITAKATIFU

¹ Na ligulu nelirova vya mala kulombwa, nelihe lyavyo lyosi.

Litanga 2:1 ပူးပေါင်းရင်းမြစ်များ

Litanga 1:1

Mu litanga Nyasaye ya lomba migulu nelirova.

Litanga 1:10

Na Nyasaye ya gulika ahumu Lirova na livungwa lyamadzi ya gulika Tsinyanza: na Nyasaye ya lola nobulahi.

Litanga 2:4

Yivi ni visukululwi vyeligulu na vyelirova ku lidiku lya Yahova Nyasaye ya lomba lirova ne ligulu.

2 Avami 19:15

Na Hezekia ya saala Yahova, na a vola, O Yahova, Nyasaye wa Israeli, ive wikalanga igulu wa vakerubi, ive u veye Nyasaye, ive weng'ine, wobwami bwosi bwelirova; na ive wa lomba ligulu nelirova.

2 Kyetsinyinga 2:12

Huram ya meda kuvola, A gasidzwe Yahova, Nyasaye wa Israeli, wa lomba ligulu nelirova, wa ha mwami Daudi mwana wobu geeri, u manyanga kutumekira ubu geeri nelimanya, a duke kwombakira Yahova inyumba, nenyumba yo bwami bwibwe.

Nehemia 9:6

Ive u veye Yahova, ive weng'ine; ive wa lomba ligulu, ligulu lyemigulu, halala nelihe lyalyo lyosi, lirova yili nevindu vyosi vi veye kulyo, tsinyanza nevindu vyosi vi veye mutsyo na ive u vi lindanga vyosi; nelihe lyomigulu li sigamiranga ive.

Ayubu 12:9

Ni bwaha u ta manya mu vindu yivi vyosi, Gu veye mukono gwa Yahova gu lombi yaga,

Zaburi 104:2

Wivikanga ubulavu kuli ingubo; U vambulanga ligulu kuli ingubo yokukinga;

Zaburi 146:6

Uyu wa lomba liguhl na lirova, Inyanza, na vyosi vi veye muyo; Uyu u lindanga ageligali mihiga nemihiga;

Zaburi 33:6

Ligulu lya lombwa nelikuva lya Yahova, Na lihe lyalyo lyosi lya lombwa nomwika gwomunwa gwigwe.

Zaburi 33:9

Kigira ya vola, ma ga kolwa; Ya laga, na lya singiridzwa.

Kutwula 20:11

kigira mu madiku gatano na lilala, Yahova ya lomba ligulu na lirova, na inyanza, na vyosi vi veye muvyo, na a sosa ku lidiku lya gatano na gaviri: kigira yaga Yahova ya gasidza lisabato, na a li takasa.

Kutwula 31:17

Li veye lilolekidza hagati hange na avana va Israeli lyemihiga nemihiga: kigira mmadiku gatano na lilala Yahova ya lomba ligulu na lirova, na ku lidiku lya gatano na gaviri yelemeridza nokusosa.

Isaya 34:4

Na lihe lyosi lyomigulu li la livuluka, ne ligulu li la lingwa halala kuli lilingwa lyetsikaratasi; na lihe lyavo lyosi li la niala, kuli litu li nialanga kutwula ku muzabibu, na kuli litu li nialanga ku mukuyu

Isaya 42:5

Nyasaye Yahova a vola, uyu wa lomba ligulu, nokulivagala; uyu wa vambula lirova na vyosi vi twulanga mulyo; uyu u haananga mwika ku avandu vosi va veye kulyo, nokuhaana roho kuvo ava gendanga kulyo:

Isaya 45:12

Nda lomba lirova, nokulomba mundu kulyo: inze, yee, makono gange gaali ligulu; namahe galyo gosi ndagi.

Isaya 45:18

Kigira Yahova wa lomba ligulu Nyasaye, wa longa lirova nokulikola wa li dinyeridza, ya li lomba li vule kuva lyere, ya li longa avandu va menye ku: uyu a vola ndi, Inze mbeye Yahova; si ha veye nowundi.

Isaya 48:13

Yee, mukono gwange gu temi umuse gwelirova, kandi mukono gwange mulungi gu vagaye mwigulu: lwa mbi langa, vi singira halala.

Isaya 55:9

Kigira kuli ligulu li veye igulu ligali kuvita kivala, ni ndiyo tsinzira tsyange tsi veye igulu kuvita tsinzira tsyenyu, netsi ganagani tsyange kuvita tsiganagani tsyenyu.

Isaya 65:17

Kigira, henza, nombanga ligulu lihya nelirova lihya; nevindu vya kale vi la vula kwidzulitswa, kandi si vi lingira mu myoyo mba.

Jeremia 10:12

Uyu ya lomba kivala nobunyali bwibwe, ya dinyeridza lirova nobugeeri bwibwe, na ya vambula ligulu nelimanya lilye.

Jeremia 10:16

Kidieli kya Yakobo si ki veye kuli yivi: kigira a veye mulombi wevindu vyosi na Israeli a veye ihiri yemiyandu gyigye: Yahova wa mahe ni lieta lilye.

Jeremia 8:2

na va la vi vagala ku mbasu noku bwomweli, noku lihe lyosi iyomigulu, avanyasaye va va li ni va yanza, nokuvatumekira, nokuvalonda, nokuvenya, nokuvasi gamira: vi la vula kuvungidzwa, kandi vi la vula kutebwa, vi la va isina mmoni mwekivala.

Zekaria 12:1

Yibu nobuliduhu bwelikuva lya Yahova ku Israeli. Yahova a vola, uyu u vambula lugulu, uyu u temanga mise gyelirova, nokulomba umwoyo gwomundu muye:

Luka 2:13

Nonoho ndi va li ho halala nengelosi kiduma kyelihe lya igulu, vidzominya Nyasaye, ni va vola.

Vikolwa 4:24

Navo lwa va mala kuhulira yaga, va gingira Nyasaye myoyo gyavo halala, ni va vola, O Mwami, wa lomba ligulu, nelirova, nenyanza, nevindu vyosi vi veye mu:

Vikolwa 7:42

Navutswa Nyasaye ya girunkana na a va leka va tumekire lihe lyomigulu; kuli ga ng'odwa mu kitabu kyavaprofeti Mwa ndetera tsinyama tsinziite netsisadaka Imihiga makumi gane mu kyangalangwi, mwinye venyumba ya Israeli?

Kwidzulitsa 17:3

na a tsia kutumekira avanyasaye vandi, nokuvasigamira, kinga liuva, kinga mweli, kinoa vi veye mu lihe lyomigulu, vya inze nda vula kulaga,

Kwidzulitsa 4:19

kandi gase u la ginga tsimoni tsitsyo migulu, na inyinga u lola liuva nomweli netsing'ereng'ani, kali lihe lyosi lyomigulu u la gotidzwa na u la vi sigamira, nokuvitumekira, yivi vya Yahova Nyasaye wowo ya gavanya ku tsihiri tsyosi tsi veye isi weligulu lyosi.

Vahebraina 4:3

Kigira kwinye ava ku mali kusuuvira kwingiye mu bwelemeridzi zana; kuli wa ya vola Kuli ndisuha mu livihirirwa lyange, Si va lingira mu bwelemeridzi bwange: kali miyinzi gya twekidzwa kutwula lwa lirova lya lombwa muse.