Litanga 19:24 - KITABU KITAKATIFU

²⁴ Kunangwa Yahova ya kupidza ku Sodoma na Gomora kibiridi na muliru kutwula ku Yahova migulu;

Litanga 19:24 ပူးပေါင်းရင်းမြစ်များ

Litanga 13:10

Kunangwa Loti ya ginga tsimoni tsitsye, na a henza kivala kyosi kya Yordani, kya li kikindu ligali tsimbega tsyosi kuli mulimi gwa Yahova, na kuli kivala kya Egepeti lwa u tsia Zoaru, Yahova ya li na a kikiri kudividza Sodoma na Gomora.

Litanga 13:12

Abram ya menya mu kivala kya Kanani, na Loti ya menya mu madala ge kivala kye kereremu, na sunda lihema lilye kuduka Sodoma.

Litanga 18:17

Na Yahova ya vola, Mbise ku Abrahamu kya nkolanga?

Litanga 19:23

Liuva lya tonga ku lirova lwa Loti yingira Zoaru.

Ayubu 1:16

Uyu lwa ya li na a ki vola, wundi ya twulira, na a vola, Muliru gwa Nyasaye gwaguluki ku twula mwigulu, nokusamba amagondi navatumekiri, nokuvadividza; inze tsyeng'ine mboni, kukuletera amakuva.

Ayubu 18:15

Yikyo ki ta veye kikye ki la menya mu lihema lilye: Kibiridi ki la tsukwa ku bumenyo bwibwe.

Zaburi 11:6

Ku vadamano a la vikidzira mitego; Muliru, na kibiridi, na kihudzudzi kyomuliru ki sambanga vi la va kidieli mu kikombe kyavo.

Kutwula 9:23

Na Musa ya nyira impimbo yeye kuhenzidza igulu: na Yahova ya leta lihirigana nembula ya magina, na muliru gwika ku lirova na Yahova ya kupidza imbula ya magina ku kivala kya Egepeti.

Isaya 1:9

Yahova wa mahe ni i va a vula kukulekera litigala likekeke ligali, nkano kwa ka va kuli Sodoma, nokufwanana na Gomora.

Isaya 13:19

Na Babuloni, ubukumi bwobwami, ubulahi bwoluyai lwa Vakalidei, bu la va kuli Sodoma na Gomora lwa Nyasaye ya va dividza.

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Jeremia 20:16

Mundu uyu a ve kuli amadala ga Yahova ya tung'aminya, na a vula kweganira: a hulire lilira mugamba, neliyoga lyekivihiri mbasu hagat;;

Jeremia 23:14

Ku vaprofeti va Yerusalemi ndoli kandi kindu kyokumbihiriridza: va kola ubuheyi, nokugenda mu bubehi; nokuvika tsingulu mmakono ga yavo ava kola bmlamano, kmluka si ha veye nomundu wirana nokuleka ubudamano bwibwe: vosi va gwiye kuli Sodoma ku inze, na va menya mulyo va gwive kuli Gomora.

Jeremia 49:18

Kuli ga li mu litung'aminywa lya Sodom na Gomora namadala ga li himbi nago, Yahova a vola, si ha veye nomundu u menya yo, kandi si ha veye nomwana womundu kali mulala u menya mulyo mugeni.

Jeremia 50:40

Ku li ga li lwa Nyasaye ya tung'a minya Sodoma na Gomora na madala aga li ahimbi nago, Yahova a vola; ni ndiyo si ha veye nomundu u rnenya yo, kinga mwana womundu u menya y o mugeni.

Lisyoma lya Jeremia 4:6

Ubudamano bwomukana wa ava ndu vange bu veye bunene kuvita ubwoni bwa Sodoma. Lya tung'aminywa kuli mu idagika indala, si ha veye nomukono gu vikwa kuye.

Hosea 11:8

Inze nyala ndi kukuleka, Efiraim? Nyala ndi kukuta, Israeli? Nyala ndi kukukola kuli Adima? Nyala ndi ku kuvika u ve kuli Zeboim? Mwoyo gwange gu girunkanywa mu inze, tsimbabasi tsyange tsyaaki halala.

Amosi 4:11

Avalala ku mwinye nda va tung'aminya, kuli lwa Nyasaye ya tung'aminya Sodoma na Gomora, na mwa duka kuva kuli isese ya vugulwa kutwulidzwa mmuliru gwaakanga: navutswa si mu galuki ku inze, Yahova a vola.

Zefania 2:9

Kunangwa kuli inze mbeye mwoyo, Yahova wa mahe a vola Nyasaye wa Israeli, Ligali Moabu a la va kuli Sodoma, navana va Amon va la va kuli Gomora, ha la va miyandu gyelitambadza, nobogo bwo munyu, na hatswa kazozo: navandu vange va eigala va la va lanya, na va tigala ve ihiri yange va la va nyola kuva miyandu.

Luka 10:12

Mmu volera, Bulahi bwa Sodoma ku lidiku yilyo bu la vita bwelidala yilyo.

Kwidzulitsa 28:24

Yahova a la kola imbula yekivala kikyo i gwe kuli ubusie nolugukyi: vi la duka ku ive kutwula migulu, u luhe u dive.

Kwidzulitsa 29:22

Nelikula li la duka, avana venyu va li vuka inyima wenyu, nomugeni u li duka kutwula mu kivala kyehale, va la vola, lwa va lola maduya lyekivala yikyo, nobulwaye bwa Yahova ya ki kola kulwala;

Kwidzulitsa 29:23

na kuli kivala kyosi ki veye kibiridi, nomunyu, nalisamba, ki vule kutagangwa, kinga kwama, kinga ubulimu bu meranga mu mba, kuli li tung'aminywa lya Sodoma na Gomora, Adima na Zeboim, ga Yahova ya tung'aminya nobutima bwibwe, nelivihirirwa lilye

2 Petro 2:6

Na ya girunkannya madala ga Sodoma na Gomora ga gwe ligoke, ya ga kalagira ubudivi bwelitung'aminywa, na a ga kola kilolekidzu kuvo va li menya nelivula kutia Nyasaye;

Yudasi 1:7

Kuli Sodoma na Gomora, namadala yago ga li ahimbi nago, lwa va mali kwivika mu litsia mbakana, nokulonda mibiri gyindi, kufwana yago, aga vikeywi habulavu ga ve kyokuhenzera ku mu busaliri bwomuliru bwemihiga nemihiga.

Likunula 14:10

uyu kandi a la nwa iwaini yobutima bwa Nyasaye, obwetegeki bugira kutsukanywa mu kikombe kyobutima bwibwe; kandi a la saliridzwa nomuliru nekibiridi imbiri wetsingelosi avatakatifu, kandi imbiri wo Mwana Weligondi: