Litanga 19:14 - KITABU KITAKATIFU

¹⁴ Kunangwa Loti ya twula na a volera navizala veve, ava kwa avakana veve, na a vola, Mu vuke, mu twule hano; kigira Yahova a la dividza lidala yili. Navutswa ku navizala veve ya li kuli mundu u kolanga kihenyahenye.

Litanga 19:14 ပူးပေါင်းရင်းမြစ်များ

Litanga 19:15

Na lwa bwakya, tsingelosi va vukidza Loti, ni va vola, Vuka, u vugule mukali wowo, na avakana vovo ava veye hano, gase u la divira mu kivi kyelidala.

Litanga 19:17

Kunangwa, lwa va va vika kyova, va va volera, U honnye livamwoyo lilyo; u ta henza inyima wowo, kandi u ta singira mu kivala kya Kereremu; wirukire mu kigulu, gase u la diva.

Litanga 19:22

Kola bwangu, wirukire yo; kigira si nnyala kukola kindu kuduka lwa u veye yo. Kunangwa lieta lyelidala lya langwa Zoaru.

2 Kyetsinyinga 30:10

Ma vetsibaruwa va vita mu lidala nomu lidala hagati he vivala vya Efiraim na Manase, kuduka Zebuloni: navutswa va va seka no kuvatindira.

2 Kyetsinyinga 36:16

navutswa va tindira avatumwa va Nyasaye, na va lega makuva gege, na va kolera vaprofeti veve kihenyihenyi, kuduka ubutima bwa Yahova bwa vuka ku avandu veve, kuduka ha vula kuva nekyoku honnya.

Kutwula 12:31

Naye ya langa Musa na Haruni mu budiku, na a vola, Mu vuke, mu twule hagati ha vandu vange, mwinye na avana va Israeli; mu tsie kutumekira Yahova kuli mu voye.

Kutwula 9:21

na uyu wa vula kuhulira likuva lya Yahova ya leka avatugwa veve nemitugu gyigye mu mulimi.

Tsing'ano 29:1

Uyu weligondokirwa linyingi naa dinyeridza ligoti lilye A lononnywa nonoho na si ba veye nobuhonnyi.

Isaya 28:22

Kunangwa kalunu mu ta va avalegi, gase viboheru vyenyu vi la vikwa tsingulu; kigira mbuliye makuva geli dividza ku lirova lyos ga twulanga ku Yahova, Yahova wa mahe.

Jeremia 20:7

O Yahova, wa ng'oonya, na inze nda goonyeka; ive u veye netsingulu kuvita inze, na u guuti: inze nda gwa kihenyahenye mbasu bei, sa mulala ya nkolerakihenyahenye.

Jeremia 43:1

Na ga duka, lwa Jeremia ya mala kuvolera avandu yavo vosi makuva gosi ga Yahova Nyasaye wavo, aga Yahova Nyasaye wavo ya mu tuma kuvavolera, nago ga veye amakuva yaga gosi,

Jeremia 43:2

hene yaho Azaria mwana wa Hoshaia, na Johanan mwana wa Karea, navandu vosi avoluyai, va vola, ni va volera Jeremia, Ive u volanga bubehi: Yahova Nyasaye wetu si a ku tumi kuvola, Mwinye mu ta tsia Egepeti kumenya yo;

Jeremia 51:6

Mwiruke kutwula hagati ha Babu loni, sa mulala yehonnye mwene; mu ta dividzirwa mu bwoni bwibwe: kigira i veye inyinga yelivanza kisalya kya Yahova; a la mu tunga litungwa.

Ezekieli 20:49

Hene yaho nda vola O Mwami Nyasaye va la vola ku inze, Uyu si a veye wa kupa tsing'ano?

Livalidza 16:21

Mweyahule mu twule hagati helivugana yili, nduke kulidividza ku idakika indala.

Livalidza 16:26

Na ya volera livugana, na a vola, Ng'oonya mwinye, mwadza, mu twule ku mahema ga avandu avadamano yava, na mu ta dira kindu kyavo kali kilala, gase mu la dividzirwa mu ubwoni bwavo bwosi.

Livalidza 16:45

Mu twule mu livugana, yili nduke kulidividza ku idakika indala. Navo va gwa mammama.

Matayo 1:18

Livulwa lya Yesu Kristo lya li ndi. Mama wewe, Iwa Yosefa ya mala kumkwa, navutswa inyinga va kikiri kuva halala ya nyolwa na a ve inda ya Roho Mtakatifu.

Matayo 9:24

ya vola, Mwisunde: ki gira mkana si a kudzi mba navutswa a gona. Navo va mseka ni va mkolera kihenyahenye.

Luka 24:11

Kandi amakuva yaga ga li kuvo kuli tsimbaka; kandi va vula kugasuuvira.

Luka 9:42

Na a ki tsia, lya mu tula hasi, lidemone, ni li mu tandula ligali. Navutswa Yesu ya gaya roho mudamano, na a honnya muyai, na a mu ha ise.

Vikolwa 17:32

Lwa va hulira lisimuguka lyavakudzi, avalala va mu henyahenya; navutswa avandi va vola, Ku la ku hulira ku yaga lidiku lindi.

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.