Litanga 18:25 - KITABU KITAKATIFU

²⁵ Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

Litanga 18:25 ပူးပေါင်းရင်းမြစ်များ

Litanga 18:24

Ni i va va nyoleka avalungi makumi gatano mu lidala: u la li dividza naho u la li vera tsimbabasi kigira avalungi amakumi gatano va veye mu?

1 Kyetsinyinga 16:33

Hene yaho misala gyommilitu gyi la sangala imbiri wa Yahova; Kigira yadzanga kukalagira lirova.

2 Kyetsinyinga 19:7

Kunangwa, kalunu, litibwa lya Yahova li ve ku mwinye; mwelinde mu kole: kigira ku Yahova Nyasaye wetu, si ha veye nobuda mano, kinga kuhenza amagondo, kinga kuvugula vikukula.

Nehemia 9:33

Navutswa ive u veye wobulungi mu yaga gosi aga gwira kwi nye; kigira wa kola ageligali, navu tswa kwinye kwa kola agobudamano;

Ayubu 34:10

Kigira yaga mu hulire inze, mwinye avandu velimanya: Li ve ihale ku Nyasaye likola ubukyamu Noku Wanyala Vyosi, likola ubudamano.

Ayubu 34:12

Yee, ligali, Nyasaye si a la kola ubukyamu, Kandi Wanyala Vyosi si a la kyaminya likalaga.

Ayubu 8:20

Henza, Nyasaye si a la ta mundu mudukiru, Kandi si a la dinyeridza ava kolanga budamano.

Ayubu 8:3

Nyasaye a kyaminyanga likalaga? Kinga Wanyala Vyosi a kyaminyanga agobulungi?

Zaburi 50:6

Kandi amaguiu gilwadza ubulungi bwibwe; Kigira Nyasaye mwene a veye mukalagi. [Selaha

Zaburi 58:11

Na avandu va la vola, Ligali ga veye ho madanvi gavalungi: Ligali a veye ho Nyasaye, a kalaganga mu lirova.

Zaburi 7:12

Mundu na a vula kwirana, a la hyagala kivavi kikye; U mali kunyira buta bwibwe nokubuhingira;

Zaburi 75:3

Lirova li saluluki halala na ava menyi mu vosi: Inze mwene nsingeridzi tsitiru tsyalyo. [Selaha

Zaburi 94:2

Wekumuminye ive, mukalagi welirova: U he avoluya; ki dukana navo.

Zaburi 98:9

Imbiri wa Yahova; kigira yadzanga kukalagira lirova: A la kalagira lirova nobulungi, Na avetsihiri nelikalaga lilahi.

Kohelethu 3:17

Nda vola mu i mwoyo gwange, Nyasaye a la kalagira avalungi navadamano halala; kigira i veye ho inyinga ku likola sa lilala noku muyinzi sa mulala.

Kohelethu 7:15

Yaga gosi nda ga lola mu madiku gange ga vutswa: a veye ho mundu mulungi u divanga mu bulungi bwibwe, kandi a veye ho mundu mudamano u tsitsagil'langa mu livamwoyo lilye mu vikolwa vivye vyobukyamu.

Jeremia 11:20

Navutswa, O Yahova wa mahe, ive u kalaganga bulungi, ive u geridzanga kikenge nomwoyo, u mbe kulola kisalya kikyo kuvo: kigira nang'aminye likuva lyange ku ive.

Jeremia 12:1

Ive u veye mulungi, O Yahova, ni mba ni nku goonya; navutswa nkano mbolerane nive likuva yili: kigira ki inzira yomudamano i gasidzangwa? Kigira ki ava tumekiranga ubugadi vosi va veye mbwelemeridzi?

Ezekieli 18:25

Navutswa mwinye mu vola, Inzira ya Yahova si i veye inungi mba. Hulira kalunu, O inyumba ya Israeli: Inzira yange si i veye inungi? Tsinzira tsyenyu si tsi veye tsinkyamu?

Malaki 3:18

Inyinga yeyo mu la galuka na mu lavukanya hagati ha valungi na vadamano, hagati ha uyu u tumekira Nyasaye na uyu u vula ku mu tumekira.

Livalidza 16:22

Navo va gwa mammama, nokuvola, O Nyasaye, Nyasaye wa roho gya avembiri wa vosi, mundu mulala na a va na a kola ubwoni, u la dunyira livugana lyosi?

2 Vakorintho 5:10

Kigira ga ku dukira kwinye kwosi kulang'aminywa imbiri wekisako kyelikalaga kya Kristo; ku vosi sa mulala a hebwe kuli kya ya kola ku mubiri kuli ga ya kola, ni ki va kilahi kinga kidamano.

Kwidzulitsa 1:16

Na ndeganehidza avakalagi venyu inyinga yeyo, ni mba volera, Mu hulire makuva ga veye hagati ha vamwavo venyu, mu kalage nobulungi hagati homundu namwavo wewe, nomugeni u veye halala naye.

Kwidzulitsa 1:17

Mu ta henza magondo gavandu mu likalaga; mu hulire avakekeke navanene kuleng'ana; mu vule kutia mumoni mwomundu kali mulala; kigira likalaga li veye lya Nyasaye: nelikuva li mu tama mu lete ku inze, nda li hulira.

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.

Vahebraina 12:23

noku livugana linene lyavandu vosi, navo v a veye livugana lyavatanga kwivulwa, avameta gavo ga ng'odwa migulu, noku Nyasaye Mukalagi wa vosi, noku myoyo gyavandu valungi gya kolwa midukanu,

Vakalagi 11:27

Kunangwa si nda kola budamano ku ive, navutswa ive wa nkolera ubudamano kulwana ninze: Yahova, Mukalagi, a ve mukalagi kandi lero hagati ha avana va Israeli navana va Amon.