Litanga 18:23 - KITABU KITAKATIFU

²³ Na Abrahamu yesunda himbi, na a teva, U la dividza avalungi halala navadamano?

Litanga 18:23 ပူးပေါင်းရင်းမြစ်များ

Litanga 18:24

Ni i va va nyoleka avalungi makumi gatano mu lidala: u la li dividza naho u la li vera tsimbabasi kigira avalungi amakumi gatano va veye mu?

Litanga 18:25

Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

Litanga 20:4

Navutswa Abimeleku ya li na a kikiri kuva nalala naye: naye ya vola, Mwami u liita ihiri inungi?

2 Samweli 24:17

Na Daudi, lwa ya lola ingelosi ya dividzanga avandu, ya volera Yahova, na a vola, Henza ni inze wa kola ubwoni, na nkoli ubukyamu; na vutswa magondi yaga, ga koli ki? Mwadza, mukono gugwo gu veye ku inze, noku inyumba ya dada wange.

Ayubu 34:17

A lameha kali mulala a dunyira agobulungi? Na ive u la kalagira wobulungi nowetsingulu kuva nelihyola?

Ayubu 8:3

Nyasaye a kyaminyanga likalaga? Kinga Wanyala Vyosi a kyaminyanga agobulungi?

Zaburi 73:28

Navutswa nubulahi ku inze kwisunda himbi ku Nyasaye: Nkoli Mwami Yahova kuva kyokwivisa mu kyange, Nduke kuvola miyinzi gyigyo gyosi.

Kutwula 23:7

Weyahule u ve ihale na makuva gobubehi; tiita yavo ava ta li nekindu kuvo na avalungi: kigira si nda ha avadamano ubulungi.

Jeremia 30:21

Na munene wavo a la va mundu wavo mwene, na mwamehi wavo a la va mulala wa hagati havo; nda mwingeridza ku inze, naye a lesunda himbi ku inze: kigira ni bwaha u veye nobuluviriri kwesunda himbi ku inze? Yahova a vola.

Livalidza 16:22

Navo va gwa mammama, nokuvola, O Nyasaye, Nyasaye wa roho gya avembiri wa vosi, mundu mulala na a va na a kola ubwoni, u la dunyira livugana lyosi?

Vahebraina 10:22

kwisunde himbi nomwoyo gweligali nomu lisuuvira lyobudukiru, ku veye nemyoyo gyetu gyuheywi kutwulidza mwoyo mudamano; nomubiri gwetu gwogidzwa namadzi malahi,

Yakobo 5:16

Mweyamirane ubwoni bwenyu avene navene, mu saalirane avene navene mu duke kuhonnywa. Lisaala lyomundu mulungi li konya ligali mu likola lyalyo.

Yakobo 5:17

Elija ya li umundu weliva lilala nekwinye, kandi ya saala nelisaala imbula i ta kupa; nembula ya vula kukupa ku lirova inyinga ya duka mihiga gyivaka nemyeli gyitano na mulala.