Litanga 18:14 - KITABU KITAKATIFU

¹⁴ Ha veye nekindu ku vyosi ki nyala kutama Yahova? Ku inyinga ya lagwa ndirana ku ive, lwa tsinyinga tsi duka, na Sara a la nyola mwana muyai.

Litanga 18:14 ပူးပေါင်းရင်းမြစ်များ

Litanga 17:16

Na nda mu gasidza, kandi nda ku ha mwana kuye; yee, nda mu gasidza, na a la va mama wa tsihiri tsinyingi; avami vavandu va la twula kuye.

Litanga 17:21

Navutswa nda singeridza lilagana lyange na Isaka, wa Sara a li kwivulira ku inyinga i lageywi ku muhiga gudzanga.

Litanga 18:10

Na ya vola, Ligali ndirana ku ive lwa tsinyinga tsi duka; na henza, Sara mukali wowo a livula mwana muyai. Na Sara ya hulira ha kiliango kyelihema, kya li inyima wewe.

Litanga 18:13

Na Yahova ya volera Abrahamu, Kigira ki Sara a sekanga, nokuvola, Inze ligali, ndivula mwana lwa mbeye mukeere?

Litanga 18:15

Hene yaho Sara yambakana, na a vola, Si nda seka mba; kigira ya tia. Naye ya vola, Auwa, navutswa wa seka.

Litanga 21:1

Na Yahova ya henza Sara kuli ya vola, na Yahova ya kolera Sara kuli ya mu volera.

Litanga 21:2

Na Sara ya vereka na yivulira Abrahamu mwana muyai mu busakulu bwibwe, ku inyinga zana ya Yahova ya mu volera.

2 Avami 4:16

Elisha ya mu volera, Inyinga kuli yiyi, umuhiga gudzanga, u la va nomwana muyai mu makono gogo. Naye ya vola, Auwa, munene wange, ive mundu wa Nyasaye, u ta vehera inze mukana mutugwa wowo.

Ayubu 36:5

Henza, Nyasaye a veye wobunyali, na si a leganga mundu kali mulala: A veye nobunyali mu tsingulu tsyelimanya.

Ayubu 42:2

Mmanya ive u nyala kukola vindu vyosi Kandi lisaavira lilyo lyosi si li nyala kugaywa.

Zaburi 90:13

Wirane, O Yahova; kuduka inyinga ki? U vererere avatumekiri vovo.

Zaburi 93:1

Yahova yamehanga; weviki ubukumi Yahova ya vikwa tsingulu; mwene webohi natsyo: Lirova kandi li singeridzeywi, li vule kudengeya.

Zaburi 95:3

Kigira Yahova a veye Nyasaye munene, A veye M wami munene kuvita avanyasaye vosi.

Isaya 50:2

Kunangwa, ni kindu ki, lwa ndadza mundu si ya li ho? Lwa nda langa, mundu si ya li ho wa ntivulira? Mukono gwange gu gehidzwi, gu ta nyala kandi kutungira? Naho inze si mbeye netsingulu tsyokuhonnya? Henza, ku ligondoka lyange nkaminya inyanza, nkola migera gyamadzi kuva kyangalangwi: tsisudzi tsyagyo tsi funya, kigira si ha veye namadzi, nokukudza kigira ubuluhu.

Jeremia 32:17

O Mwami Yahova henza, ive u lombi ligulu nelirova nobunyali bubwo bunene nomukono gugwo gwa nyirwa; si ha veye nekindu kidinyu kuguuta ive,

Jeremia 32:27

Henza, inze mbeye Yahova, Nyasaye wa vemibiri vosi: ha veye nekindu kidinyu ki nyala kuguuta inze?

Danyeli 6:20

Na lwa yisunda himbi ha luhangaywa lwa Danyeli ya li mu, ya hanzuka nomwoyo gwobuvereri; mwami ya moloma na a volera Danyeli, O Danyeli, mutumekiri wa Nyasaye u veye mwoyo, Nyasaye wowo, wa u tumekira kazozo, a nyala kukuhonnya u twule mu ving'ang'a?

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Zekaria 8:6

Yahova wa mahe a vola. Ni li va ni li veye likuva lyokugenya imbiri wetsimoni tsyavo avatigala ku avandu yavo mmadiku yago, ga dukanga kuva likuva lyokugenya imbiri wange? Yahova wa mahe a vola.

Livalidza 11:23

Na Yahova ya volera Musa, Mukono gwa Yahova gwimbihidzwa? Kalunu ive u la lola likuva lyange ni li va ni li duka ku ive, naho li la vula kuduka.

Matayo 14:31

Nonoho Yesu ya nyira mkono, na a mgumira, na a mu volera, Ive welisuuvira likekeke, kigira ki u hayahaya?

Matayo 19:26

Yesu ya va henza na a va volera, Ku vandu si ki nyalika mba; navutswa ku Nyasaye vindu vyosi vi nyalika.

Matayo 3:9

mu ta ganagana mkiritu, mu vole, Ku veye na guga wetu Abrahamu: kigira mmu volera, Nyasaye a nyala kutwulidzira Abrahamu avana ku magina yaga.

Marko 10:27

Yesu ya va henza, na a vola, Ku vandu si ga nyalika mba, navutswa si ga veye ndi ku Nyasaye: kigira vindu vyosi vi nyalika ku Nyasaye.

Luka 1:13

Navutswa ingelosi ya mu volera, U ta tia, Zekaria: kigira lisaala lilyo li huleywi, kandi mukali wowo Elisabeti a la kwivulira mwana muyai, lieta lilye, u la mu gulika Yohana.

Luka 1:18

Zekaria ya volera ingelosi, Inze nda manyira ndi yaga? Kigira inze mbeye musakulu, nomukali wange wa gwa mukeere.

Luka 1:37

Kigira ku Nyasaye si ki li ho kindu ki ta nyalika.

Luka 8:50

Navutswa Yesu ya hulira na a mu tivulira, U ta tia: u suuvire vutswa, kandi a la honnywa.

Varumi 4:21

kigira ya mannywa ligali kya Nyasaye a mali kulaga a la nyala kukola.

Vafeso 3:20

Kalunu ku uyu u nyalanga kukukolera ligali kuvita ga ku nyala kusaava naga kuganagana, kuli tsingulu tsi yinziranga mu kwinye,

Kwidzulitsa 30:3

hene yaho Yahova Nyasaye wowo a la girunkanya lilanywa lilyo, na a la ku vera tsimbabasi, kandi a lirana kukuvungidza mu tsihiri tsyosi, ha Yahova Nyasaye wowo ya ku salanya.

Kwidzulitsa 7:21

U ta va tia mba; kigira Yahova Nyasaye wowo a veye hagati hoho, Nyasaye munene welitihidza.

Vafilipi 3:21

u li girunkannya mubiri gwobudamano bwetu, gu fwanane nomubiri gwobukumi bwibwe, kuli ikola lilye lya a nyalanga kugehidza vindu vyosi vi ve vike kuye.

Vafilipi 4:13

Nnyalanga kukola vindu vyosi mu uyu u nyalidzanga.

Vahebraina 11:19

a volanga Nyasaye a nyala kusimugukidza kali kumutwulidza mu vakudzu; kandi ya mu nyola kutwula yo mu lifwana.

Vakalagi 13:3

Na ingelosi wa Yahova ya loleka ku mukali uyu, na a mu volera, Henza, ive kalunu u veye mugumba, na wa vula kwivula arana; navutswa u la vereka, na u livula mwana muyai.

1 Samweli 14:6

Na Jonathan ya volera musolele uyu wa ginga vyuma vivye, Genda, kwambuke kuduka ku lugaga lwavasindi: namusia Yahova a la ku lwanira; kigira Yahova si a veye nekyokumigalira kuhonnya ku vanyingi kinga ku vakekeke.