Litanga 17:7 - KITABU KITAKATIFU

⁷ Kandi nda singeridza lilagana lyange hagati hange na ive na visukululwi vivyo inyima wowo, mu visukululwi vyavo li ve lilagana lyemihiga nemihiga, nduke kuva Nyasaye ku ive noku visukululwi vivyo inyima wowo.

Litanga 17:7 ပူးပေါင်းရင်းမြစ်များ

Litanga 15:18

Mu lidiku yilyo Yahova ya kola lilagana na Abram, na a vola, Mmali kuha visukululwi vivyo kivala yiki, kutwula ku mu gera gwa Egepeti kuduka ku mugera munene gwa Farati:

Litanga 17:13

Uyu wivulwa mu inyumba yoyo, kandi uyu u gulangwa nefetha yoyo, ga mu dukira ku kevwa: na lilagana lyange li la va ku tsinyama tsyemibiri kuva lilaganalyemihiganemihiga.

Litanga 17:19

Nyasaye ya vola, Auwa, navutswa Sara mukali wowo a la kwivulira mwana; na u la mu gulika lieta lilye Isaka, na nda singeridza lilagana lyange naye kuva lilagana lyemihiga nemihiga noku visukululwi vivye inyima wewe.

Litanga 26:24

Na Yahova ya loleka kuye ubudiku zana, na a mu volera, Inze mbeye Nyasaye wa dada wowo Abrahamu: u ta tia mba, kigira inze mbeye halala nive, na nda ku gasidza, na a nda meda kisukululwi kikyo kigira mutumekiri wange Abrahamu.

Litanga 28:13

Na henza, Yahova u singiye igulu kuyo, na a vola, Inze mbeye Yahova, Nyasaye wa dada wowo Abrahamu, na Nyasaye wa Isaka: kivala kya u goni mu, nda ku ha, na kisukululwi kikyo;

Litanga 6:18

Navutswa nda singeridza lilagana lyange halala nive; nive u lingira mu liatu, ive, na avana vovo, na mukali wowo, na vakali va vana vovo halala nive.

Litanga 9:16

Na kisahi ki la va mu lilesi; ninze nda ki henza, nzidzulitse lilagana lyemihiga gyosi li veye hagati ha Nyasaye na vyosi vi veye mwoyo ku lirova.

2 Samweli 7:24

Na wesingeridzira avandu vovo Israeli va ve avandu ku ive mihiga nemihiga; na ive, Yahova, wa duka kuva Nyasaye wavo.

1 Kyetsinyinga 16:13

O mwinye avolwivulo lwa Israeli mutumekiri wewe Mwinye avana va Yakobo, ava tovole veve.

1 Kyetsinyinga 16:14

Uyu niye Yahova Nyasaye wetu; Mu lirova yili lyosi likalaga lilye li veye mu.

Zaburi 81:10

Inze mbeye Yahova Nyasaye wowo, Wa ku twulidza mu kivala kya Egepeti: Kunula ligali munwa gugwo, na inze nda kwizulitsa.

Kutwula 3:15

Kandi Nyasaye ya volera Musa, U la volera avana va Israeli inkuva yiyi, Yahova, Nyasaye wa avaguga venyu, Nyasaye wa Abrahamu, Nyasaye wa Isaka, na Nyasaye wa Yakobo, u ntumi ku mwinye: yili ni lieta lyange mihiga nemihiga, kandi ni lyokunzidzulitsira kuduka makula gosi.

Kutwula 3:6

Kandi ya vola, Inze mbeye Nyasaye wa dada wowo, Nyasaye wa Abrahamu, Nyasaye wa Isaka, na Nyasaye wa Yakobo. Na Musa ya visa mmoni mwimwe; kigira ya tia kuhenza Nyasaye.

Kutwula 6:4

Kandi nsingeridzi lilagana lyange halala navo, nduke kuvaha kivala kya Kanani, kivala kye limenya lyavo, kya va li va menya mukyo.

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Isaya 61:8

Kigira inze, Yahova, nda yanza likalaga lilungi, ndunyira bunuuli nobudamano; nda va tunga litungwa lyavo mu geligali, na nda lomba lilagana lyemihiga nemihiga halala navo.

Jeremia 31:1

Yahova a vola, inyinga yeyo nda va Nyasaye wobwiko bwosi bwa Israeli, navo va la va avandu vange.

Ezekieli 28:26

Na va la menya nemirembe mukyo; yee, va lombaka tsinyumba, nokusimika milimi gyemizabibu, na va la menya nemirembe, lwa inze mmali kukalaga ku yavo ava va leganga ava va kumbiridza; na va la manya inze mbeye Yahova Nyasaye wavo.

Kyavalevi 11:45

Kigira inze mbeye Yahova wa mwanegiridza kutwula mu kivala kya Egepeti, nduke kuva Nyasaye wenyu: kunangwa mu la va avatakatifu, kigira inze mbeye mutakatifu.

Kyavalevi 25:38

Inze mbeye Yahova Nyasaye wenyu, wa mu twulidza mu kivala kya Egepeti, kumuha kivala kya Kanani, nokuva Nyasaye wenyu.

Kyavalevi 26:12

Na nda genda halala na mwinye, na nda va Nyasaye wenyu, na mwinye mu la avandu vange.

Kyavalevi 26:44

Navutswa ku yaga gosi, lwa va veye mu kivala kya vasigu vavo, inze si nda va sula ligali, kandi si nda va lega, kuduka va dividzwe ligali, nokwononya lilagana lyange navo; kigira inze mbeye Yahova Nyasaye wavo;

Kyavalevi 26:45

navutswa kigira yavo ndidzulitsa lilagana lyavaguga vavo, ava nda leta kutwula mu kivala kya Egepeti, imbiri wetsimoni tsyetsihiri, nduke kuva Nyasaye wavo: inze mbeye Yahova.

Kyavalevi 26:9

Na nda yekidza ku mwinye tsimoni tsyange, nokumuha lwivulu lunyingi, nokumumeda, nokusingeridza lilagana lyange na mwinye.

Mika 7:20

Na u la dukidzira Yakobo ageligali, na tsimbabasi u la dukidzira Abrahamu, vya wesuhira vaguga vetu kutwula madiku ga kale.

Matayo 22:32

Inze ni Nyasaye wa Ahrahamu, ni Nyasaye wa Isaka, ni Nyasaye wa Yakobo? Nyasaye si a li Nyasaye wavakudzi navutswa wa va veye mwoyo.

Marko 10:14

Navutswa Yesu lwa ya lola, ya vihirirwa, na a va volera, Mu leke avana vakekeke vadze ku inze; mu ta vambakannya mba: kigira ubwami bwa Nyasaye bu veye bwa va li ndi.

Vikolwa 2:39

Kigira lisuuviridza yili li veye ku mwinye, noku vana venyu, noku vosi ava veye hale, ku vosi vo Mwami Nyasaye wetu a la langa vadze kuye.

Varumi 9:4

ava veye Israeli, likolwaavana ni lyavo, nobukumi, namalago, kandi lihaanwa lyelilaga, nelitumekira Nyasaye, neli suuviridzwa, vi veye vyavo:

Vafeso 2:2

bwa mwa gendera mu ku matsyambiri kuli liva lyetsinyinga tsyelirova yili, kuli mwami wetsingulu tsyobwerefu, wa roho gu yinziranga kalunu mu vana vobutingu.

Kwidzulitsa 29:13

a duke kukuvika lero u ve ihiri kuye, naye a duke kuva Nyasaye ku ive, kuli ya ku volera, kandi kuli yesuhira avaguga vovo, Abrahamu, na Isaka, na Yakobo.

Vahebraina 11:16

Navutswa kalunu venyanga kivala kilahi kuvita, nakyo ki veye migulu; kigira yaga Nyasaye si ya lola tsisoni kulangwa Nyasaye wavo; kigira u va lombeye lidala.

Vahebraina 8:10

Kigira yili nilyo lilagana lya ndi kolera inyumba ya Israeli Inyima wa madiku yago, Mwami a vola; Nda vika lilaga lyange mu myoyo gyavo, Kandi nda li ng'oda mu myoyo gyavo: Na inze nda va kuvo Nyasaye, Navo va la va ku inze avandu

Vakalagi 2:1

Ma, ingelosi wa Yahova yanegira kutwula Gilgali kutsia Bokim. Naye ya vola, Nda mwanegiridza kutwula mkivala kya Egepeti, na mali kumuleta kuduka mu kivala kya ndisuhira avaguga venyu; nda vola, Ligali si ndononnya lilagana lyange lya nda lagana nemwinye, mihiga nemihiga: