Litanga 17:17 - KITABU KITAKATIFU

¹⁷ Hene yaho Abrahamu ya gwa mammama, na a seka, na a vola mmwoyo gwigwe, mwana a nyala kwivulirwa uyu wemihiga mia? Ka kandi Sara a veye wemihiga makumi gatano na gane a nyala kwivula?

Litanga 17:17 ပူးပေါင်းရင်းမြစ်များ

Litanga 17:18

Na Abrahamu ya volera Nyasaye, Nkano Ishmaeli a nyala kuhindira imbiri wowo

Litanga 17:3

Abram ya gwa mammama: na Nyasaye ya volerana naye, na a vola,

Litanga 18:11

Ku yaga Abrahamu na Sara va li vakungu ligali, nokuva nemihiga minyingi; lya li li mali kutwula ku Sara lilonda miima gyavakali.

Litanga 18:12

Kunangwa Sara ya sekera mmwoyo mwimwe, na a vola, Lwa nduki kuva mekeere, nda nyola busangali, musatsa wange kandi a veye musakulu?

Litanga 21:5

Na Abrahamu ya li nemihiga mia lwa mwana wewe Isaka yivulwa.

Litanga 21:6

Na Sara ya vola, Nyasaye u mbeye liseka; na ku vosi u hulira a la seka halala ninze.

Litanga 21:7

Kandi ya vola Ibwaha nkano ya volera Abrahamu Sara a la nyunnya avana? Kigira mmwivuye mwana muyai mbusakulu bwibwe.

1 Kyetsinyinga 21:16

Daudi ya ginga tsimoni tsitsye, na a lola ingelosi wa Yahova na a singiye hagati helirova neligulu, na ya li nekivavi kisomole mmukono gwigwe gwa sonwa Yerusalemi. Hene yaho Daudi navakulundu, va li ni veviki tsingubo tsyamagunia, va gwa has; mammama.

Ayubu 1:20

Hene yaho Ayubu ya singira, na ya tandula ijoho yeye, kandi ya vegwa mutwe gwigwe, nokugwa hasi, nokusigamira;

Ezekieli 1:28

Kandi kuli liloleka lyekisahi kyembula ki veye mu lilesi mu lidiku lyembula, ni ndiyo kya loleka bung'ering'anu bwa kumbiridza tsimbega tsyosi. Lya li ndiyo liloleka lyelifwana lyobukumi bwa Yahova. Na inze nonoho lwa nda lola, nda gwa mammama, na nda hulira mwoyo gwomulala u volanga.

Danyeli 8:17

Kunangwa yesunda himbi ha nda singira; na lwa ya duka himbi, nda li nobutii, na nda gwa hasi mammama: navutswa ya mbolera, U hulire, O ive mwana womundu; kigira malola yaga ga veye genyinga yekiheri.

Kyavalevi 9:24

Na muliru gwa twuia imbiri wa Yahova, ni gu samba kihaanwa kyokusambwa ku bwali, na vivana: na lwa avandu vosi va gu lola, va kupa lwanga, na va gwa mammama.

Livalidza 14:5

Hene yaho Musa na Haruni va gwa mammama imbiri welivugana lyosi lya avana va Israeli.

Livalidza 16:22

Navo va gwa mammama, nokuvola, O Nyasaye, Nyasaye wa roho gya avembiri wa vosi, mundu mulala na a va na a kola ubwoni, u la dunyira livugana lyosi?

Livalidza 16:45

Mu twule mu livugana, yili nduke kulidividza ku idakika indala. Navo va gwa mammama.

Matayo 2:11

Kandi vingira munyumba ni va lola mwana na Maria mama wewe, ni va gwa ni va mu sigamira, ni va boholola tsikiba tsyavo, ni va mu ha vihaanwa, itha habu, kimuli, nemanemane.

Luka 1:18

Zekaria ya volera ingelosi, Inze nda manyira ndi yaga? Kigira inze mbeye musakulu, nomukali wange wa gwa mukeere.

Yohana 8:56

Guga wenyu Abrahamu ya sangala kulola lidiku lyange; ya li lola na a yanza.

Kwidzulitsa 9:18

Ni ngwa hasi imbiri wa Yahova madiku makumi gane ubudiku nombasu, kuli matsyambiri; nda vula kulia vyokulia, kinga kunwa madzi; kigira mahyolo genyu gosi ga mwa hyola, ku likola lyobudamano mmoni mwa Yahova, kumuvihiriridza.

Kwidzulitsa 9:25

Hene yaho nda gwa hasi imbiri wa Yahova madiku makumi gane budiku nombasu madiku zana ga nda gwa hasi, kigira Yahova ya vola a la mu dividza.

Joshua 5:14

Ya vola, Auwa; navutswa nduki kalunu kuva munene welihe lya Yahova. Ma Joshua ya gwa hasi mammama, na ya mu sigamira, na a mu teva, Mwami wange a volera ki inze mutumekiri wewe?

Joshua 7:6

Ma Joshua ya tandula tsingubo tsitsye, na a gwa mammama imbiri welisanduku lya Yahova na a va ho kuduka inyinga ya mgolova, uyu na vakulundu va Israeli; veyuhira uluguki ku mitwe gyavo.

Likunula 11:16

Kandi avakulundu makumi gaviri na vane avikala ku tsintebe tsyavo imbiri wa Nyasaye, va gwa mammama nokusigamira Nyasaye,

Likunula 5:8

Kandi lwa ya vugula kitabu zana, vilombe vi veye mwoyo vine navakulundu makumi gaviri na vane va gwa imbiri wo Mwana Weligondi, sa mulala ya li nobukana nevituva vyethahabu vizula kimuli, ki veye lisaala lyavatakatifu.

Vakalagi 13:20

Kigira nonoho, lumemo lwa lwa nina mwigulu, kutwula ku bwali, ingelosi wa Yahova ya ninira mu lumemo lwobwali: na Manoa nomukali wewe va henza; na va gwa mammama.