Litanga 16:11 - KITABU KITAKATIFU

¹¹ Kandi ingelosi wa Yahova ya mu volera, Henza ive u veye inda, na u livula mwana muyai; na u la mu gulika Ishmaeli, kigira Yahova u huliye lidambidzwa lilyo.

Litanga 16:11 ပူးပေါင်းရင်းမြစ်များ

Litanga 17:19

Nyasaye ya vola, Auwa, navutswa Sara mukali wowo a la kwivulira mwana; na u la mu gulika lieta lilye Isaka, na nda singeridza lilagana lyange naye kuva lilagana lyemihiga nemihiga noku visukululwi vivye inyima wewe.

Litanga 21:17

Na Nyasaye ya hulira mwoyo gwomwana; na ingelosi wa Nyasaye ya langa Hagari kutwula migulu na a mu teva U veye naki Hagarii u ta tia; kigira Nyasaye u huliye mwoyo gwomwana ha a veye.

Litanga 37:25

Na vikala kulia vyokulia: navo va ginga tsimoni nokuhenza, na henza, va lola uluvaso lwa Avaishmaeli va li kutwula Gileadi, na tsing'amia tsyavo tsi ginganga vindu vi funya mwayu, na kimuli, na manemane, va sulungutanga kutsia Egepeti.

Ayubu 38:41

Ni bwaha u nyoleranga lijikolo vyokulia valyo, Lwa viminyu vyalyo vyaniranga Nyasaye, Nokuvoyavoya kigira lidaka vyokulia?

Zaburi 22:24

Kigira si ya lega kandi si ya dunyira lisaliridzwa lya va saliridzwa; Kandi si a visi mumoni mwimwe kuye; Navutswa lwa yanira kuye, ya mu hulira.

Kutwula 3:7

Na Yahova ya vola, Ligali ndoli ubusaliri bwa avandu vange, ava veye mu Egepeti, na mbuliye lilira lyavo kigira ava va singiriranga; kigira mmanya buvereri bwavo;

Kutwula 3:9

Na kalunu, henza, lilira lya avana va Israeli li ndukiye ha mbeye: kandi ndoli ubusaliri kuli Avaegepeti va va saliridzanga.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Luka 1:13

Navutswa ingelosi ya mu volera, U ta tia, Zekaria: kigira lisaala lilyo li huleywi, kandi mukali wowo Elisabeti a la kwivulira mwana muyai, lieta lilye, u la mu gulika Yohana.

Luka 1:31

Henza, ive u la vereka, u livula mwana muyai, u li mu gulika lieta lilye YESU.

Luka 1:63

Yenya kibao na a ng'oda, na a vola, Lieta lilye ni Yohana. Va genya vosi.

1 Samweli 1:20

na ga duka, lwa inyinga ya duka, Hana ya vereka, na yivula mwana muyai; na ya mu gulika lieta lilye Samweli, ya vola, Kigira nda mu saalira ku Yahova.