Litanga 15:7 - KITABU KITAKATIFU

⁷ Na ya mu volera, Inze mbeye Yahova wa ku twulidza mu Uru lya Vakalidei, kukuha kivala yiki kuva miyandu gyigyo.

Litanga 15:7 ပူးပေါင်းရင်းမြစ်များ

Litanga 12:1

Kunangwa Yahova ya volera Abram, Twula mu kivala kikyo, na mu bwiko bwavo, nomu inyumba ya dada wowo; u tsie mu kivala kya nda ku mannya:

Litanga 12:7

Kandi Yahova ya loleka ku Abram, na a mu volera, Inze nda ha kisukululwi kikyo kivala yiki: naye yombakira ho Yahova ubwali, wa loleka kuye.

Litanga 28:4

kandi a ku he ubugasu bwa Abrahamu, ku ive noku kisukululwi kikyo halala na ive; ive u duke kunyola mivandu gyekivala kya u menyanga mu, kya Nyasaye ya ha Abrahamu.

Litanga 50:24

Kandi Yosefa ya volera avamwavo veve, Nkudzanga, navutswa ligali Nyasaye a la duka ku mwinye, nokumuleta kwanegira kutwula mu kivala yiki kutsia mu kivala kya yisuhira Abrahamu, na Isaka, na Yakobo.

Zaburi 105:11

Kuvola, Nda ku ha kivala kya Kanani, Kya gerwa kuva miyandu gyenyu;

Zaburi 105:42

Kigira yidzulitsa likuva lilye litakatifu Na Abrahamu mutumekiri wewe.

Zaburi 105:44

Ya va ha vivala vyetsihiri; Navo va vugula miyinzi gyetsihiri kuva miyandu:

Kutwula 32:13

Widzulitse Abrahamu, na Isaka, na Israeli, avatumekiri vovo, ava wesuhira ku ive mwene, nokuvavolera, Nda kiridza kisukululwi kyenyu kuli tsing'ereng'ani tsyomigulu, na kivala yiki kyosi kya mboye makuva gakyo, nda ha kisukululwi kyenyu, ki la va miyandu gyavo mihiga nemihiga.

Livalidza 33:53

na mwinye mu la vugula kivala kuva miyandu, nokumenya mu; kigira inze mmali kumuha kivala kuva miyandu gyenyu.

Varumi 4:13

Kigira lisuuviridza lya Abrahamu ya hebwa nevisukululwi vivye, a la va u nyola miyandu gyelirova, si lya li kigira lilaga, navutswa kigira ubulungi bwelisuuvira.

Kwidzulitsa 3:18

Kandi nda mu laga inyinga yeyo, ni mu volera, Yahova Nyasaye wenyu u mu heye kivala yiki mu ki gumire: mwambuke ni mwiviki vyuma vyelihe imbiri wa vamwavo venyu avana va Israeli, mwosi ava mu veye netsingulu.

Kwidzulitsa 9:5

Si ga li kigira butakatifu bubwo, kinga bulungi bwomwoyo gugwo, ive wingira kugumira kivala kyavo; navutswa ga veye kigira ubudamano bwetsihiri yitsi Yahova Nyasaye wowo a va kunganga kutwula imbiri wowo, a duke kusingeridza makuva ga Yahova yisuhira vaguga vovo, Abrahamu, na Isaka, na Yakobo.