Litanga 15:5 - KITABU KITAKATIFU

⁵ Na ya mu hila kyova, na a mbolera Henza kalunu migulu, u validze tsing'ereng'ani, nu u va nu nyala kutsivalidza: na ya mbolera, Lwivulu lulwo lu la va ndi.

Litanga 15:5 ပူးပေါင်းရင်းမြစ်များ

Litanga 12:2

na nda kola Ive u ve ihiri inene, na nda ku gasidza, na nda kola lieta lilyo li ve linenena ive u ve ubugasu:

Litanga 13:16

Kandi nda kola kisukululwi kikyo kuva kuli lugukyi lwelirova: Luduka ni i va mundu a nyala kuvalidza lugukyi lwelirova, na ndiyo kisukululwi kikyo ki nyala kuvalidzwa.

Litanga 16:10

Na ingelosi wa Yahova ya mu volera, Nda meda visukululwi vivyo ligali, vi vule kuvalidzwa ku bunyingi bwavyo.

Litanga 17:2

Na nda lomba lilagana lyange hagati hange na ive, kandi nda ku meda ligali.

Litanga 22:17

mu ligasidza nda ku gasidza, nomu limeda nda meda kisukululwi kikyo vi ve kuli tsing'ereng'ani tsyomigulu, kandi kuli umuyeke gwoluginga lwenyanza; kandi kisukululwi ki lameha ku kiribwa kyavasigu vakyo;

Litanga 26:4

kandi nda meda ligali kisukululwi kikyo kuli tsing'ereng'ani tsyomigulu, kandi nda ha kisukululwi kikyo vivala yivi vyosi; na tsihiri tsyosi tsyelirova tsi la gasidzirwa mu kisukululwi kikyo

Litanga 28:14

kandi kisukululwi kikyo ki la va kuli lugukyi lwelirova, na ive u la landa ku luvega lwemadioli, noku luvega lwevugwe, noku luvega lwekasikasini, noku luvega lwekusini: kandi avandu vosi velirova va la gasidzirwa mu ive nomu kisukululwi kikyo.

Litanga 32:13

Naye ya gona yo ubudiku yibu, kandi ya vugula ku vindu vya ya li navyo vi ve kihaanwa ku Esau amwavo wewe:

1 Avami 3:8

Kandi mutumekiri wowo a veye hagati ha avandu vovo va wa tovola, navo va veye avandu vanene, ava ta nyala kuvalidzwa, kinga ava ta nyala kuvolerwa bunyingi bwavo.

1 Kyetsinyinga 27:23

Navutswa Daudi si ya vika mu livalidzwa lyavo yava ava li na va kikiri kuduka mi higa makumi gaviri, kigira Yahova ya li na a mali kuvola a la meda Israeli kuli tsin'ering'ani tsyomigulu.

Nehemia 9:23

Avana vavo wa va meda livalidzwa lyavo kuli tsing'ering'ana tsyomigulu, na wa va leta nokuvavika mu kivala yikyo, kya wa volera avaguga wavo amakuva gakyo, va lingira nokukyameha.

Ayubu 35:5

U henze ligulu, u lole; Na malesi u ga henze, aga veye igulu kuvita iva.

Zaburi 147:4

A validzanga livalidzwa lyetsing'ereng'ni; A tsi gulikanga ameta gatsyo gosi.

Kutwula 32:13

Widzulitse Abrahamu, na Isaka, na Israeli, avatumekiri vovo, ava wesuhira ku ive mwene, nokuvavolera, Nda kiridza kisukululwi kyenyu kuli tsing'ereng'ani tsyomigulu, na kivala yiki kyosi kya mboye makuva gakyo, nda ha kisukululwi kyenyu, ki la va miyandu gyavo mihiga nemihiga.

Isaya 51:2

Mu henze Abrahamu guga wenyu, na Sara wivula mwinye: kigira lwa ya li mulala nda mu langa nokumugasidza, nokumukola a ve avanyingi.

Jeremia 33:22

Kuli amahe gomwigulu ga vula kunyala kuvalidzwa, kinga muyeke gwenyanza gu vula kugerwa; ni ndiyo ndi meda kisukululwi kya Daudi mutumekiri wange, na Avalevi ava tumekira inze.

Varumi 4:18

Wa suuvira lwe lisuuvira li ta li ho, a duke kuva ise wetsihiri tsinyingi, kuli aga volwa, Ni ndiyo visukululwi vivye vi li va.

Kwidzulitsa 1:10

Yahova Nyasaye wenyu a mu kola kuva avanyingi, na, henzi, lero mu veye avanyingi kuli tsing'ereng'ani tsyomigulu.

Kwidzulitsa 10:22

Avaguga venyu va sulunguta Egepeti avandu makumi gatano na gaviri; na kalunu Yahova Nyasaye wowo u ku koli kuli tsing'ereng'ani tsyomigulu, kiduma kinene.

Vahebraina 11:12

kigira yaga, vivulwa ku mulala wa li kuli mukudzu, vanyingi va leng'ana netsing'ereng'ani tsyomigulu, kandi kuli muyeke gu veye ku luginga lwenyanza, gu ta valika.

Joshua 24:3

Na inze nda vugula Abrahamu guga wenyu engereka yo Mugera na nda mwimirira mu kivala kyosi kya Kanani, nda mu medera kisukululwi kikye, na nda mu ha Isaka.